من قال انك بكفه والعالم بكفه؟ انت العالم وانت الكفتين🖤

32

استمتعوا🔥🔥🔥

""""""""""""""""""""""""""""""""""""""""""
بعد مرور وقت طويل وهم حاضنين بعض
قطعت ساره الحضن وابعدت عن تركي وهي تمسح دموعها وتشتت نظراتها عنه وهي تحس بالشفقه على نفسها (انها فقدت سيطرتها على مشاعرها وبكت هالكثر قدامه)

اما تركي لحظة اللي ابعدت عن حضنه حس بالوحده تتسلل الى قلبه تنهد وناظرها يتفحصها- كيفك الحين؟

قامت من السرير وهي لازالت تشتت نظراتها عنه- احسن
ناظرت الساعة من جوالها (وهي تتهرب من نظراته)- تلقاهم الحين بيحطون الغداء ويدوروننا خلنا ننزل

عرف انها تبي تتهرب منه وهز راسه بالموافقه وقام
ساره- انزل انت اول بروح ابدل ملابسي وبعدين انزل
القى عليها نظره اخيره وهي بملابسه وبعدين شتت نظراته عنها- تمام
وفعلاً طلعت ساره وضل تركي وحده
اخذ نفس عميق (يستجمع نفسه) وبعدين طلع من غرفته

-
قرر تركي يروح لابوه بالسجن عشان يجاوبه عن الاسئلة اللي تدور براسه عن جابر وعلاقته فيه

فهد- ايي زي ما انت مفكر انا وجابر نشتغل مع بعض ونص العمليات حقتهم كانت عندي بالمستشفى
توسعت عيون تركي بصدمه من كلام ابوه مب قادر يستوعب
فهد بابتسامه خبيثه- اجل لو تدري اني معطيهم صورة محمد عشان ياخذونه بالتحديد
قام تركي بعصبيه وشده من ياقته بعصبيه- الله ياخذك حقير نذل الله ياخذك يامريييض احد يسوي كذا انت من وش مخلوق!
اما فهد كان يناظره ببرود

حس تركي باليأس (اللي قدامه مابه رجاء) تركه وقعد مكانه- ليش ما تعترف عليه؟
فهد- وش راح استفيد انا قاعد قاعد بالسجن
تركي- تفكنا من شره مثلاً
رفع فهد كتوفه بلا مبالاة- مايهمني

شد تركي قبضته يحاول يتمالك اعصابه (بس ما قدر) وقام عطاه ضربه قويه على وجهه خلت الشرطة تتدخل وتطلعه من السجن

ركب تركي السيارة وهو يحس بالم حاد بقلبه شد على صدره بيده بقووه (ليش كل هذا قاعد يصير معي! ابوي يطلع بهالوصاخة لدرجة كان بينهي حياة اخوي لييش؟ وش هالقلب له!)
وسند راسه على طارة السيارة بتعب (لازم اوصل لحل لاازم!)

-
بالليل بالحديقة
كانوا قاعدين محمد وتركي وساره
قالهم تركي عن كل شيء صار انه راح لابوه وعرف ان له علاقه بجابر وان جابر لا زال يتاجر باعضاء الاطفال
انصدموا محمد وساره وزاد غضبهم اكثر واكثر انه كل هالسنين كان مستمر وكانوا يقدرون يوقفونه من البداية

تركي يهديهم- انا عرفت معلوماته يعني رقم جواله ومكان شغله ومكان بيته وجت ببالي خطة راح تساعدنا نمسكه
سألت ساره بعفويه (او بمعنى اصح ادعت انه بعفويه)- بس وينه بيته؟
جاوبها تركي بوضوح عن مكان البيت وهو مندمج يشرح تفاصيل خطته

هدأ محمد لما سمع خطة تركي اللي اقنعته
اما ساره كان بالها بمكان ثاني بعيد وبعدها قامت
محمد- وين
ساره- بروح انام حدي تعبانه
محمد- تمام تصبحين على خير
ناظرت ساره تركي ورجعت تناظر محمد- وانتوا من اهله
ابتسم تركي (انها شملته)
لاحظ محمد حركتها واخفى ابتسامته