من قال انك بكفه والعالم بكفه؟ انت العالم وانت الكفتين🖤

53

اعتذر مره مرره عن التأخير بس حرفياً انطفئ شغف الكتابة
عاد اتمنى يرجع لانه صارلي كم يوم اكتب بهالبارت يالله خلصته🫠

""""""""""""""""""""""""""""""""""""""""""
جاء وقت العشاء وتركي للان مارجع للبيت
حست ساره بالقلق والخوف (من انه يكون تاخره له علاقة بجابر)

ناظرت نوره ساعتها بقلق- مرره تأخر تركي
رفعت نوره جوالها تدق عليه بس كان مقفل وزاد قلقها لفت على ساره- جواله مقفل ما قال وين رايح او وش عنده؟
هزت ساره راسها بالنفي- بس قال لي انه عنده شغل
استغرب محمد- وش شغله؟
رفعت ساره كتوفها- مادري بس جاه اتصال وراح

حور بمزح- لا يكون رجع لعادته القديمة
لفت ساره ناحيتها بفزع (لمجرد فكرة انه يرجع لعاداته القديمة وانها تخسر وجوده جنبها) بلعت ريقها بخوف (بعد ما تعودت عليه كذا معها معقوله يرجع زي قبل؟)

انتبهت نوره على تغير وجه ساره وناظرت حور بحده- وش هالكلام! اكيد عنده شغل مهم اذا رجع بنعرف
حست حور على ساره من نظرة امها لها ولفت ناحية ساره- ايي صادقه امي انا بس كنت امزح
هزت ساره راسها بتفهم وقعدت تقلب بصحنها وهي تفكر مب قادره تاكل (ماتدري تخاف عليه من جابر ولا من نفسه؟)

-
بوقت متأخر من الليل
قعدت ساره بالصالة وهي تترقب وصوله بقلق (ولا زال جواله مغلق)

سمعت صوت سيارته وفزت من مكانها ناحية الدريشة واشع وجهها بالفرح (لما شافته وهو يوقف سيارته) وطلعت له مباشره
نزل تركي من السيارة وشافها ابتسم بس انتبه لتعابير وجهها (كانت مليانه عتب وخوف) ناظرها بحزن عرف وش كثر كانت قلقه عليه

راح لها تركي (وهي واقفه بنص الحديقه تناظره)- ليش ما نمتي للحين؟
ساره بقهر- شرايك يعني؟
تركي بهدوء- انا قلت لك عندي شغل
قعدت ساره تتفحصه (كان بكامل سلامته وواضح رزين وهادي بس شكله مرهق وليش ملابسه متغيره؟) ناظرته بشك

استوعب تركي نظراتها- شفيك؟
تنرفزت ساره- انت اللي شفيك؟ وين كنت؟ وليش جوالك مقفل؟ خليتنا كلنا نقلق عليك وجاي تقول شفيك!
تركي بهدوء- قلت لك كان عندي شغل وما اقدر اقولك الحين بس اصبري وراح اشرح لك كل شيء
قاطعته ساره بانفعال- وليش مو الحين! وش بيتغير؟ ابي اعرف كل شيء والحين

تنهد تركي بارهاق- صدقيني ساره حدي تعبان بس بالوقت المناسب راح تعرفين كل شيء
عصبت ساره- وش الوقت المناسب! شوف روحك شلون وبعد مغير ملابسك مادري وش تبيني افكر يعني؟
استوعب تركي (انها شاكه فيه) عقد حواجبه- انتي شاكه فيني!
اسكتت ساره وتنهدت

فهم تركي (انها فعلاً شاكه فيه) تنهد ومسح على وجهه ونطق باحباط- انا حسبت انه عبالك الموضوع له علاقة بجابر عشان كذا عصبتي مادريت انك شاكه فيني! (ضحك بسخرية) بعد كل اللي مرينا فيه برضو جايه شاكه فيني!
تهربت ساره من نظراته (ماودها تدخل معه بهالحوار بس هو بتكتمه على الموضوع وصلها لكذا)