من قال انك بكفه والعالم بكفه؟ انت العالم وانت الكفتين🖤

39

وقفت ساره مكانها متجمده من طلبه تحاول تستوعب
وابعد تركي شوي على طرف السرير وهو يتيح لها مجال (عشان يكون طلبه واضح)

ناظرت ساره السرير وبعدها ناظرت بعيونه (اللي تترجاها) غمضت عيونها بقوه (تنازع افكارها بين رفض وقبول بس هي بنفس الوقت محتاجه قربه زي ماهو محتاجها الذعر اللي عاشته بالفترة الاخيرة والالم والتعب اخذ منها كثيير محتاجه لحظه تهرب فيها من كل شيء ويبقون هم الاثنين بس) اخذت نفس ومشت بخطوات متردده وقعدت على طرف السرير

اشرقت عيونه بسعادة لما شافها جلست ودقات قلبه قاعده ترتفع
وماكان قلبها اهدأ من قلبه فصخت جزماتها ورفعت رجولها على السرير (وهي تحس انه قاعد يسمع دقات قلبها من قوتها)

فتح لها ذراعه (عشان تنسدح عليها)
ناظرته ساره بحنيه- اخاف اضغط على جرحك
ابتسم تركي براحه (ماصدته ماردته ما منعته بس عشان جرحه مايقدر يكون اسعد من هاللحظة) سحب يده بهدوء- تمام
واستلقت ساره جنبه

كانوا اثنينهم مضطربين ومتوترين من قربهم من بعض
الين تعودوا عالوضع شوي

لف وجهه ناحيتها يتأملها عن قرب
حست بنظراته لفت ناحيته واستلقت على جنبها (تتيح لنفسها المجال انها تتأمله هي بعد) مو قادره تصدق انه واخيراً رجعت شافت عيونه

ابتسم لما حس بحركتها وامتدت يده تمسح على شعرها وهو يتأمل عيونها بخدر- انتي شلون كذا حلوه
ابتسمت بلطافه وشتت عيونها بخجل طفيف (ما تقدر ما تستمتع بغزله فيها) ونطقت بمزح وهي تضحك بخفه- متأكد؟ لاني سمعت منك كلام ثاني قبل
قاطعها تركي وهو الثاني يضحك بخفه (على مزحتها)- كنت غبي وما افهم (وكمل بجدية) او يمكن خايف من الشيء اللي شفته فيك

ناظرته ساره بتساؤل- وش شفت؟
قعد يلعب بخصلة من شعرها بتركيز- كنتي مختلفه عن اي احد ثاني بحياتي عمرك ما فشلتي انك تصدميني كنت اظن انك مجرد بنت عنيدة وقوية وقاسية يعني من الظروف اللي عشتيها بس بعدين بديت استوعب وش كثر انتي طيبه وحنونه ومراعيه حتى انا اسوء واحد معك وقفتي جنبي وساندتين لما احتجت احد جنبي (ابتسم بحب) اثرتي فيني كثير وقتها (يقصد لما امه كانت تعبانه)

اندمجت ساره مع كلامه وبدون ماتحس او تفكر امتدت يدها تمسح على خده وهي تتأمله ومندمجه مع كلامه (وحست بشعر ذقنه البارز يداعب كفها)
(تركي بالعادة حليق الذقن بس لانه هاليومين ماحلق طلع له لحية خفييفه)

غمض تركي عيونه (يستمتع بدفئ يدها على خده) حط يده فوق يدها (اللي على خده) ناظرها وكمل- على كثر ما حاولت طول حياتي اني اتغير ماقدرت وحتى اللي من حولي كلهم حاولوا معي اني اعدل من نفسي بس برضو ماحد نجح بس انتي جيتي بفترة قصيرة قلبتي حياتي فوق تحت (ابتسم وكمل) للاحسن طبعاً مادري ليش من البداية تأثرت فيك وبديت اتغير بدون ما احس ومع الوقت صار كل تفكيري واهتمامي (كمل بنبره عميقه) اني اتغير بالشكل اللي يليق فيك اني اكون رجل مؤهل بما فيه الكفايه اني اوقف جنبك وتعتمدين علي وتثقين فيني