من قال انك بكفه والعالم بكفه؟ انت العالم وانت الكفتين🖤

6

امل ومحمد قاعدين يفطرون على البحر
ورايقين ويسولفون وهم يتأملون الاطلالة

وبعد لحظات
استجمع محمد شجاعته وناظرها- امل
ناظرته امل
كمل محمد- انتي بينك وبين تركي شيء؟
تنهدت امل ونزلت الملعقة- فيه شيء بس بصراحة انا ترددت اقولك بعد ماشفت علاقتكم شكثر متوتره خفت اني اقولك
ناظرها محمد باهتمام

كملت امل- بصراحه هو كان معجب فيني من زمان من كنا صغار وكان الموضوع عادي يعني اعجاب اطفال بس مع مرور السنين زاد اهتمامه وصار يوضح لي وانا ماعطيته وجه الصراحة لين اعترف لي انه يحبني ورفضته وتوقعت خلاص بيخليني فحال سبيلي بس صار العكس وبعدها ضل كل ماقرب مني رجل راح هدده وخوفه صاروا الرجال يخافون يقعدون جنبي حتى وهو مابيني وبين ولا واحد منهم شيء بس دراسه وصداقه لين اخر شيء عصبت عليه ووقفت بوجهه وقلت له اني اكرهه وبعدها ابتعد عني وصرنا مانشوف بعض الا بالمناسبات ورغم هذا مافشل انه فكل مره اشوفه يخليني اكرهه اكثر واكثر

حس محمد براحة انه فهم الموضوع- مره ثانيه اشياء زي كذا حاولي تقولينه لي بدون ما اسأل لاني مابي اعرف اي شيء عنك من احد ثاني ابيك انتي تقولين لي كل شيء
مسكت امل يده- اكيد
ابتسم محمد براحة وهو يتأمل امل

في البيت
ساره واقفه قدام باب غرفة تركي وهي متردده
وبعد لحظات استجمعت شجاعتها وطقت الباب ماسمعت رد دخلت وتركت الباب مفتوح

ووقتها تركي توه طالع من الحمام والمنشفه مربوطه على خصره
لفت وجهها عنه

عقد تركي حواجبه لما شافها- من سمح لك تدخلين ولا جايه تكملين على يدي وتكسرينها
ساره وهي للان لافه وجهها- انا جايه بس ابي اتكلم البس عشان نتفاهم
ضحك تركي بسخريه- مسويه فيها يعني تستحين (لانها لافه وجهها عنه) اذا عندك كلام قوليه الحين لاني مشغول مو فاضي لك
رفعت عيونها بانزعاج وبعدين لفت له ومشت ناحيته- انا جايه بقولك كلمتين واطلع

جلس تركي بلا مبالاة على السرير وهو يناظرها بنظرات الاستحقار نفس كل مره
حست ساره بالانزعاج بس كملت- ابعد عن محمد
ضحك تركي بقووة- الحين جايه ومشغلتني وابي اكلمك وابي اكلمك اخرتها هذي سالفتك؟
ساره- لاني اشوفك بديت تزودها وقاعد تأذيه
تركي بخبث- لهدرجه يهمك
ساره بجديه- ايي واللي يأذيه ويغلط بحقه راح يلاقيني بوجهه عشان كذا ابعد عنه احسن لك

قام تركي وقرب خطوه ناحيتها وهي تراجعت خطوه- وانتي مين عشان تعلميني وش اسوي وابعد عن مين تراك مصدقه روحك
رجعت ساره خطوه وهي تلف عنه وتتنهد (منزعجه من فكرة انها بغرفته وهو بهذا الشكل ماودها احد يدخل ويصير سوء فهم)
انتبه لها تركي انها قاعده ترجع عنه- شفيك قاعه ترجعين كنك خايفه مني