تركي في الشاليه
قالب الدنيا فوق تحت كالعادة
قاعد يدخن ويشرب وهو محاوط بالبنات
انتبه تركي لساعته وقام- راح امشي
تفاجؤوا ربعه- ليه وشفيك توها تحلو السهره
تركي- عندي شغل بس عادي نكمل السهره بكره
وقفته وحده من البنات وتمسكت بذراعه- وين رايح تروكي
نفضها عنه وناظرها بحده- لا تسوين فيها انك تمونين وناديني عدل انا مو اصغر عيالك
ابعدت عنه البنت بخوف
وطلع من عندهم متوجه للبيت
كانوا امل ومحمد قاعدين بحديقة البيت
على دخلة تركي للبيت اللي شافهم وانعصر قلبه وهو يشوف تقاربهم وكيف تضحك معه وتسولف معه
وما غاب عن نظره طيف سارة اللي كانت قاعده تراقبهم من بعيد ونظراتها اللي مليانه غيره وحسره
وثواني انتبهت ساره على وجوده وانه قاعد يناظرها
هنا عرفوا انهم اثنينهم بهاللحظة قاعدين يشربون من نفس الكاس
بعدها دخلت ساره داخل
كان تركي وده يخرب عليهم الجو ويتلف مزاجهم
بس ماعنده وقت لانه لازم يروح لفيصل يخلص له مذاكرته قبل ينام
فكمل طريقه ودخل داخل
صعد لغرفة فيصل ودخل عنده
وقعد يشرح له الدرس اللي ماحضره
بعد ما خلص شارح لفيصل توجه لغرفته ورمى نفسه على فراشه بتعب
وجت براسه صورة امل ومحمد وهم جالسين مع بعض
قام قعد على فراشه وتنهد وهو يحس بحرقة في قلبه- معقوله هي للحين فيه؟
وقام بسرعه ونزل الدرج ركض
وفعلاً شافهم للحين قاعدين ويسولفون طلع للحديقة توجه لهم
وقعد معهم- هاه اشوفكم قاعدين مع بعض من متى العلاقة؟
تنهدوا اثنينهم وتجاهلوه
كمل تركي- الا صدق امل شلون قاعده هالقرب منه ومتحمله ريحته؟
هنا شمقت امل بعيونها وماردت عليه
كمل تركي- واضح مب قادره تتكلمين من الريحة انا انكتمت وانا هنا وش عاد انتي مشكلة اللي يصير كل حياته بالشوارع ماينظف ابد مهما يتسبح
عصب محمد لانه فاهم انه بس يبي يخرب عليه- انت الحين وش تبي؟
ناظره تركي باستحقار- منك؟ طبعاً ولا شيء
محمد وهو يحاول يهدي نفسه- اجل وش تبي قاعد تستفزني
لف عنه تركي بتجاهل يناظر امل- انا ماكلمتك قاعد اتكلم مع امل
محمد- انت مالك شغل فينا كلنا لا انا ولا امل تبي تقعد بهدوء كيفك بس تقعد تتكلم بهالطريقة ما اسمح لك
تركي- طيب هذي الحقيقة انت ولد شوارع ريحتك شوارع
هنا عصب محمد وقام- انت الظاهر تبيها هوشه
قام تركي وابتسم باستفزاز- بالضبط
هنا مسكت امل محمد تهديه- خله عنك اصلاً هو يبي يستفزك
هنا وقف محمد مكانه يناظرها
شبت نار بقلب تركي من شكلها وهي ماسكته بس سيطر على مشاعره
وضحك بسخرية- يعني مسوي فيها الرجل المحترم اللي يسمع للنساء وانت واحد همجي وولد شوارع ومتعود على المضاربات بس طبعاً هذي اخرتك تتحكم بقراراتك بنت
هنا قرب منه محمد- انا مب فاهم لوين تبي توصل عشان ترضى
تركي بلا مبالاة- ولا شيء بس كل مافي الموضوع بوري امل انها قاعده مع الشخص الغلط عشان تنتبه اخاف تأثر عليها بتربية الشوارع حقتك وهمجيتك ولا عاد تلصق فيها ريحتك
أنت تقرأ
من قال انك بكفه والعالم بكفه؟ انت العالم وانت الكفتين🖤
Romanceوش اللي ممكن يجمع... رجل مدلل ومستهتر وبنت يتيمه وقويه الشخصية رغم اختلاف الشخصيات - قصة حب تنسج بهدوء ومليئه بالتفاصيل - الكاتبة: نونس لهجة الرواية: اللهجة خليجية استقبل ارائكم واقتراحاتكم بالكومنت✍️
