من قال انك بكفه والعالم بكفه؟ انت العالم وانت الكفتين🖤

3

‏قعد محمد مع سارة يشرح لها خطة أمه وأبوه اللي هي أنه تتزوج من تركي عشان ماحد يقول شي على عيشتها بالبيت خصوصاً الجد

بعد ما شرح لها كل شيء قامت وقفت بانفعال- يعني أنت تبيني أتزوج من ذاك المغرور!
محمد- عادي لان هو مو زواج زواج يعني أنت معليك من شخصيته كل ما في الموضوع أنها ورقة راح توقعين عليها وتعيشين حياتك زي ما أنتي عايشه الحين بالضبط ما راح يتغير عليك شي ابد حتى هو شرط نفس الشيء انه ما يتغير أي شيء بحياته يعني أبد ما راح تحسين إنك متزوجة هو الأساس من الزواج هذا انه عشان قدام الجد

قعدت سارة تفكر بينها وبين نفسها انه هذي الطريقة الوحيده اللي ممكن تخليها تعيش مع محمد وعلي وناظرت للحظه بعيون محمد وهي تفكر(ليش ماخلا انه هو يتزوجني راح يكون مقنع اكثر بس شكله مدخل براسه فكرة اني اخته لدرجة مايقدر حتى يتقبل فكرة زواج على الورق وانا للحين على امل انه ممكن يجي يوم ويتغير شعوره ويحبني نفس ما انا احبه)

محمد وهو ينتظر ردها- ايي؟
صحت ساره من افكارها- تمام ماعندي مشكله
قام محمد بفرح وحضنها- اشوى الحمدلله يعني راح نعيش مع بعض
ابتسمت ساره وحضنته تشد عليه- ايي

وجاء علي وهو مايدري وش السالفة وحضنهم كلهم
لفوا عليه وضحكوا

عند تركي
اللي قاعد من امس بالشاليه بعد ما ضربته امه كف
كان جالس يناظر في المسبح وهو غرق في افكاره
وفجأة قام ورمى نفسه بالمسبح وبدأ يسبح وكأنه يتقاتل مع الماء
الين تعب وجلس على طرف المسبح ورجوله للان داخل الماء

حس بمنشفه تحط على راسه
لف وجهه شاف امه
نوره وهي تجفف شعره- عسى نارك هدت شوي
هز تركي راسه بمعنى لا

جت قعدت نوره جنبه وحطت رجولها بالماء
لفت عليه تناظره- انا ادري انك عانيت كثير وانت صغير من بعد ما ضاع اخوك وادري اني خلال فترة الاكتئاب قصرت كثير بحقكم انت واخوانك وبالاخص انت لانك كنت تحاول قد ماتقدر تسد عندهم الفراغ اللي تركناه انا وابوك عشان كذا انت تأثرت اكثر منهم لانهم هم كان عندهم انت بس انت ما كان عندك احد وهذي غلطتنا انا وابوك انك كبرت وحيد وحاولنا نصحح غلطنا بس انت للحين رافض انك تعطينا فرصه اننا نقرب منك ونكسبك من جديد بنيت حولك جدران وسكرت على عواطفك ما خليتني القى طريقة اوصل لك فيها

تركي وعيونه للان على الماء- جيتوا متأخر الحين انا ما احتاج وجودكم العاطفي والمعنوي يكفيني المادي لاني تعودت عليه وحبيته كون اني اخذ السيارة اللي ابي واسافر وين ما ابي حتى شاليه حاطين لي وش ابي اكثر
ناظرته نوره بحزن ومسحت على وجهه- بس حنا نحتاج لك

ابعد يدها وابتسم بسخرية- قصدك محتاجه وجودي بالبيت عشان تمشي خطتكم عالعموم لا تخافين انا ماراح اترك البيت بس بغيت هاليوم افك شوي عنكم
نوره- لا والله ابد مب هذي نيتي صدقني بس انا امس قعدت افكر بكلامك حنا فعلاً ظلمناك كثير