من قال انك بكفه والعالم بكفه؟ انت العالم وانت الكفتين🖤

48

التصويت على اخر بارت مرره حلو حمسني اكتب
عشان كذا بلييز صوتوا واكتبوا رايكم

وهذا البارت الحلو لعيونكم🫡🤍🤍

"""""""""""""""""""""""""""""""""""""""""
يوم العزيمة
كانوا الكل يتحركون مخترشين
اللي يتزين واللي يتلبس والدنيا كله قايمه قاعده

ما عدا تركي اللي كان واقف برى بالحديقة يكلم بكل جدية
تركي بحده- طولتوا الموضوع! انا ابيكم توصلون له اليوم قبل بكره فاهم!
وسكر المكالمة

ورجع كلم على رقم ثاني وكانت محادثه مليئة بالجدال
تنرفز تركي- انا علمتك من البداية ابيه ينام بالسجن بأقرب وقت وبأي وسيله

وبعد ما انهى المكالمه قعد بتعب على الكرسي وطلع ورقه من جيبه (رسالة تهديد وصلت اليوم للبيت من جابر) هالمره ماحد ابد عرف عنها غيره شد على الورقة وهو يصر على اسنانه بقهر

(اذا كملت تلاحق وراي راح اجيك
جابر)

تركي بغضب- هذا المطلوب انك تجي واوقفك عند حدك
تذكر ان ساره وعايلته ممكن يتأذون وتنهد بتعب (مايدري كيف يوقف هالجابر)

انتبه للوقت وقام بسرعه يتجهز عشان العزيمه

-
بغرفة ساره
توها خلصت لابسه فستانها
وسمعت صوت طق على الباب (حسبتها حور)- ادخلي جابك الله

دخل تركي
وتفاجئت ساره- حسبتك حور
ناظر تركي شكلها بالفستان (للحين مو قادر يتخطى جمالها فيه) وانتبه انها ماسكه الفستان تحاول تسكره- اساعدك؟
بعد تردد هزت ساره راسها بتأكيد

ترك تركي الكيس اللي معه على الطاولة
وساره تراقب الكيس بفضول

قرب منها ومسك سحاب الفستان وسكره (وكانوا واقفين قدام المرايه) ناظر انعاكسهم وسند ذقنه على كتفها وابتسم بحب وهو يتأمل انعكاسها بالمراية- انت شلون كذا حلوه؟
ابتسمت ساره وهي تبادله النظرات

تذكر تركي وابعد عنها عشان ياخذ الكيس- ايي صح جبت لك شيء
ناظرته بترقب- وشو؟
طلع تركي من الكيس علبه وفتحها وناظر ساره بحب- عشان الليله ليلتك لازمك طقم يليق فيك
ناظرت ساره الطقم بانبهار (كان ناعم بس واضح انه غاالي فيه قطع الماس وشكله فخم) نطقت بتوتر- لا ما اقدر البسه شكله غالي
ابتسم تركي وهو يشيل السلسال- الغالي يرخص لك (قرب منها بيلبسها)

مسكت ساره يدينه توقفه- لا صدق تركي اخاف يصير له شيء
تركي بحنية- عادي ابوي انتي اصلاً هو لك سوي فيه اللي تبين
ارتخت مسكتها ليدينه الين تركتها ونزلت يدينها باستسلام

توجه تركي ناحيتها (ووجهها مقابل لوجهه) عشان يلبسها قرب منها وحاوطها بيدينه وهو يحاول يسكر السلسال (وطبعاً استغل الفرصة انه يكون قريب منها اطول وقت ممكن)
تخدرت ساره من قربه وريحته (حاط عطر هو؟ غير عن ريحته بالعاده)