من قال انك بكفه والعالم بكفه؟ انت العالم وانت الكفتين🖤

5

كانت ساره قاعدة تهرول بالحديقة
على دخلة تركي للبيت وشافها
وقف قدامها عشان يوقفها- ها عشتي بالقصر وصرتي بتطبقين حركات الاغنياء هروله وتمارين

ساره وهي تلهث تحاول تستجمع انفاسها- انا اهرول واتمرن من قبل اجي بيتكم
تركي بانبهار- اووه هو بيتنا فعلاً! انا نسيت من كثر ما انكم مستحلينه
ساره- حنا ابد ما استحلينا شيء حنا ضيوف وقاعدين باحترامنا
تركي- ضيوف يعني فترة ويروحون انتي عارفه صح؟ يعني متى المغادرة ان شاء الله علميني عشان اسوي حفلة وقتها وداعية لعيال الشوارع

تنهدت ساره وهي عارفه انه قاعد يحاول يستفزها فتجاهلته
كمل تركي- اما سالفة الاحترام مااشوفك محترمه اهل البيت
ناظرته بحده- والله عاد اذا اهل البيت غلطوا بحقنا لازم نرد
ابتسم تركي باستفزاز- ايي لا صح صادقه يعني مثلاً اذا جاء راعي البيت كذا ولمسك
قرب تركي منها ومرر يده على ذراعها- زي كذا

اول مالمسها مسكت يده ولفتها ورى ظهره حس تركي بالم
تكلمت ساره وهي تصر باسنانها- اقسم بالله اذا حاولت تلمسني مره ثانيه لاكسرها لك
تحرر تركي منها وهو يدلك يده بالم- حشى مافيه انوثه ابد انتي متأكده انك بنت
ناظرته وهي لا زالت الشرار يطلع من عيونها
كمل تركي بسخرية- اكيد اجل على تصرفاتك هذي عمرك مالفتي نظر رجل او حتى (كمل وهو يناظر شفايفها) انبستي مثلاً

شدت ساره على قبضتها وناظرته بغضب- صدق وقح وقليل ادب
كمل تركي- ليش؟ قلت شيء غلط! اظن ان كلامي صح يعني قلنا ماعندك ميزة الشكل واللبس والطلة بس حتى الشخصية والاسلوب ماحاولتي فيهم (ناظرها باستفزاز) اظن هذي مشكلة اللي ماعندها اهل يربونها اكيد ماتعرف تتعامل مع الناس

رفعت ساره يدها ولكمته مع وجهه بكل قوتها لدرجة طاح على الارض
وهي تناظره والدموع متحجره بعيونها
قعد تركي بالارض مصدوم وهو ماسك وجهه يحس ان فكه انكسر وطلع دم من شفايفه توقع اقصى شيء انها تعطيه كف مثلاً بس صدمته
وقام من مكانه معصب-انتي مجنونه شلون تمدين يدك علي ماتعرفين الا تتعاملين بالضرب صدق بنت شوارع وهمجيه

ساره بقهر- طالع من يتكلم يابو الاسلوب انت والتربية ماكنك كل ماشفتنا رميت كلمه يا اما تهيننا او تجرحنا كل همك بس نفسك ولا تفكر باحد غيرك يالمريض روح تعالج
تركي- انا مريض! الا انتم اللي جايين تدمرون حياتي
ساره- وش ندمر بس انت من حينك متدمر تحسبنا ماندري انك سكير وراعي بنات ومقضيها سهرات ولعب ماعندك اي ادنى جدية او احساس بالمسؤولية عايش بس تتسلى باختصار انت عاله عايش عالفاضي

ناظرها تركي بعصبية والشرار يطلع من عيونه- والله ومابقي الا انتي يابنت الشوارع تقيمين حياتي هذا اللي ناقص تدرين لو اللي قدامي رجل كنت هشمت وجهه الحين بس عشانك بنت بخليك (وناظرها من فوق لتحت باستحقار) مع اني اشك انك بنت صراحة لا اللبس ولا الاسلوب ولا الشخصية كلك على بعضك صفر انوثه
ضحكت بسخرية- والله هذا اللي ناقص بعد انت تقيمني
وراحت تكمل هروله عشان تهدي من غضبها وتركته واقف مكانه