من قال انك بكفه والعالم بكفه؟ انت العالم وانت الكفتين🖤

20

كنت سهرانه وقلت اخلص البارت عشان انزله لكم
اتمنى يعجبكم🤍🤍

""""""""""""""""""""""""""
ولما لف يرجع لغرفته وقف مصدوم
كانت ساره شابكه السماعات وقاعده تسمع تسجيلات ابوه
راح لها ركض وسحب منها السماعات بغضب- من سمح لك تتعدين على خصوصيتي
وقفت ساره وتكتفت- انا كنت حاسه ان وراك شيء بس ماجاء ببالي انك تتجسس على ابوك
توتر تركي واسكت
كملت ساره وهي تناظره بشك- بس ليش؟

قعد تركي يشتت نظراته عنها- مو شغلك
ناظرته ساره بهدوء- علمني عشان اقدر اساعدك
تنهد تركي بتعب بس اخذ نفس واستجمع نفسه عشان يخفي مشاعره وبسرعه ناظرها باستفزاز- الا انتي اللي ليش جايه هنا عندي (ابتسم بخبث) لايكون وافقتي على عرضي امس
رفعت ساره عيونها وتنهدت لانه رجع لالاعيبه المفضوحة (لو مسوي هالحركة قبل تسمع كلام الخدامات كان صدقت بس الحين مستحيل تمشي عليها هالحركات)
قرب منها تركي وهو مبتسم باستفزاز (لا زال يحاول يبعدها)- طلعتي مب هينه ما امداني رميت العرض الا جيتي ركض قولي من الاول انك تبيني

عصبت ساره وطلعت من جيبها سكينتها ووجهتها على صدره وتحديداً على قلبه- اقسم بالله اذا ما تكلمت عدل وبادب واحترام ان لا ادخل هذي فيك
ضحك تركي بسخرية- يلا اشوف كيف
هنا ناظرته بحده- انا اعرف انك قاعد تسوي كل هالتصرفات عشان تستفزني بس احب اقولك انك ماراح تنجح صح انك امس نجحت بس اليوم لا تحاول ماراح تضبط معك عشان كذا بعطيك اخر فرصة اشرح لي وش اللي قاعد يصير ولا بروح ابلغ الشرطة عن كل شيء بداية من سالفة محمد وهالتسجيلات اللي مادري وش تبي فيها وعاد اللي يصير يصير

استغرب تركي (وش اللي تغير من امس لليوم ليش قاعده تتكلم بهالثقه؟) ناظرها بحيره بس بعدها استوعب ورجع يكمل بنفس اسلوبه- ماتقدرين وبعدين من وين جايبه شوفة النفس اللي عندك اني ببذل مجهود عشان استفزك ترى على فكرة انتي ولا شيء بالنسبة لي
تبتسم ساره باستفزاز وتسكر السكين وترجعها لجيبها وتقرب من تركي وهي مركزه بعيونه (قررت انها تلعب معه لعبته)- يعني ماعندك مشاعر ناحيتي؟
رجع تركي خطوه وهو يحاول يتكلم بثبات- لا
وتقدمت هي خطوه لين صار خلفه الجدار مايقدر يرجع اكثر
ركزت ساره نظرها على شفايفه بجرأة ورجعت ناظرت عيونه- متأكد؟
بلع تركي ريقه من توتره لقربها منه لهدرجة (هذي وش قاعده تسوي وليش تناظرني كذا!) وبالكاد نطق من توتره- متأكد

ناظرت ساره بعيونه وابتسمت نص ابتسامه وبعدها ابعدت- انا بعطيك فرصة لنهاية اليوم وبعدها خلاص مابيننا كلام
وطلعت من غرفته وعيونه معلقه بالباب

تنفس تركي بقووة وشد بيده على صدره حس انه بينفجر بهاللحظة (وش هالجنون كيف سوت كذا او حتى ليش اصلاً تسوي كذا! مو قادر اصدق حسيت بانفاسها وهي تلفح على وجهي حتى ريحتها تسللت الى داخلي وش هالشعور يارب)