من قال انك بكفه والعالم بكفه؟ انت العالم وانت الكفتين🖤

57

صباح جديد
صحى تركي وماحصل ساره جنبه
قام من مكانه مفزوع وتوجه ناحية الحمام على امل انها هناك بس ماحصلها

نزل لغرفتها وهو يمشي بسرعه وفتح باب الغرفة بس ماحصلها بدأ الخوف والهلع يدب في جسمه
ووقف مكانه للحظة يستوعب (ماهي موجوده ابداً بالغرفه)

ونزل بخطوات سريعه لتحت
شاف الكل جالسين يفطرون ما عدا ساره
كان يلهث من تسارع انفاسه ودقات قلبه (بعد الركض والفزع اللي عاشه) ونطق بصعوبه بصوت متقطع- ساره ساره وينها؟

ناظروه كلهم مستغربين من حالته (كان ببجامته وشعره مبعثر ووضعه معتفس)
نوره- بالمطبخ
حور- ليش؟
وبدون مايرد او يسمع باقي كلامهم توجه للمطبخ بخطوات سريعه

-
كانت ساره قاعده تجهز شاهي اعشاب (عشان تركي) تبيه يساعده يسترخي

اول ما شافها تركي ارتخت اكتافه ووقف للحظة ياخذ نفس (وهو يتأمل تحركاتها)
انتبهت ساره على وجوده ولفت ناحيته- انت قمت؟
بمجرد ما سمع صوتها توجه ناحيتها وهو فاتح ذراعيه
لما شافت سارع الخوف بعيونه فتحت له ذراعيها قبل يوصل عندها

وحضنوا بعض
مسحت ساره على ظهره بلطف (فهمت انه فزع لما ماحصلها)
وشد عليها تركي وهو مغمض عيونه ونطق وصوته يرتجف- خفت لما قمت وماحصلتك جنبي
ساره بحنيه (وهي للحين تمسح على ظهره)- اسفه حبيبي بس قمت اسوي لك شاهي اعشاب عشان يريحك

فك تركي الحضن (وهو ماسكها من ذراعيها) وناظرها بضعف وهو يتكلم بسرعه- مابي شاهي مابي شيء بس خليك جنبي
ابتسمت ساره بذبول ومسحت على لحيته بكفها
غمض تركي عيونه يستشعر لمستها ورجع حضنها وهو محاوطها بذراعيه بقوه ويستنشق ريحتها
همست ساره قريب من اذنه- انا جنبك ولا شيء بالدنيا يقدر يبعدني عنك
غمض تركي عيونه براحه

-
بعد وقت
ساره (وهي تناظر باب المطبخ بقلق تحس احد بيدخل)- خلاص تركي خلنا نروح نفطر
فصل تركي الحضن على مضض (وهو محاوط خصرها)- تمام يلا
مدت ساره يدينها ناحية شعره (تحاول ترتبه وتعدله بيدينها) وهي تناظر عيونه بقلق- مب عادتك تنزل وانت كذا مبهذل ولا غيرت ملابسك

ناظر تركي لروحه وهو يستوعب (صدق هو طبيعته من النوع اللي يحافظ على مظهره مب عادته يطلع من غرفته وهو توه قايم ومتبهذل) ناظرها بضياع- مادري ماحسيت بروحي ولا فكرت
ناظرته ساره بحزن (حالته اوجعت قلبها) مسكت يده وابتسمت بحنيه- تعال معي نروح لغرفتك تبدل وبعدين ننزل نفطر

شبك تركي اصابعه باصابعها
ومروا بهدوء جنب طاولة الطعام
والكل عيونهم تناظرهم بتساؤل

-
بعد ما غير تركي ملابسه وطلع من غرفة الملابس
كانت ساره جالسه على طرف السرير تنتظره
قامت ساره توجهت ناحيته ومشته عند المراية وقعدته على الكرسي

حطت على شعره شوي من كريم الشعر وقعدت تمشط شعره
وتركي يتأمل انعكاسها على المراية وعيونه تلمع بحب (مستمتع باهتمامها وتدليلها له) تحولت نظراته لحزن (فرق دقايق بسيطة بين نزولها والحادث كان بيحرمه من هالشعور)