من قال انك بكفه والعالم بكفه؟ انت العالم وانت الكفتين🖤

30

مو مصدقه وصلت البارت ال30 ابد ما توقعت استمر كذا بس جداً استمتعت وراح اكمل معكم للنهاية🫶🏼

استمتعوا🤍

""""""""""""
رمش تركي اكثر من مره (يحاول يستوعب)- وش قاعد تقول! من هذا؟ ووين شفته؟
تنهد محمد- سالفه طويله بس صدفه وانا بمحل شفته انصدمت

اسكت تركي شوي يستوعب- طيب وش دراك انه ميت؟
محمد- شفته يموت قدام عيوني
انصدم تركي- شلوون!

بدا محمد يشرح القصة من البداية- كنا انا وساره وعلي مقضين حياتنا بالشارع زي ما انت عارف بس مره جوا لنا مجموعة رجال قالوا انهم يجمعون الاطفال ويهتمون بهم وفعلاً كانوا محملين بباص مجموعة اطفال وحنا فرحنا فرصه لنا رحنا معهم وبعدين لما وصلنا بدوا يوكلوننا ويشربوننا وكنا فرحانين على الاقل اول مره نعيش كذا ايام مرتاحين

كان تركي يناظره وهو مسند خده على يده ومندمج معه
كمل محمد وصوته يرتجف- بس طلع كل هذا مو لسواد عيوننا
تحولت ملامح تركي لقلق
كمل محمد وهو يتكلم بصعوبه- طلعوا ياخذون اعضاء الاطفال
انصدم تركي ومسح على وجهه

اسكت محمد شوي يستجمع افكاره
تركي وهو يناظر محمد بخوف- وبعدين؟
محمد بهدوء- لما اكتشفت الموضوع تكلمت مع ساره اننا نهرب ومعنا علي ونبلغ الشرطة وافقت ساره بسرعه واستغلينا الوضع لما ناموا بالليل وطلعنا نركض بس بسرعة لاحظونا ولحقونا وبعد عناء مسكونا كلنا وودونا عند مديرهم بدا يهاوشنا وهو يقول انا بايش قصرت معكم وكذا وقلنا له اننا عارفين وش بيسوون فينا وقتها انقلب من شخص الى وحش كله على بعضه انقلب حتى نظراته صارت وحشيه وبدا يناظر ساره بطريقة بشعه

كان تركي حاط يده على فمه وهو يناظرومحمد بخوف (من اللي راح يقوله)
وبدا صوت محمد يهتز- خلوهم يطلعوننا انا وعلي من المكتب وحنا نصرخ وانا كنت خايف على ساره وتخلصت منهم بصعوبه وبعدها دخلت عندهم واشوف مديرهم طايح على الارض غرقان بدمه وساره تبكي وهي ترتجف وبيدها السكين وملابسها مقطعه كان على وشك انه
(ماقدر محمد يكمل والدموع نزلت من عيونه وهو يتذكر)

اما تركي كان قاعد يناظر قدامه بضياع وهو مو قادر يستوعب او يصدق ورجع ناظر محمد (ينتظره يقول شيء غير اللي سمعه يبي يحس انه سمع غلط بس تعابير وجه محمد ودموعه اكدت له اللي سمعه)

غطى محمد وجهه بيدينه وهو يبكي ويحاول يستجمع نفسه
اما تركي كان ضايع مايدري وش يقول او وش يسوي (مو شيء هين ابد اللي مروا فيه وخصوصاً هي كلش ما تستاهل) رفع راسه يناظر لفوق وهو يحس بوجع بصدره (وفوق كل هذا انا الحمار ما قصرت معاها خليتها تذوق السم مني بعد) نزلت دموعه (ومتوقع تسامحني بسهوله انا استاهل انا حماار)

-
بعد صمت
كمل محمد- لما شفته حسيت كل شيء قاعد ينعاد قدام عيوني
تنهد تركي بتعب- يعني انت متأكد انه هو؟
محمد بثقه- ايي مستحيل انسى وجهه
تركي- انت شلون جزمت انه مات؟
محمد- ماكان فيه نبض والطعنة كانت عند القلب وبعدها استغلينا الحوسه اللي صارت بانه مات وهربنا
تركي- طيب ما تعرف اسمه او اي شيء عنه؟