تركي في الشاليه
صحى وكالعادة جنبه وحده من البنات
قام رمى فلوس جنبها
ودخل يتسبح
لما طلع ماحصل البنت
راح لغرفته الخاصه عشان يلبس
نزل الدرج وهو يولع زقارته
شاف الطاولة عليها فطور عقد حواجبه مستغرب
جاه صوت من وراه- انا جهزت لك الفطور
كانت البنت اللي نام معاها امس
اخذ تركي نفس من زقارته ومسح على وجهه وتنهد- انتي نسيتي كلامنا امس؟
بدت البنت تستغبي- اي كلام ما اذكر شيء
طلع جواله وشغل تسجيل صوت لها وهي تقبل شروطه وقوانينه
(انها مجرد علاقة جسدية لا اكثر ولا تتوقع منه اي اهتمام او حب)
هنا تغير وجهها- ايي نسيت كنت شاربه وكذا
تجاهلها وناظر السفرة من غير ما يناظرها- تبين تقعدين تاكلين كيفك بس انا طالع اتمنى ارجع ما احصلك
وطلع وخلاها وهي مقهوره من فشل محاولتها معاه
ركب تركي السيارة واخذ زقاره ثاني ولعها واخذ نفس منها- هالغبيه تحاول تلعبها علي
وقتها جاه رساله من امه محتواها (تعال للبيت)
عند نوره وفهد اللي قلقين وينتظرون تركي
نوره- انا بتكلم معاه وانت ايدني بكل شيء لازم نكون متكاتفين قباله
تنهد فهد- لا تقسين عليه تراه للحين مصدوم من سالفة محمد ومو متقبله
نوره- عشان كذا لازم يعيشون كلهم بالبيت لازم يكونون قبال بعض عشان تصير قلوبهم على بعض
على دخلة تركي للبيت
راح لهم بالمكتب ودخل مباشره
ناظرهم تركي بلا مبالاة- ايي شبغيتوا؟
نوره- اجلس بالاول راح يجيبون لنا الحين قهوة وراح نتكلم
دقايق وجت القهوة
شربوا كلهم على رشفه
وبعدها تكلمت نوره- فيه طلب ودنا نطلبه منك
عقد تركي حواجبه باستغراب- طلب من انا!
فهد- ايي لازم تسمعنا عدل قبل تحكم وتتكلم
حس تركي على هالمقدمات فيه مشاكل جايته بالطريق- اسمعكم
نوره- انت عارف اننا الحمدلله حصلنا محمد اخوك
هز تركي راسه بغيض وقل صبر
فهد- بس لمحمد اخوان تربوا معه وشرط عشان يجي يسكن بالبيت انه يجيبهم معه
قاطعهم تركي- وطبعاً رفضتوا صح؟
ناظروا فهد ونوره بعض ورجعوا ناظروا تركي
اللي فهم الرد قبل يقولونه- تمزحون اكيد! يعني بتقلبون بيتنا ملجئ لعيال الشوارع
نوره بحده- لا اسمعك مره ثانيه تتكلم بهالاسلوب
تكتف تركي بقل صبر- مادري لوين بتوصل معكم
نوره- خل عنك هالكلام الفاضي واسمعنا للاخر
تنهدت نوره بعمق وكملت كلامها- نرجع لموضوع اخوان محمد عنده علي تقريباً بعمر فيصل طبعاً مافيه مشكله بالموضوع بس عنده سارة اللي تقريباً بعمر حور
ناظرهم تركي ولا زال مستغرب- طيب انا شدخلني؟
نوره- انت تعرف جدك وش كثر صاحب عقلية قديمة وشديد وحازم بهالامورعشان كذا حنا نبيك تساعدنا بتسهيل حياتهم هنا
ناظرهم تركي بقل صبر
كملت نوره- نبيك تتزوجها
قام تركي وتوسعت عيونه بصدمة- اتزوجها! أنتم أكيد انجنيتوا وش اللي اتزوجها
أنت تقرأ
من قال انك بكفه والعالم بكفه؟ انت العالم وانت الكفتين🖤
Romanceوش اللي ممكن يجمع... رجل مدلل ومستهتر وبنت يتيمه وقويه الشخصية رغم اختلاف الشخصيات - قصة حب تنسج بهدوء ومليئه بالتفاصيل - الكاتبة: نونس لهجة الرواية: اللهجة خليجية استقبل ارائكم واقتراحاتكم بالكومنت✍️
