من قال انك بكفه والعالم بكفه؟ انت العالم وانت الكفتين🖤

7

دخلوا نوره وسارة وحور وبيدينهم الاكياس
تجمعوا عليهم محمد وعلي وفيصل
وهم يتفرجون وش شروا

طلعت ساره بدله وجزمات سبورت ومدتهن لعلي- ذولي عشان اذا جيت تلعب كره
استانس علي وحضنها بقوه- شكراً يا احلى اخت بالدنيا
حاوطته ساره بفرحه

قرب منهم محمد وناظر ساره- وانا يعني مالي شيء
ضحكت ساره- الا شدعوه اكيد لك
وطلعت له نظارات شمسية
اخذها محمد ولبسها وراح يشيك على نفسه بالمرايه وبعدها ناظرهم- هاا كييف
نوره- قمر قمر ما شاء الله
ابتسم محمد بفرحه وجاء اخذ ساره بحضنه- ذوق طالعه علي
ضحكت ساره- ايي اكيد مافيها نقاش

ناظرت نوره ساره- وانتي وش اخذتي لك؟
ساره- يعني كم لبس واغراض كذا
حور- حاولت اقنعها تاخذ مكياج واكسسوارات بس رفضت
حكت ساره رقبتها بتوتر- يعني مو جوي
مسحت نوره على شعر ساره وناظرت حور- خليها على راحتها
ضحكت حور- اشوفك قاعده تدافعين عنها شكلها صارت اعز مني

وضحكوا كلهم وكانت ساره مرره مبسوطه بجو العايله
وجت اخذت كيس وقربت من نوره مدته لها- هذا لك
تفاجئت نوره واخذته- ليش ياساره والله مايحتاج
ساره بخجل- ادري بس كنت حابه اعبر لك عن شكري مره انبسطت اليوم
ناظرتها نوره بحنان وحضنتها بقوه- انا اللي والله انبسطت
حور بمزح- لا بالله صدق سحبت علي امي
ضحكت ساره وهي تمسح الدمعه اللي تمردت من عينها (مسكت روحها قد ماتقدر لانها ما تحب احد يشوفها وهي تبكي بس غصب عنها نزلت هالدمعه)

ابعدت نوره عن ساره وفكت الكيس كان شال
طلعته نوره تتأمله- مرره حلوو يناسب ذوقي
ابتسمت ساره براحة- ايي حسيت اول ماشفته انه يناسبك
حطته نوره على اكتافها تجربه- حتى ملمسه ناعم مره

كل هذا كان تحت انظار تركي اللي قطع عليهم الجو- الحين انتي يمه اللي ماتلبسين الا براندات اخر عمرك تلبسين كذا
من اول ما سمعوا صوته سقطت جميع ابتساماتهم
تنهدت نوره وقربت منه تكلمه بهدوء- مافرقت ماركه او غيره المهم شكله حلو ماله داعي هالكلام

عصب تركي- الا له داعي انا افهم ليش هذا مدخلته حياتنا (وهو يأشر على محمد) لانه ولدك بس ذولا(وهو يأشر على ساره وعلي) على اي اساس فارضتهم علينا جايبتهم للبيت وتوكلينهم وتشربينهم وممشيه لهم مصروف وهالمره مطلعه معك انتي وحور بنت الشوارع للسوق والثاني تشرين له نفس فيصل قاعده تحطينهم معانا بنفس الكفه بس مهما تسوين يضل هم وين وحنا وين عمره ماراح تتغير حقيقة انهم عيال شوارع حتى ولدك مهما تسوين له وتحطين له وتلبسينه بيضل بنظري ولد شوارع وهمجي

ماحس تركي الا بكف قوي على خده
لف لامه وشاف عيونها الدامعه
نوره وهي تبكي بقهر- ليش قاعد تسوي كذا فيني من وانت مراهق متعبني وما اقدر اسوي معك شيء لاني الوم نفسي اني اهملتك بس لين متى وانت تعذبني كذا يتقطع قلبي كل ما اشوفك تتصرف بهالطريقة الانانية والمغرورة انا صرت اشك للحظات هو انت عندك قلب؟ هل ممكن تهتم بأحد او تحس بأحد غيرك؟ او حتى هل انت انسان زين؟ سوي ولا مختل؟ طيب ولا شرير؟ انا خلاص صرت ما اعرفك كل مره اقول هذا ولدي ومرده يرجع القاك تبعد اكثر واكثر

ناظرها تركي بحده- وطالما انك تتصرفين بهالطريقة ببعد بعد اكثر
وتركهم وصعد لغرفته
وكلهم يناظرونه

قعدوا ببؤس وكلهم سرحانين ومحمد وساره وعلي يلومون انفسهم
ونوره دموعها ماوقفت وحور حاضنتها
انتبه محمد على علي انه متضايق قرب منه وحضنه يمزح معه

تنهدت ساره وهي تشوف الوضع كيف متوتر (باللحظات اللي راحت كانت تعيش حلم من احلامها "العايلة" بس بلحظات تدمر هالحلم وتذكرت ان وجودها هنا غير مرحب به تمنت لو تقدر تعيش هنا طول عمرها بيت مريح فيه ام واب وجو عائلي هادي وممتع وناس تهتم فيها وتراعيها بس راح يضل هذا حلمها وهذا مو بيتها)

اخذت اكياسها وصعدت دخلتهم للغرفه
وبعدها راحت لغرفة تركي طقت الباب وانتظرت شوي ثم دخلت

كان تركي قاعد حاط راسه بين يدينه لما سمع صوت الباب يطق تجاهله ولما انفتح رفع راسه وشافها- نعم خيير جايه بعد تكملين معي
تركت الباب مفتوح وتوجهت له وقفت قباله وهو جالس عالسرير

ساره بغصه- انا مابي ادمر حياتكم ولا عايلتكم كل مافي الموضوع ان محمد اصر على وجودنا هنا لانه مايبي يخلينا لانه يعرف ان مالنا احد ممكن يحمينا ويوقف بظهرنا اذا احتجناه غيره فهو معتبرنا مسؤوليته
تسند تركي على يدينه وهو يناظرها بلا مبالاة- وانا شعلاقتي بالكلام هذا كله

تنهدت ساره- لا تقاطعني اسمعني للاخر وبعدها كيفك
تأفف تركي واسكت بيشوف لوين بتوصل
كملت ساره- يعني لا تتوقع اننا جايين هنا عشان ناكل من اكلكم ونلبس من لبسكم ونصير زيكم لا كلش انا قعدت وفكرت هالحياة هذي كلش ما تناسبني افضل ابقى نفس ما انا عشان كذا فيه شغلتين لازم تتم عشان اطلع من هالبيت
تركي بحماس- وهي

اسكتت ساره شوي وهي تناظره بحيره
ضحك تركي باستفزاز- شفيك تطالعيني كذا لا يكون معجبه ترى ما انصحك لانك كلش مو نوعي من البنات
ضحكت سارة بسخرية- بعد البنات صارت انواع عندك
تركي- طبعاً انواع واصناف ومراتب بس اكيد انتي مو ضمنهم ولا حتى بادنى المستويات

تجاهلت ساره عباطته وكملت- اول شيء لازم اتطمن على محمد في هالبيت يعني انا اشوف ان كلهم يعاملونه زين ويحبونه ماعداك مب راضي حتى تعطيه فرصه انك تقعد معه بهدوء وتسمع له قاعد تأذيه بكل فرصة ولازم احصل شغل وبمجرد ما تستقر اموري بطلع من بيتكم واروح بيت بروحي

قام تركي- موضوع الشغل سهل بس الموضوع الثاني واضح حاطته عشان تضمنين جلستك بالبيت طول العمر
ساره- انا قلت لك وقت اللي يكون عندي شغل ومستقره ومحمد مستقر بالبيت ومرتاح راح اطلع من بيتكم وانا عند كلمتي

جت لفت بتطلع
بس تذكرت شيء ورجعت له
طلعت من جيبها فلوس وحطتهم على الطاولة- هذا المصروف اللي عطتني اياه امك ماصرفت منه شيء ابد واما الاغراض اللي اشترت لي اخذت فواتيرهم وراح اسددهم له يعني لا تخاف ما راح اخذ منكم ولا شيء
ومشت طلعت وسكرت الباب

وتركي قاعد يناظر الفلوس مستغرب من تصرفاتها
(جايه تتكلم معه عن محمد وتبيه يعيش هنا سعيد بين اهله عشان تتطمن وتطلع وهي اصلاً تحبه وبتشتغل وتدور سكن بكل هذا كل همها محمد وعلي يعني قاعدة تفكر بغيرها ماهمها نفسها صدق غريبه)
____________________________

شاركوني رايكم⭐️