من قال انك بكفه والعالم بكفه؟ انت العالم وانت الكفتين🖤

55

استمتعوا🫶🏼

"""""""""""
بالبداية كان تركي متقدم عليها وهو متحمس وبقووه
بس فاجأه تقدمت ساره عليه بكل قوة اصرار وتحدي
وفازت ساره عليه بفارق بسيط جداً

نزل تركي من سيكله باحباط- انتي متاكده انك تعلمتي عليه اليوم؟
ضحكت ساره- ايي بس شكلي موهوبه من الله
ضحك تركي- يلا مو مشكله تستاهلين

رفعت ساره جوالها- لحظة لحظة لازم نوثق لحظة الفوز
ضحك تركي وجاء جنبها
بدت ساره تسجيل المقطع- الحين بعد مافزت عليك لي منك ثلاث طلبات بدون اي اعتراض
هز تركي راسه بتأكيد وهو يناظرها بحب- طلباتك كلها اوامر من غير لعبه
ابتسمت ساره برضا وانهت التسجيل

ورجعوا السياكل مكانها

-
ساره بتعب- اووف بعد اللعب حددي جوعانه
فز تركي- يخسي الجوع
وقام جاب سله فيها ساندوتشات وشاهي
استانست ساره- الله والله وقته

واخذت لها ساندوتش (لبنه وخيار وزعتر) وهي تاكل بمتعه
وصب لهم تركي شاهي واخذ له هو ساندوتش (بيض)
وقعدوا ياكلون

ساره وهي تشرب الشاهي- زين لقيت خدامه صاحيه بهالوقت
تركي- لا ماكان فيه احد صاحي
ناظرته باستغراب- اجل من جهز كل هذا!
ناظرها بفخر- انا
انبهرت ساره- احللف
ضحك تركي- والله ترى مره بسيط

بدت تركز ساره بالاشياء الموجودة- والله مرره تعبت نفسك
ابتسم تركي وهو يتأملها- كله عشانك
ابتسمت ساره وهي تلعب بالبيالة بيدها وناظرت المكان حولهم (ما كان فيه احد ابد لان المكان كان خاص) قربت من تركي وباست خده بلطف- مرره مشكور هذا من احلى ايام حياتي

مسك يدها وباسها- اوعدك كل ايامك معي بتكون حلوه
ابتسمت (مافيه شيء يسعدها كثر حبه وحنانه واهتمامه ودها تتشبع فيه اكثر واكثر ماتبي تندم على اي لحظة بينهم) انسدحت وتوسدت حجره
تفاجئ تركي من حركتها وقعد يتألمها وهو يلعب بشعرها (وابتسامه حنونه على وجهه وعيونه تلمع بالحب)
غمضت ساره عيونها تستشعر اللحظة (نايمه على حجره ويده تلعب بشعرها)

نطق بنبرة عميقه مليئه حب- احبك
ناظرته ساره بحب وامتدت يدها تداعب لحيته- وانا بعد احبك

ابتسم تركي برضا (ولا زال يلعب بشعرها) تحولت نظرته لجدية- سولفي لي عن حياتك قبل
استغربت ساره وانسدحت على ظهرها تناظره باستغراب- وش جاب الطاري؟

تركي- ولا شيء بس كذا ودي اعرف
اخذت ساره نفس (وهي تستجمع افكارها)- امممم يعني قد تكلمت لك قبل واكيد عندك فكره عن طبيعة الحياة اللي عشناها
قاطعها تركي- مابي عنكم ابي عنك انتي وش عشتي؟ وش حسيتي؟ ابي اعرف كل شيء

ابتسمت ساره بخفه- تمام (تحولت تعابير وجهها لجدية) انا انتركت عند دار ايتام حسب كلامهم كنت توي مولوده باللفة
تسند تركي على يده يتأملها وباليد الثانية يلعب بشعرها (وهو مركز مع كلامها)
كملت ساره بحزن- يعني اعرف ان اهلي تخلوا عني وضليت بدار الايتام بس كانت معاملتهم سيئه معنا لما كبرت شوي لدرجة اقدر اطلع من المكان قررت اني اهرب مع اني ما كنت عارفه كيف راح اعيش او اصرف على روحي بس كنت طفله مابي احد يأذيني ويذلني ويهيني عشان كذا قلت لنفسي اطلع وادور لي شغل وكل شيء بيكون تمام