من قال انك بكفه والعالم بكفه؟ انت العالم وانت الكفتين🖤

44

معليش على التأخير🥹

تفاعلوا لان تفاعلكم يحمسني🫶🏼

"""""""""""""""""""""""""""
اخذت الورقة مره ثانيه تقراها وهي تحاول تستوعب المكتوب
[راجع اخذ حقي منك. جابر]
وبدت يدينها ترتجف وسكرت فمها تكتم صوت بكيتها (يعني انا مو مكتوب لي افرح توي ارتحت وفرحت طلعت لي هذي) وبدت تتلفت حولها بخوف وهي تدور (من وين ممكن تكون جت الرسالة) وشافت انها قبال الدريشه (يعني ممكن دخلها من برى بس شلون؟؟ البيت كله حراس) قعدت على طرف السرير تناظر الورقة وهي تبكي خاايفه (تحس كل شيء رجع لها كانه الحين قدامها وقاعده تعيش كابوسها وهي صاحيه)

-
انسدحت وهي تحاول تطرد هالافكار من راسها (لازم تنام عندها بكره دوام بس ما قدرت تحس باي لحظة ممكن يدخل عليها الغرفة ويهجم عليها) ضاقت انفاسها وقعدت زين وهي تحاول تستجمع انفاسها وقامت بتفتح الدريشه تاخذ نفس بس وقفت متردده وناظرت قدامها بحزن (تدعي القوه وهي من الخوف مب قادره حتى تفتح الدريشة)

جاء ببالها تركي بس غمضت عيونها بسرعه (مايصير اشغله بكل مشاكلي) تنهدت وهي تفكر (بس ماعندي غيره ممكن الجئ له وادري انه بيحتويني وبيوقف معي) وفركت يدينها ببعض بتوتر (بس متردده اروح له وحتى مادري وش اقوله وبعدين يعني شلون بنام ماراح ارتاح) شدت على صدرها وهي تفكر (الا هو يقدر يريحني زي كل مره بكلامه ولمساته يعرف يطمني)

-
طلعت من غرفتها ووقفت قبال الدرج بتردد (يعني يصير اروح له؟ حنا الحين بعلاقه يعني عادي اروح له افضفض له ويشاركني صح؟) تأففت وهي تحس بحيره بس ما تقدر تتطمن انها تقعد بغرفتها من بعد ماقرت الرسالة
استجمعت شجاعتها وتوجهت ناحية غرفته

وقفت قدام بابه وبعد تردد طقت الباب ودخلت
شافته قاعد يرسم مندمج واول ماحس بوجودها لف ناحيتها
حسها معتفسه وكانها باكيه وقام بقلق توجه ناحيتها- فيك شيء؟ صاير شيء؟
ماحست ساره فيها طاقه هاللحظة تشرح ودفنت وجهها بصدره وحاوطته بيدينها مع ظهره
زاد القلق والذعر بقلب تركي بس بادلها الحضن بصمت وهو يمسح على شعرها وظهرها

غمضت ساره عيونها براحه (هذا اللي كانت تدور عليه عارفه ماحد يقدر يعطيها هالتأثير غيره عمرها بحياتها مافكرت تلجئ لاحد لانه ماقد احد ذوقها شعور الاحتواء بس الحين تبي احد تلجئ له ويحتويها تبي تركي وتركي وبسس)

ابعد تركي عنها وحضن وجهها بيدينه وهو يناظرها بقلق- ماراح تقولين لي وش صاير؟
مدت له ساره الورقة- حصلتها بغرفتي
اول ما قراها تركي شد على الورقه بغضب- شلون حطها ابن الكلب
ساره- كانت عند الدريشه شكله خلا احد يدخلها منها

رفع عيونه لها (اكيد الحين هي خايفه) ترك الورقه على جنب وقرب منها حضنها يمسح على شعرها وهو يهمس باذنها (يطمنها)- لا تخافين ماراح اسمح له يقرب منك
حست براحة وهي بحضنه (هذي الكلمات بالذات ومنه هذا اللي كانت تحتاجه)