من قال انك بكفه والعالم بكفه؟ انت العالم وانت الكفتين🖤

18

قراءة ممتعه🫶🏼

"""""""""""""
مشى تركي بخطوات متردده ناحية غرفة ساره
وقف عند الباب وهو يسب ويلوم نفسه انه عيشها هالالم
استجمع شجاعته ورفع يده يطق الباب
وقف شوي ينتظر ماسمع رد فتح الباب ودخل
كانت الغرفة ظلام دامس وحاااره (واضح انها كانت بردانه وقصرت التكييف) دخل وهو كان بالكاد يشوف ولقاها نايمه على جنبها وحاضنه الفراش بقوووه وهي ترتجف من البرد

قرب من سريرها ونزل قعد على ركبه ووجهه مقابل لوجهها
وهو يناظرها بخوف وقلق عميق مد يده يتحسس جبينها وحس بحرارتها المرتفعه سحب يده وهو يناظرها وتأنيب الضمير ظاهر على ملامحه سند يدينه على سريرها وهو يناظر ناحيتها بخوف وقلق وتنفس بصعوبه وهو يحس بقلبه يعتصر الم (من انه يشوفها وهي تعبانه بسببه)- مو قادر افهم وش هالاشياء اللي قاعدة تخليني احس فيها (وكمل بهمس) يا ساره
(وكانت هذي اول مره ينطق فيها اسمها كانه يعلن لنفسه انها اخذت مكان في قائمة الاشخاص في حياته)

سند ذقنه على يدينه وهو يتأملها بعمق غارق في ملامحها
بعدها حس على نفسه وشتت نظراته عنها وقام من مكانه مسح على وجهه وهو يحاول يمحي صورتها من باله
بعدها انتبه عليها (انها قاعده ترتجف زياده واسنانها تضرب ببعض وجبينها متعرق) حس بالقلق يزيد داخله وعيونه تراقبها بخوف عارم

نزل بسرعه للمطبخ شاف الخدامه وطلب منها تجهز شوربه لساره وتوديها لها وتقعد عندها تساعدها تاكل وطلع من جيبه فلوس
وطلب منها تقول ان امه هي اللي طلبت منها تسوي كذا

وبعدها طلع تركي للصيدليه وصرف لها الصيدلي علاج
لما رجع للبيت شاف الخدامه تمشي معها الاكل بتروح للدرج
وقفها ومد لها علبة العلاج- اذا خلصت اكل عطيها من هذا حبة وقولي لها كل 12 ساعة تاكل حبة وزي ما قلت لك قولي هذا من ماما نوره
وهزت راسها الخدامه وصعدت

جت الخدامة قومت ساره عشان تعطيها الشوربة
اما تركي كان قاعد على الارض جنب باب الغرفة ومسند راسه على الجدار وهو يسمع صوتها المرهق وهي ترفض الاكل غمض عيونه بألم
وبعد ما قالت لها الخدامه انه عشان تاكل العلاج استسلمت ساره وبدت تاكل

بعد ماخلصت ساره اكل واخذت العلاج
طلب تركي من الخدامه انها تشوف حرارتها وكانت للحين مرتفعه
قلق تركي وبدا يفكر ويبحث عن شيء يساعد بخفض الحرارة
وجت بباله فكرة الشاور البارد وطلب من الخدامة انها تجهز لها الحمام وتساعدها فيه ويكون الشاور باااارد

وفعلاً جهزت الخدامة الحمام وراحت دخلت ساره اللي كانت تحاول تبعدها وترفض بس لانها تعبانه وجسمها مرهق ماقدرت تمنعها من انها تدخلها بالغصب
ودخلتها تحت الدش بملابسها وهي ترتجف وتسب وتلعن بالخدامه من برودة الماء

ضحك تركي بخفه لما سمعها لانه واقف برى
وشاف الخدامه طالعه تتحلطم
عرف تركي انها طردتها وزادت ضحكته