من قال انك بكفه والعالم بكفه؟ انت العالم وانت الكفتين🖤

54

لما دخلت اليوم وشفت تفاعلكم مرره تحمست اكتب🫶🏼
انتظر ارائكم وافكاركم🦋

"""""""""""""""""""""""""""""""""""""""
بعد صمت طويل
شافها تركي للحين مصره تجلس عنده
وكانت ساره تحس ببرد بس مستحيل تقوم وتخليه

بس حس عليها تركي انها بردانه (مع انها معها غطاء) قام اخذ المنقل قربه منهم وقعد يشب نار
وساره تراقبه وابتسمت (تدري انه عشانها) حتى رغم الزعل لا زال مهتم فيها (حست انها لازم تتكلم او تسوي شيء او تبادر ناحيته وتبين له اسفها وندمها)

تسند تركي على الكرسي بعد ما شب النار وهو يناظر قدامه بهدوء
لفت ساره ناحيته ومسكت يده اللي على حجره ونطقت بندم واسف- انا اسفه اني استعجلت وانفعلت عليك وظلمتك وحتى زودتها معك بالكلام
لف تركي ناحيتها وهو يناظرها بألم- انتي خيبتي ظني فينا ظنيت اننا اقوى من كذا مو من موقف بسيط توقفين قدامي تقولين لي هالكلام

ناظرته ساره بحزن وندم (كثيير جرحته بتصرفها ماتقدر تلومه بس ماراح تخليه لازم تعبر له بحب اكثر) قربت منه وامتدت يدها ناحية وجهه تداعب لحيته بحنيه وهمست بندم ممزوج بحب- انا اسفه حبيبي
ضرب قلبه بقووه من كلمتها وبلع ريقه بصعوبه (ماتوقعها منها ابداً مايقدر يتماسك اكثر قدامها ذاااب تماماً)

شافته ساره ساكت سحبت يدها عن خده بيأس
مسك يدها بسرعه بيده وقرب وجهه من وجهها وهمس بعمق (وهو يتأملها)- يعني انتي عارفه ضعفي ناحيتك وقاعده تستغلين هالشيء
اخفت ساره ابتسامتها- يعني كان بخاطري بعد اعبر لك واراضيك لاني زعلتك كثيير وماودي تضل زعلان علي اكثر من كذا

كان تركي يتأمل شفايفها وهي تتكلم (وهو يتمنى لو انهم مو بالحديقة) ورجع يتأمل عيونها- ليش؟
شتت ساره نظراتها عنه بخجل- لاني اشتقت لك
ابتسم تركي ومسح على شعرها بحنيه ونطق بصدق تام- صدقيني مو كثري

ابتسمت ساره وشدت على يده ونطقت بصدق تام- كنت طول الوقت خايفه عليك من جابر ومن انك تكون رايح له بس حور مزحت عن انك ممكن تكون رجعت لطبعك قبل ولما شفتك مغير ملابسك جنيت من غيرتي عليك وماقدرت اتحكم باعصابي (كانت تتكلم بسرعه ووقفت لحظة اخذت نفس وكملت) انت فاهم علي؟
هز تركي راسه بتفهم وامتدت يده تمسح على خدها (يحاول يهديها)- انا فاهمك تماماً عشان كذا اخذت على خاطري ما كنت منتظر منك انه بعد كل اللي مرينا فيه تفكرين اني ممكن ارجع زي ما كنت بس طلع السبب كله حور (ابتسم بحب) بعدين حتى لو بغيت ما اقدر اصلاً عيوني ما تشوف غيرك وقلبي مايدق الا لك ويدي ما تقدر تلمس غيرك وكل حياتي وكل تفكيري يتمحورون حولك انتي محور كوني

تأملته ساره للحظات ولمعت عيونها بحب وامتدت يدينها تحاوط وجهه (وهي تناظر عيونه وتشوف الحب والصدق فيهم) تنفست براحه ونطقت بحب (وهي تمسح على وجهه بكفها)- حبيبي انت انا مرره اسفه انا اصلاً ادري انك تغيرت وادري شكثر تحبني وبعد كل اللي مرينا فيه ماكان المفروض افكر كذا بس بذيك اللحظة انفعلت عليك بس انا واثقه فيك صدقني