من قال انك بكفه والعالم بكفه؟ انت العالم وانت الكفتين🖤

17

بارت صعب🥲
بس اتمنى يعجبكم🫶🏼

"""""""""""""""""
في احدى الليالي
بعد ايام قليله من خطة تركي

تركي منسدح في سريره بيأس لانه ماصار اي جديد ونفسيته تعبانه (هالفترة كل الوقت شاغل باله مين ممكن يكون هالشخص وهل ممكن يأذي عايلته او حتى عن احتمالية انه يكون واحد من اهله هالفكرة بس مطيرة النوم من عيونه)

سمع صوت طق على الباب عرف انها هي من طريقة طقها بالباب وعدل جلسته
دخلت ساره وسكرت الباب- صار شيء جديد؟
تنهد تركي- لا ابد
ساره بقلق- يعني الى متى؟
تركي- شايفه بيدي شيء مو قاعد اسويه! انتظر فرصه او ثغره مني او مناك احصله منها بس مو محصل

ساره- معناته لازم تغير الخطة
عصب تركي- كم مره قلت لك الخطه بتنجح بس لازم صبر وانتي كل شوي لازم تغير الخطة لازم تغير الخطة ياخي انتي ماتفهمين!
عصبت ساره- وش اسوي قاعده كل الايام متوتره وحاطه يدي على قلبي
تركي- انتي بتوترك هذا وخوفك بتفضحيننا

اسكتت ساره وهي لافه وجهها عن تركي وتتأمل اطلالة دريشته بقلق (كانت غرفته تطل جزئياً على البحر)

اما تركي قاعد مكانه يتأملها وينقل عيونه بين شعرها القصير المموج ورموشها الكثيفة وحواجبها المرسومة وعيونها السوداء القاتمه ونزل نظره لشفايفها ورجع ناظر عيونها ومر طيف ريحتها في ذاكرته غمض عيونه بقووه
(كثر ما تكون قدامه كثر مايكون صعب عليه ردع هالمشاعر ومنعها بس هو ماراح يعيد نفس التجربة ونفس الغلطة حتى لو كانت مشاعره ناحية امل مختلفة بس المعاناة وحده وبيبقى بالاخير يتألم وهو يحب البنت الوحيدة اللي لا يمكن تحبه او حتى تفكر فيه مجرد تفكيركحب لان ساره قاعده تحوس عنده وماخذه راحتها لدرجة صار تركي يفكر انها تعتبره زي علي ومحمد ولا يمكن تعتبره اكثر من كذا عشان كذا لازم يبعدها عنه) ضل تركي يجادل ويقاتل مع نفسه الى ان قرر بعد تردد انه يلعب لعبته

قام تركي وتوجه ناحيتها لفت له- قلت لك انه ماله داعي كل مره تجين تسألين اذا صار شيء جديد ببلغك
شافته ساره قرب وتراجعت بتلقائية وهي معطيه للدريشة ظهرها- عشان اتأكد بس
قرب منها اكثر- بس حتى بعد ما تسألين تقعدين عندي تحوسين وتسولفين وتماطلين
تراجعت ساره الى ان لامس ظهرها الدريشة- لانه مافيه غيرنا نعرف بالسالفه
ناظرها تركي وبينهم مسافه خطوتين وركز بعيونها وهي نفس الشيء مركزه بعيونه تحاول تعرف وش ناوي عليه

مشى تركي خطوه وهو يتأمل ملامحها كان بيتكلم بس انربط لسانه من جمالها اول مره يشوفها بهالقرب ويقدر يركز فيها بكل هدوء (الحين هذي اللي قلت عنها صفر انوثه ولا شكل ولا جمال ولا شيء يشفع لها والله اني ماعندي نظر) بتل ينقل نظراته بين شعرها وعيونها وشفايفها ووقف نظراته وتركيزه على شفايفها وبلع ريقه بصعوبه وسند يدينه على الدريشة من يمينها ويسارها
وبدون اي تفكير او سابق تخطيط نزل راسه لمستوى راسها ولامس شفايفها برقه بقبلة ناعمه ريحتها تسللت لجميع خلاياه وحس انه انشل مو قادر يتحرك غرق فيها في هاللحظة او اجزاء الثانية