من قال انك بكفه والعالم بكفه؟ انت العالم وانت الكفتين🖤

29

بارت لطيف وخفيف🦋
اتمنى يعجبكم🤍

"""""""""""""""""""""
ناظرته ساره بفزع لانه وقف السيارة بقوه- شفييك!!
تكلم ويدينه تشد على الطارة وهو لا زال مغمض عيونه برفض شديد- بسس مابي اسمع اكثر
ناظرته ساره باستغراب

لف تركي ناحيتها وحاوط وجهها بيدينه بحنيه- ما اتحمل اسمع انك مريتي بكل هذا (مرر يدينه على شعرها وهو يناظرها بحزن) ما اقدر وانتي تتكلمين احس بألم
ناظرته بعمق (ماقدرت ما تتأثر باهتمامه ولمسته)
وكمل وهو يمسح على شعرها برقه ومرر اصبعه على الجرح براسها وبعدها نزل على الجرح بذقنها وناظر عيونها بالم- احس ودي امحي كل هالجروح وامحي المك معها
تخدرت ساره (من تأثير كلماته والحب اللي قاعده تشوفه بعيونه)

ونزلت يده للجرح برقبتها خلاها تحس بكهرباء تسري بجسمها من لمسته غمضت عيونها (حست انها قاعده تغرق فيه بهاللحظة) وفتحت عيونها بسرعه وابعدت يدينه (لا ياساره اصحي انتبهي راح تتعلقين فيه وراح يخليك زي ماخلوك امك وابوك) وناظرت الطريق قدامها بألم (ماتقدر تخاطر بقلبها ومشاعرها)

سحب تركي يدينه وغمض عيونه بخيبة امل (بس ما يقدر يلومها لانه عنده فكرة عن اللي يدور ببالها بس راح يبذل كل جهده انه يكسبها)

حرك تركي سيارته ناحية المستشفى

بالمستشفى
شيك على يدها الدكتور ان مافيها رضوض او كسور وبعدها حطوا عليها مرهم ولفوها وطمنه الدكتور انه مافيها اي شيء هنا تنفس تركي براحه
اما ساره كانت طول الوقت تراقبه وتراقب قلقه (هي مو متعوده على هالاهتمام بس جانب منها كان كثيير مستمتع بالوضع شعور جديد عليها بس حلو)

-
يوم جديد
على الغداء
ناظرت نوره تركي- الا ماقلت لي وش اخبار المشروع؟
تركي- كل شيء ماشي حسب المخطط
نوره- انتبه ياتركي ترى هذا اهم مشروع للشركة ومابقي شيء لازم نكسب رضا المستثمرين
تركي يطمنها- معليك كل شيء ماشي صح بس باقي ننتظر الاجتماع وراح اخليهم يترجوني اسويه لهم
محمد- اووه هذي ثقه كبيرة منك مهندس تركي
تركي بثقه- طبعاً
نوره- اهم شيء لازم تشوف وقت تسوي لي بروفه للعرض عشان اقيم لازم يكون شيء رسمي ومحمس وممتع بنفس الوقت
تركي- ان شاء الله
محمد- اذا احتجت مساعده ترى انا موجود
ابتسم تركي- اكييد

لفت نوره ناحية ساره- صراحة ساره انا جداً تفاجئت فيك يوم وراني تركي شغلك شيء مبهر فيه كمية ابداع
ابتسمت سارة بخجل- هذا من دروسك وتعبك معي
نوره- لا كللش انتي عندك موهبه وعندي لك ملف ابيك تشتغلين عليه
رفعت ساره يدها- المشكلة هاليومين ما اقدر ارسم
ناظرت نوره يدها- ايي صح عقب اصابتك عادي متى ماقدرتي ابدي فيه مو شيء مستعجل
ساره- ان شاء الله

ناظرت نوره تركي- اليوم بيجون جمعية يشيلون الاغراض اللي بالكراج تبي عدة الرسم حقتك اخلي الخدم يصعدونها لك فوق؟
ناظرها تركي بحزن (لانه عرف انها بهالطريقة راح تتخلص من اغراض ابوه وكل شيء يذكرها فيه حتى اللي الكراج) هز راسه بتأكيد- ايي ابيها