مرت ايام على تركي وهو يلاحق ابوه ويتابعه
وخلال هالايام ماصار بينه وبين ساره اي حوار خارج الشغل
كانت ساره غير وقت الشغل تتجاهل وجوده تماماً حتى بالشغل ما تتكلم معه الا اذا اضطرت وبوجود احد
وكان تركي يفضل انها تكون بعيده عنه وعن مشاكله (عشان يحميها)
اعتمدت خطة تركي في مراقبة ابوه على تركه لاجهزة تنصت بمكتبه وسيارته وانه يلحقه في كل خطوه يخطيها
—————————————
في الليل
كان تركي قاعد بسريره ومشغل على تسجيلات ابوه خلال اليوم عشان يسمعها وهو مركز
جته رساله على جواله وفز من مكانه (ساره!)
كانت رسالة من سارة محتواها/ تعال للحديقة
رد عليها/ تمام
وفعلاً وقف كل اشغاله ونزل لها مباشرة
بيكون هذا اول لقاء وجلسه بينهم لوحدهم من بعد موقفهم بالغرفة (لما باسها)
شاف تركي ساره واقفه عند المسبح ولافه عليها شال
وقف شوي يتأملها و بعدها اخذ نفس عميق وقرب منها بخطوات هاديه ووقف جنبها
نطقت ساره من غيره ماتناظره- صار شيء جديد بخطتك؟
توقع تركي سؤالها وحس بهاللحظة وده يقولها كل شيء وده يشاركها همه ويرتاح بس نزل راسه واجاب بهدوء- لا
لفت عنه وعطته ظهرها ومشت
انصدم تركي ووقفها صوته- بس كذا!
لفت له ساره باستغراب- وش تبي يعني مثلاً
لحظة اللي ناظر تركي بعيونها حس فيها برود وجمود (وش هذا اللي انا سويته على كل اللي سويته قبل عمرها ما ناظرتني بهالطريقة)
تنهد تركي ونزل راسه بانكسار (مايبي عيونه تجي بعيونها لانه عارف اللي بيشوفه راح يأذيه زيادة)- لا خلاص
وقتها ركزت فيه ساره (كان ناحف وذابل مب على شكله قبل متغير وحتى دقنه طلعت شكله ماعنده وقت يحلقها حتى او يمكنه رجع للشرب لا وييين شكله مره متزن انا وش هذا اللي قاعده افكر فيه ياخي كيفه بلعنه تعلنه)
لفت عنه ساره وتنهدت وكانت لحظتها بترجع للبيت
بس صدمها محمد اللي كان واقف يناظرهم
ناظر محمد ساره وقال بدون اي مقدمات- وش خطته اللي كنتي تسألينه عنها؟
ناظروا تركي وساره بعض
صرخ محمد بغضب- تكلمووا
قربت ساره من محمد تهديه- اهدأ مافيه شيء بس موضوع بسيط لا يشغل بالك
محمد- اكيد بينشغل بالي وش الموضوع اللي ممكن يجمعكم؟
ناظر محمد تركي بحده- انت تبي تجننني ماتنطق وش عندك مع ساره وش اللي مجمعكم مع بعض!!
لف تركي عنه وهو ساكت
توجه محمد ناحية تركي وسحبه من ياقته وهو يصرخ بوجهه- تكلم!!!
هنا سحبت ساره محمد عن تركي بصعوبه وبعد معاناة قدرت تبعده وصرخت بوجه محمد- اتركه هو قاعد يحاول يحميك
تركه محمد وهو يناظر ساره بصدمه- يحميني! من ايش؟
خلت ساره تركي بظهرها ومحمد مقابلها- مو تركي اللي حاول يقتلك فيه احد ثاني
زادت صدمة محمد وهو يناظر تركي يحاول يفهم
أنت تقرأ
من قال انك بكفه والعالم بكفه؟ انت العالم وانت الكفتين🖤
Romanceوش اللي ممكن يجمع... رجل مدلل ومستهتر وبنت يتيمه وقويه الشخصية رغم اختلاف الشخصيات - قصة حب تنسج بهدوء ومليئه بالتفاصيل - الكاتبة: نونس لهجة الرواية: اللهجة خليجية استقبل ارائكم واقتراحاتكم بالكومنت✍️
