من قال انك بكفه والعالم بكفه؟ انت العالم وانت الكفتين🖤

10

بعد ما صحت ساره بسبب كابوس
مسحت العرق اللي على جبينها بيدها
وتنهدت بتعب- يعني الى متى؟
(ماتذكر متى نامت اخر مره نومه مرتاحه بدون هالكوابيس اللي تقطع نومها وتستصعب عليها الرجعه للنومه من القلق والخوف والتفكير)

قامت من فراشها ونزلت تحت
قعدت بالحديقة تتأمل السماء وتفكر بحياتها

على دخلة تركي للبيت وهو سكران ويغني ومو قادر يمشي زين واخر شيء طاح بالارض وجلس يتلفت حوله
شاف ساره لوح لها بيده - بنت الشوااارع
رفعت ساره عيونها بانزعاج وقامت راحت له وهي تناظره بشفقه- وبعدين وش استفدت لما وصلت لهالحاله؟

ناظرها تركي بذبول وبعدها لف عنها وغمض عيونه بقوه
نزلت ساره نفسها وجلست جنبه على الارض وتكلمت بهدوء- ما استفدت ولا شيء صح؟
ناظرها تركي بيأس
كملت ساره- ليش اجل تسوي بروحك كذا اذا مو قاعد تستفيد قاعد تأذي روحك وتدمر جسمك ونفسيتك وحياتك كله
تركي بصوت يرتجف- لاني ماعندي شيء ثاني اسويه احتاج شيء ينسيني

ساره بنفاذ صبر- والحين طيب نسيت؟
اسكت تركي
تكلمت ساره بحده تحاول تصحيه- شفت شلون انت موقاعد تنسى انت بس قاعد تأذي روحك وتعذب نفسك وتزيد تفكيرك بالموضوع لانك اصلاً تقول وانت تشرب ابي انسى كذا وابي انسى كذا تلقاك بعد الشرب تهلوس بالموضوع نفسه اللي تبي تنساه وتضل تهلوس فيه وتتذكره احسن من لو ماكنت شارب وتقوم من بكره مصدع وتعبان وحالتك حاله ومالك خلق شيء ومع هذا كله برضو مانسيت

قعد تركي يفكر بكلامها ويناظر بالفراغ
قامت ساره
وحاول تركي يقوم بس ماقدر لانه للحين سكران
شافته ساره مو قادر حتى يقوم تنهدت وسحبته من ياقة قميصه تساعده على الوقوف اختل توازنه ومال ناحيتها قربت وجيههم من بعض
ناظرها تركي بعمق وهو يقلب نظراته بين عيونها وشفايفها نسى روحه للحظات وضل واقف قريب منها وهو متخدر

تفاجئت ساره بقربه منها وابعدته عنها بانها تدفعه بيدها ولفت وجهها عنه
ابتسم تركي بسخرية- لايكون استحيتي
ناظرته ساره بغضب وبعدها مسكته من ذراعه وسحبته وراها
لازالت ابتسامة السخرية مرسومه على وجهه وهي تسحبه

ماحس تركي الا وهو مرمي بنص المسبح ناظر حوله مصدوم من تصرفها وصحى على نفسه وطلع من تحت الماء وهو يصرخ عليها- مجنونه انتي!
تكتفت ساره وهي تناظره ببرود- اتمنى انك صحيت الحين

سبح لطرف المسبح وطلع اخذ له منشفه من عند المروش يجفف فيها نفسه ومشى ناحيتها- وش هذا اللي سويتيه؟
ساره- عشان تصحى على نفسك
تركي بغضب- خوش حل صراحة كالعادة همجية

شدت ساره قبضتها بغضب- شكلك للحين ما صحيت (كملت وهي تهز يدها بعصبيه) انت مستوعب وش اللي صار اليوم بداية من سالفة الاستاذ اللي تحرش بفيصل الى امك وتعبها وطيحتها علينا حال البيت منقلب فوق تحت وانت رايح تشرب يعني كذا بتحل المشاكل
لف تركي عيونه عنها- خلاص انا سويت دوري وانتهيت تفاهمت مع الاستاذ واخذوه الشرطة وامي وديتها للمستشفى وقالوا انها بخير خلاص بعد وش تبين اسوي اكثر من هذا
ساره- انك تكون موجود معهم امك عجزت وهي تسأل عنك من رحت ومن رجعت للبيت قعدت عند فيصل ومعهم حور وانت ويينك عنهم؟