Dear Heart, Why Me?! (previously titled as "Si Bestfriend o Si Ex?!")

Chapter 39

-"Finally! Marunong ka na sumagot ng call."-

"Nasaktuhan lang, zuc. Magse-selfie sana ako. Bigla ka tumawag. Napindot ko tuloy." Pang-aasar ko kay Paula.

Natawa naman si Justin na katabi ko sa loob ng sasakyan niya habang nagda-drive siya. "Ang kulit mo." Pinisil pa niya ang pisngi ko kaya natatawang sinuntok ko siya sa braso.

-"Bwiset ka! Where are you? Na kanila Justin ka uli? Puntahan kita nandito ako kanila Amboy, eh."-

"Bakit? Miss mo na'ko?"

-"Oo! Gaga ka! Hindi ka nagpaparamdam sa'min. Nag-Nuvali kami kahapon. Hindi ka nagre-reply. Hindi ka tuloy nakasama."-

"Okay lang. Feeling mo naman maiinggit ako?"

-"What the fuck, zuc?! You're so annoying!"-

Humalakhak ako. "Joke lang, zuc!" Pikon na si Paula. Natatakot pa naman ako sa kanya 'pag nagagalit siya sa'kin. "I missed you! See you on Thursday. Wala ako kanila Justin. On the way kami ngayon sa condo ni Kuya. Pinapapunta niya kami do'n, eh."

Nagtext sa akin kanina si Kuya na sa kanila na lang kami magdinner. May check-up daw kasi si Lana kaya baka hapon na sila makauwi. Namasyal na lang muna kami sa mall ni Justin kanina habang hinihintay ang text ni Kuya kung nakauwi na sila.

-"Gano'n ba? Kainis ka!"-

"If you want, you can go there. Do'n na lang tayo magkita."

-"Hindi na. Okay lang, zuc. Teka, i-loudspeaker mo nga. May sasabihin ako kay Justin."-

"Okay." Sinunod ko naman ang sinabi ni Paula at hininaan ko ang volume ng music sa sasakyan niya.

-"Justin?"-

"Yes, zuc?" Ginagaya ako ng walangya. Bwiset! Sinabunutan ko nga kaya tumatawa kami parehas. "Stop pulling my hair. Baka mabangga tayo, hon." Suway pa niya sa akin.

-"Hoy! Mga loko kayo! 'Wag kayo sa sasakyan magharutan baka maaksidente pa kayo."-

"Opo, zuc. Pagalitan mo 'yan si Andie palaging nananakit." Natatawang sumbong pa ni Justin.

-"Tseh! Maka-zuc naman 'to! Saksakin kita d'yan, eh."-

Humalakhak kami parehas ni Justin sa sinabi ni Paula.

"Ano ba kasing sasabihin mo, zuc? Spill it!" Sabi ko sa kanya.

-"Justin, hiramin ko muna si Andie bukas. 'Wag muna kayo gumawa ng lakad, okay?"-

"Hey! Wait! Why? 'Di p'wede! Aalis si Justin. Two weeks kaming hindi magkikita." Inunahan ko na sumagot kasi panigurado hindi naman makakatanggi si Justin kay Paula.

-"Bakit? Saan pupunta?"-

"Singapore." Si Justin na ang sumagot. "Two weeks vacation then birthday din ng pinsan ko this weekend. Isasama ko nga sana si Andie kaso aalis pala kayo."

-"Oh my god! Thank you Justin at hindi mo pinilit 'yan bruha na 'yan na sumama sa'yo dahil makakalbo ko na 'yan 'pag iniwan kami sa ere."-

"Grabe, zuc! Ako nga 'yun tumanggi, eh. S'yempre 'di ko kayo iiwan sa ere. Don't worry, zuc. Isasama ko na kayo sa schedule ko." Tumawa uli ako kasi nadinig kong minura ako ni Paula.

"Sorry, Paula. Baka iniisip n'yo nilalayo ko si Andie sa inyo, 'ha? 'Di ko lang talaga maintindihan dito kay Andie ayaw na ako lubayan. Gwapong-gwapo siguro sa'kin." Ngumisi pa sa'kin si Justin. Loko talaga.

Sinuntok ko si Justin sa braso. "Kapal!"

"Joke lang." Tumawa uli si Justin. "Paula? Seriously, anytime naman p'wede n'yo yayain si Andie kahit saan. It's fine with me. Pero please lang 'wag n'yo hayaan na suotin niya 'yun mga retaso niya."