Tears Per Lines [Poetries]

Sasabihin Ko Lang

Sasabihin Ko Lang
Written by: QueenSandok
Date: January 7, 2018

Maling pangunahan ko
Ngunit doon din patungo
Alam kong malabo
Pero susubukan ko

Hindi ko mabilang kung ilan
Hindi ko mawari kung saan
Siguro wala ako sa pagpipilian
Lalo na kung sa listahan

Magpapakatotoo ako
Hindi lang para malaman ko
Kundi para sa sarili ko
Malinawan man lang 'to

Gusto kong manahimik ka
Basahin mo ang lahat muna
Saka ka pumuna at magsalita
Kahit ipaliwanag mo pa

Patawad kung gusto kita
Tila mali ang gustuhin ka
Sa di ko alam na dahilan
Sa paraang hindi ko malaman

Ayaw kong gustuhin ka
Dahil may mahal ka pa
Dahil nasasaktan ka pa
Dahil hindi ka pa handa

Noong una, sabi mo'y mali
Maling gustuhin ako, mali
Sapagkat tayo'y pinagtagpo
Para matulungan mo ako

Nagtagumpay ka roon
Muli nga akong nakabangon
Nabuo ko muli ang sarili ko't
Hindi sadyang nagawa'n ka ng espasyo

Hanggang ngayon nakakalito
Pinipigil ko ang sarili ko
Nilalayo ang loob ko
Dahil alam kong malabo

Hindi ko ito sinabi
Upang bigyang daan ang sarili
Kundi para malaman kung maaari
O hindi upang manatili

Manatili itong sandaling alaala
Kamakailang pagkakakilala
Samahang nabuo nalang bigla
Na hindi ko kaya kung mawawala

Sana, dito sa tulang aking isinulat
Ay hindi magkaroon ng lamat
At magpatuloy na karaniwang gawi
Magkausap araw man o gabi