Love in Hate [Season-1+2]

အပိုင်း (၂၆)

Eric's POV

ဒီဓာတ်ပုံကကျွန်တော်ငယ်ငယ်တုန်းကပုံပဲ...ဘာလို့အခုချိန်မှာကျွန်တော့်အလုပ်ခန်းထဲရောက်နေရတာလဲ..? ကျွန်တော့်ဆီမှာတောင်မရှိတဲ့ကျွန်တော့်ဓာတ်ပုံကဘာလို့ရုတ်တရက်ကျွန်တော့်ရှေ့ရောက်လာရတာလဲ..?

ည၉နာရီအချိန်အခန်းထဲတွင်ကိုယ့်ဓာတ်ပုံကိုကြည့်၍တစ်ဖွဖွတွေးတောစဉ်းစားနေမိတယ်။

ဘယ်လိုစဉ်းစားစဉ်းစားဒီဓာတ်ပုံကျွန်တော့်ရှေ့ကိုဘယ်လိုရောက်လာလဲဆိုတဲ့အဖြေကိုရှာမတွေ့ခဲ့ဘူး။

**********

Ken's POV

ပထမဆုံးအကြိမ်မြန်မာနိုင်ငံတွင်စတင်အလုပ်လုပ်ရာပထမနေ့တွင်ပဲကျွန်တော်တန်ဖိုးအထားဆုံးအရာလေးကိုပျောက်ဆုံးခဲ့ရတယ်။

ငယ်စဉ်ကတည်းကမြတ်နိုးစွာသွားလေရာယူဆောင်သွားတတ်ပြီးအမြဲကိုယ်နဲ့မကွာသိမ်းထားတတ်သောထိုဓာတ်ပုံလေးဘယ်ကိုများပျောက်သွားရတာလဲ...?

သွားခဲ့သည့်နေရာများကိုစဉ်းစားပြီး Agency တစ်ခုလုံးလိုက်ရှာခဲ့ပေမယ့်မတွေ့ခဲ့။

ဘယ်လိုရှာရှာမတွေ့ခဲ့ပဲဘယ်လိုစဉ်းစားစဉ်းစားဘယ်နေရာမှာကျပျောက်မိမှန်းမသိတော့တဲ့ဒီဓာတ်ပုံလေးကိုဘယ်လိုများပြန်လည်ရနိုင်ပါ့မလဲ...?

*********

အချိန်တွေဟာရေတံခွန်အလားလျင်မြန်စွာစီးဆင်းနေသည့်အလျောက် ken အလုပ်လုပ်ခဲ့သောကာလမှာလည်းနှစ်လတောင်ရှိခဲ့လေပြီ။

Eric သင်ပေးခဲ့သောမြန်မာစကားများကိုလည်းဝဲတဲတဲလေးဖြင့်ပြောတတ်နေပြီဖြစ်သည်။

ထို့အပြင်သူတို့နှစ်ယောက်ရင်းနှီးမှုများလည်းပို၍တိုးလာလေသည်။

Eric ၏စိတ်ထဲတွင်အချိန်ပြည့်နေရာယူစိုးမိုးနေတတ်သော zion ကိုလည်းတစ်ခါတစ်လေချစ်ဖို့ကောင်းအောင်အသံဝဲတဲတဲလေးဖြင့်ပြောတတ်သော ken ကြောင့်မေ့တတ်လာလေသည်။

သို့သော်ကံကြမ္မာ၏အပြောင်းအလဲနှင့်အချစ်၏ပရိယာယ်မာယာမှာအရမ်းကိုထူးဆန်းလွန်းလှသည်။

ဂျွန်မှဂျွန်ဖြစ်ခဲ့ရသော zion ၏စိတ်နှလုံးအစုံကို eric ကစိုးမိုးပိုင်ဆိုင်ထားလျက်ရှိနေပြီဖြစ်သည်။