Love in Hate [Season-1+2]

အပိုင်း (၄၈)

ဆေးရုံကုတင်ပေါ်မှာ ဖျော့ဖတ်စွာလဲလျောင်းနေသော ဂျွန်ဘေးတွင် သူ၏ Manager ဖြစ်သူ Eric ရှိနေသည်။

Zion ကို စိုင်းလင်းထက်က အိမ်သို့ခေါ်သွားပြီး အနားယူစေခဲ့သည်။

စိုင်းလင်းထက်မိခင်နှင့် ရိုက်ကွင်းမှဝန်ထမ်းတစ်ချို့စက်ရုံတွင်ကျန်ခဲ့ကြသည်။

ဆရာဝန်ပြောစကားအရ ဂျွန်ဟာ Shock ဖြစ်သွားပြီး ဒီလိုသတိမေ့ခဲ့ရတာဖြစ်သည်။

စိုင်းလင်းထက်အိမ်သို့ဦးတည်မောင်းနေသော လမ်းတစ်လျှောက် ကားပေါ်တွင် ဝိုင်အနီရောင်များပေနေသော Zion လက်များ တုန်ယင်နေခဲ့သည်။

ဘာစကားမှမပြောပဲမျက်ရည်များဆက်တိုက်ကျနေခဲ့သည်။

ထိုမျက်ရည်များဟာ သူ့အလိုလိုမျက်လုံးမှစီးကျလာတာမဟုတ်ပဲ ခံစားချက်တစ်ခုခုကြောင့် ကျလာသော မျက်ရည်များဖြစ်သည်ကိုတော့ Zion နည်းနည်းလေးမှ မသိခဲ့။

ရိုက်ကွင်းမှဝန်ထမ်းများ စက်ရုံရှိပစ္စည်းများကို နေရာတကျပြန်ထားပေးနေကြသည်။

စိုင်းလင်းထက်အိမ်သို့ရောက်သောအခါ

"ရောက်ပြီ Zion.."

အိမ်ရှေ့တွင်ကားကိုရပ်လိုက်ပြီး စက်သတ်လိုက်ရင်း စိုင်းလင်းထက်ပြောသည်။

ခါးပတ်များကိုဖြုတ်နေပြီး Zion ဘက်လှည့်ကြည့်တော့ နေရာမှ တုတ်တုတ်မလှုပ်ရှိနေဆဲပင်ဖြစ်သည်။

"Zion.."

စိုင်းလင်းထက်ကားပေါ်မှဆင်းလာပြီး Zion ဘေးက ကားတံခါးကိုဖွင့်ပေးလိုက်သည်။

"ဆင်းတော့လေ Zion.. ရောက်နေပြီ..."

ထိုအခါမှ တုန်ယင်သောခြေထောက်များရွေ့လျားလာသည်။

ကားပေါ်မှဆင်းလာသော Zion မှာ အရက်မူးသမားတစ်ယောက်လို ယိုင်နဲ့နဲ့ဖြစ်နေသည်။

Zion လက်မောင်းကိုတင်းကြပ်စွာကိုင်ထားပေးပြီး အိမ်ထဲသို့ တွဲခေါ်ပေးသွားသည်။

အိမ်ထဲသို့ရောက်သောအခါ ရေတစ်ခွက်ကိုယူပေးလိုက်ပြီး Zion လက်ထဲထည့်ပေးလိုက်သည်။

နီရဲသောဝိုင်များပေနေသည့်လက်များဖြင့် ရေခွက်ကိုလှမ်းယူကာ မော့သောက်လိုက်သည်။