ကြွေပါးအဖြူများဖြင့်ဝင်းနေသောကြမ်းပြင်ပေါ်တွင်အညိုရောင်ကော်ဖီအရည်များတစ်ဖြည်းဖြည်းစီးကျလာကာမာကျောသောဖန်ဖြင့်ပြုလုပ်ထားသည့်ကနုတ်ပန်းများနှင့်ခွက်သည်လည်းကြွေပါးထက်ပေါ်တွင်ညီညာစွာကွဲထွက်သွားသည်။
နှုတ်ခမ်းများကိုအတင်းစုပ်ယူကာခါးကိုတင်းကြပ်စွာဖက်ထားသည့်အလိုမတူနမ်းနေမှုမှရုန်းထွက်ရန်စိုင်း ဇေရန်ခ၏ရင်ဘတ်အားတွန်းထုတ်ကာသူ့နှုတ်ခမ်းအားလက်ခုံဖြင့်သုတ်လိ်ုက်သည်။
"ကိုဇေ..ဘယ်လိုဖြစ်နေတာလဲဗျာ..?"
ဇေရန်ခမျက်နှာပြင်ထက်လှောင်ပြုံးတစ်ချက်ပေါ်လာပြီးစိုင်း အားမှင်သေသောမျက်ဝန်းဖြင့်ကြည့်လိုက်သည်။
"ဘာလဲ..? မင်းကငါတို့ဆက်ဆံရေးကိုလူသိမှာကြောက်နေတာလား..? ဟမ်? စိုင်း.."
"ကိုဇေ..ဘာတွေဖြစ်နေတာလဲ..? ဧည့်သည်ရှိတယ်လေဗျာ.."
"ဟက်! ဧည့်သည်..?"
"ဟုတ်တယ်လေ Zion ကကျွန်တော်တို့ Company ကိုဒီနေ့မှရောက်လာတဲ့ဧည့်သည်ပဲလေ.."
"ကိုယ့်အတွက်တော့ဧည့်သည်မဟုတ်ဖူး...."
ဇေရန်ခ၏အေးစက်သောအကြည့်များသည် Zion ဆီချက်ချင်းလွှဲသွားပြီးမဲ့ပြုံးတစ်ချက်ပေးလိုက်သည်။
"Zion နဲ့ကိုယ်ကသိပြီးသားတွေဆိုတော့....အခုလိုပြန်တွေ့ရတာကိုယ့်အတွက်ဧည့်သည်မမြောက်တော့ဘူးလေ...ဟုတ်တယ်မလား...Zion..?"
"ဗျာ..?ဟုတ်..ဟုတ်ပါတယ် ကိုစိုင်း.."
စိုင်း နားမလည်စွာဖြင့်ဇေရန်ခနှင့် Zion တို့အားစူးစမ်းစွာကြည့်နေသည်။
Zion ကိုကြည့်နေသည့်ဇေရန်ခ၏အကြည့်များသည်စူးရှလွန်းလှသည်။
မကျေနပ်မှု၊မုန်းတီးမှုနှင့်မနာလိုမှုများလည်းတစ်စိတ်တစ်ပိုင်းပါကောင်းပါနေလိမ့်မည်။
ဇေရန်ခအပေါ် Zion ၏အကြည့်များသည်လည်းနားမလည်မှု၊အံ့သြမှုနှင့်တစ်ချို့သောဇေရန်ခ၏အမူအရာများကိုအလိုမကျမှုများပါနေပေလိမ့်ဦးမည်။
ပြောင်လက်နေသည့်ကြွေပြားထက်စီးဆင်းနေသောရွှေညိုရောင်ကော်ဖီများအပေါ် စိုင်း ချက်ချင်းစကားလမ်းကြောင်းလွှဲလိုက်သည်။
VOUS LISEZ
Love in Hate [Season-1+2]
Roman d'amourHatred is a demon who's trying to grow into our soul and destroy us slowly... Own Creation Written in Burmese [Unicode & Zawgyi]
![Love in Hate [Season-1+2]](https://img.wattpad.com/cover/129738941-64-k816579.jpg)