ကြောက်ရွံ့တုန်လှုပ်ခြင်းမရှိပဲ အေးစက်သောမျက်ဝန်းများဖြင့် ကြည့်ကာ တည်ကြည်စွာပြောလိုက်သော စိုင်းလင်းထက်ကို Zack မယုံနိုင်စွာတွေ့လိုက်ရသည်။
"စိုင်း...."
Zion အကျႌကော်လံများကို တင်းကြပ်စွာ ဆုပ်ကိုင်ထားသော Zack လက်များ အဝေးသို့ရောက်သွားသည်။
Zack စိုင်းလင်းထက်ကို သွေးပျက်စွာကြည့်နေပေမယ့် စိုင်းကတော့ သွေးအေးလွန်းလှသည်။
တစ်ချိန်က သေလောက်အောင်ချစ်ခဲ့ဖူးသူကို နာကျည်းစွာ သူစိမ်းတစ်ယောက်လိုဆက်ဆံနေရပေမယ့် Zack မမြင်နိုင်တဲ့ နှလုံးသားလေးဟာတော့ နာကျင်နေလှသည်။
"မင်း....Zion နဲ့.... Zion မင်းက ဂျွန့်ကို သစ္စာဖောက်တဲ့ကောင်ပဲ...."
စိုင်းကို အံ့သြစွာကြည့်ပြီးပြောနေရင်းက Zion ဘက်လှည့်ကာ မျက်နှာကိုထိုးရန်ရွယ်လိုက်သည်။
Zack လက်ကိုအမှီလှမ်းကိုင်လိုက်ပြီး တားလိုက်သော စိုင်းလင်းထက်အကြည့်များ စူးရှနေသည်။
"သူ့ကိုအဲ့လိုမပြောပါနဲ့.. သူ့မှာဘာအပြစ်မှမရှိဘူး.."
"မင်းသူ့အကြောင်းဘာသိလို့လဲ.. ဘာမှမသိပဲ ဝင်ပြီး ကာဆီးကာဆီးမလုပ်နဲ့... ငါတို့ကိစ္စငါတို့ရှင်းနေတာ မင်းဝင်မပါနဲ့ စိုင်းလင်းထက်..."
ကြားထဲက ဘာမှမသိရှာသော Zion ကတော့ မြန်မာစကားနားမလည်သော နိုင်ငံခြားသားတစ်ယောက်လို ကြောင်တောင်တောင်လေးကြည့်နေမိသည်။
"သူ့ကိစ္စက ကျွန်တော့်ကိစ္စပဲ.. ဇေရန်ခ ခင်ဗျား အခုချက်ချင်း ကျွန်တော့်အိမ်ထဲက ထွက်သွားပါ.. ဘာမှမသိတဲ့ Zion ကို အတင်းမစွပ်စွဲပါနဲ့.."
"ဘာ... Zion က ဘာမှမသိဘူး ဟုတ်လား.... မင်းတို့က နှစ်ယောက်ပေါင်းကြံထားတာပဲ... တစ်ယောက်က မသိချင်ယောင်ဆောင်နေတယ် တစ်ယောက်က ဝင်ကာပေးတယ်... ဟက်.. ဘယ်ဆ်ိုးလို့လဲ.. အေးလေ.. Zion မင်းစောင့်ကြည့်နေ.. ဂျွန့်အပေါ် လုပ်ထားသမျှ မင်းပြန်ခံရမယ်.."
Zion ကိုလက်ညှိုးငေါက်ငေါက်ထိုးပြီး တောက်ခေါက်ကာ စိုင်းလင်းထက်ကို မျက်စောင်းထိုးကြည့်၍ အိမ်ထဲမှ လျင်မြန်စွာထွက်သွားသည်။
ВЫ ЧИТАЕТЕ
Love in Hate [Season-1+2]
Любовные романыHatred is a demon who's trying to grow into our soul and destroy us slowly... Own Creation Written in Burmese [Unicode & Zawgyi]
![Love in Hate [Season-1+2]](https://img.wattpad.com/cover/129738941-64-k816579.jpg)