မသိနားမလည်သော ကလေးငယ်တစ်ယောက်လို စိုင်းလင်းထက်နှင့် မိုးဟေဇယ်ကို Zion ကြည့်နေသည်။
"Zion.."
စိုင်းလင်းထက်ခေါ်လိုက်တော့ Hazel ကပါ အံ့သြစွာ ဆက်ကြည့်နေသည်။
"စိုင်းလင်းထက် နင်နဲ့သူက.."
"အဲ့လိုမဟုတ်ဘူး.."
Hazel ကို တစ်ခွန်းတည်းပြတ်သားစွာပြောပြီး Zion ရှိရာသို့ လျှောက်လှမ်းသွားသည်။
"Zion လာ.. အထဲဝင်ရအောင်.."
အိပ်ခန်းထဲသို့ Zion ကို ပြန်ခေါ်သွားပြီး ကြမ်းပြင်ထက် အစိတ်စိတ်အမြွှာမြွှာကွဲကျနေသော ပန်းအိုးမှ ကြွေအစအနများကို တံမြက်စည်းနှင့်ကော်ပြားယူကာ ကောက်ယူသိမ်းလိုက်သည်။
လက်ဆေးကြောပြီး Zion ရှိရာ အိပ်ခန်းထဲပြန်ဝင်ကာ စိုးရိမ်ပူပန်စွာဖြင့် မေးလိုက်သည်။
"Zion အဆင်ပြေရဲ့လား.. လန့်သွားသေးလား.."
"ဟင့်အင်း.. မလန့်ပါဘူး.. ကိုစိုင်းတို့ ဘာဖြစ်နေကြတာလဲဟင်.."
မျက်နှာငယ်လေးနှင့် စိုင်းလင်းထက်ကိုပင် ပြန်စိတ်ပူစွာမေးလာသည်။
"ဘာမှမဖြစ်ပါဘူး.. ဒီတိုင်းစကားပြောနေကြရင်းက အသံကျယ်သွားလို့ပါ.. ထွေထွေထူးထူးမဟုတ်ပါဘူး.. Zion ဗိုက်ဆာပြီလား.. ကိုယ်ဘာလုပ်ပေးရမလဲ.."
"မဆာပါဘူး.. ကိုစိုင်း ဧည့်သည်နဲ့ သွားတွေ့လိုက်ဦးလေ.."
"အင်း.. အဲ့ဒါဆို ဒီမှာ ခဏစောင့်နေနော်.. ပြီးမှ အပြင်မှာ တစ်ခုခုသွားစားကြတာပေါ့.."
"ဟုတ်.."
ခေါင်းလေးအသာငြိမ့်ပြလိုက်တော့ ခေါင်းလေးကိုပုတ်ကာ စိုင်းလင်းထက်အခန်းထဲမှထွက်သွားသည်။
"ခင်ဗျားပြန်လိုက်တော့.. ခင်ဗျားကြောင့် ဘာအပြစ်မှ မရှိတဲ့ပန်းအ််ိုုးလေးတောင် ကျကွဲသွားရတယ်.. တော်တော်စိတ်ရှုပ်ဖို့ကောင်းတယ်ဗျာ.."
မိုးဟေဇယ်တစ်ချက်ပြုံးလိုက်ပြီး စားပွဲပေါ်မှသူမပိုက်ဆံအိတ်ကို ယူလိုက်သည်။
"အင်းပါ ပြန်မှာပါ.. နောက်တစ်ခေါက်ငါတို့ဆုံတဲ့အချိန်ကြရင် သက်မဲ့အရာမဟုတ်ပဲ သက်ရှိအရာ ကျမကွဲဖို့သာ ဆုတောင်းနေလိုက်..ဟဟ.."
CITEȘTI
Love in Hate [Season-1+2]
DragosteHatred is a demon who's trying to grow into our soul and destroy us slowly... Own Creation Written in Burmese [Unicode & Zawgyi]
![Love in Hate [Season-1+2]](https://img.wattpad.com/cover/129738941-64-k816579.jpg)