ပြန်ပေးဆပ်ရမယ်

2. Ch 1.1

Uni

Jiang Tian ရဲ့ မျက်ဝန်းတွေ တဖျပ်ဖျပ်လှုပ်လာပြီး ဖြည်းဖြည်းချင်းပွင့်လာတယ်။ ' ဘာဖြစ်သွားတာလဲ ' လို့ သူတွေးနေတယ်။တွန်းချခံရပြီးနောက် အဆောက်အဦးပေါ်ကနေ ပြုတ်ကျသွားတာ တကယ့်ကိုသေချာပါတယ်။ ဒါဆို အခုဆေးရုံမှာရှိနေရမှာမဟုတ်ဘူးလား။ထိခိုက်ဒဏ်ရာရရင်ရ သေရင်တောင်သေသွားရမှာကို သူလှုပ်ကြည့်တာ နာကျင်မှုတစ်ခုတလေမှမခံစားရဘူး။ အလန့်တကြားနဲ့သူရှိနေရာ အိပ်ယာထဲကနေ ရေချိုးခန်းထဲကိုပြေးဝင်ပြီး သူ့ကိုယ်သူကြည့်လိုက်တယ်။ သေချာလိုက်သမှ။ သူ့ရှေ့ကလူဟာ သူမဟုတ်ဘူး။

ဒီလူမှာ နက်မှောင်တဲ့မျက်ခုံးတွေနဲ့ မက်မွန်ပွင့်ပုံ မျက်ဝန်းတွေရှိတယ်။ဒီမျက်ဝန်းတွေကနေ အေးစက်စက်လေထုကို ထုတ်လွှင့်နေပြီးတော့ အဲဒီကနေတဆင့် ဒီလူရဲ့ ခံစားချက် ဒါမှမဟုတ် အတွေးတစွန်းတစက ဘာဆိုတာသင်ပြောနိုင်မှာမဟုတ်ဘူး။ အများအားဖြင့် ဒီရွှေရောင်ရင့်ရင့်မျက်ဝန်းနက်နက်တွေက လူတွေရဲ့စိတ်နှလုံးကို သိမ်းကြုံးယူနိုင်စွမ်းရှိတယ်။ နှုတ်ခမ်းပြည့်ပြည့်က ခပ်ရဲရဲဖြစ်ပြီး ဖြောင့်စင်းနေတဲ့နှာတံလည်းရှိတယ်။သန့်စင်တဲ့ အဖြူရောင်အသားအရေက ယောင်ယောင်လေးတောက်ပနေသေးတယ်။ V ပုံစံမေးရိုးအကျနဲ့ ဒီလူရဲ့ဟန်ပန်က သူ့ကို တစ်စုံတစ်ယောက်ဟာမျက်နှာမလွှဲစတမ်း စိုက်ကြည့်နေရလောက်အောင်ကို ညှို့ဓာတ်အပြည့်နဲ့ sexy ကျလွန်းလို့။ဒါကြောင့်မို့ သူ့ကိုယ်သူသိမ်ငယ်နေခဲ့ရင်တောင် သောက်ရမ်းချောနေဦးမှာပဲ။တောင့်တင်းတဲ့ဝမ်းဗိုက်ကြွက်သားတွေကကာယလေ့ကျင့်ခန်းကို နေ့စဉ်ကောင်းကောင်းကြီးလုပ်ပေးနေကြောင်းပြသနေတယ်။အရပ်ကလည်း 185cm ။

သူ့ရဲ့ body အသစ်ကိုစစ်ဆေးပြီးနောက် ထွက်လာပြီးဧည့်ခန်းထဲက ဆိုဖာမှာထိုင်လိုက်တယ်။ပြီးတော့ မူလကိုယ်ပိုင်ရှင်ရဲ့ မှတ်ဉာဏ်တွေကိုပြန်လည်တူးဖော်လိုက်တယ်။သူရှာတွေ့တာက ဒီလူရဲ့နာမည်ဟာ Wu Xi Ru ဖြစ်ပြီး အသက်က ၁၉နှစ်။ တက္ကသိုလ်ကျောင်းသား အလုပ် ၃ခုနဲ့ ။သူသိရတာက ဒီကိုယ်ပိုင်ရှင်ဟာ အလုပ်တွေအလွန်အကျွံလုပ်ပြီးသေသွားတယ်ဆိုတာပဲ။ဘယ်လောက်တောင် မိုက်မဲလိုက်တဲ့လူလဲလို့ ကျိန်ဆဲမိကရော။ သူ့အလိုကတော့ အနည်းဆုံး model တစ်ယောက်တော့ဖြစ်လာရမယ်။