ပြန်ပေးဆပ်ရမယ်

21. Ch 12.2

Uni

😖

________________________________

သူ နောက်ထပ် နည်းနည်းလေး hack ချင်လို့သာဖြစ်တယ်။ အလုပ်နဲ့ပတ်သတ်ပြီးပေါ့။ သူ့အနေနဲ့ သူနဲ့ပတ်သတ်လာပြီဖြစ်တဲ့ အဖွဲ့ဝင်တွေရဲ့အကြောင်းကို ဒီထက်ပိုပြီး သိဖို့လိုအပ်တယ်။ သူရဲ့ လက်ချောင်းတွေကို ဟိုမှ သည်မှ တချောက်ချောက်ရိုက်ပြီးတဲ့အခါမှာတော့ လျှို့ဝှက်အချက်အလက်ချို့ကို သူရလာတယ်။

Lu Yin: အသက်- ၂၀။ မွေးနေ့- ဖေဖော်ဝါရီ ၂၄။ အလေးချိန်-၆၃ kg။ အရပ်-၁၈၆ cm။ Li Anနှင့် Mei Lianတို့၏သား။ Gravity ၏ အဆိုခေါင်းဆောင်။ အသက်၁၄နှစ်တွင် အကောင်းဆုံးလူငယ်ပန်းချီဆရာဆုရရှိ။ အသက် ၁၆နှစ်တွင် Longyueအင်တာတိန်းမန့်၏ ရွေးချယ်ခြင်းခံရ။ အကို၂ယောက် ညီမ တစ်ယောက်ရှိ။

Zi You က Lu Yinနဲ့ပတ်သတ်ပြီး ထိပ်တန်း လျို့ှ ဝှက်ချက်အချို့ ထပ်သိရသေးတယ်။

Lu Yinကို အကောင်းဆုံးပန်းချီဆရာအဖြစ် သိကြပေမဲ့ တစ်နေ့မှာတော့ အားလုံးဟာ ပြောင်းလဲသွားခဲ့တယ်။ သူက ပန်းချီမှာ တော်လွန်းလို့ သူ့ရဲ့အကို နှစ်ယောက်နဲ့ ညီမတို့က မနာလိုကြဘူး။ သူတို့က သူရဲ့လက်ကို ဖျက်ဆီးဖို့အတွက် ဂိုဏ်းစတားအဖွဲ့တစ်ခုကို လျို့ဝှက်ခိုင်းစေခဲ့ကြတယ်။ လက်ထိခိုက်သွားပေမဲ့သူတို့က ဒါဟာ အမှန်တရားမဟုတ်ဘဲ သူဆွဲနိုင်ရဲ့သားနဲ့လို့ ပြောဆိုကြတယ်။ သူရဲ့မိဘတွေကလည်း သူ့ကို ဂရုမစိုက်ကြဘူး။ အဲဒါကပဲ သူ့ကို စိတ်အနာတရတွေ ဖြစ်စေခဲ့တယ်။ မှောင်မိုက်တဲ့နေရာတွေမှာ တစ်ကိုယ်တည်းမနေရဲအောင်
ပြုလုပ်တယ်။ သူက မိဘတွေကို ဒီအကြောင်းပြောပေမဲ့လည်း သူတို့က မယုံကြည်ကြဘူး။ အလိမ်အညာတစ်ခုပါ လို့ တွေးတောပြီး သူ့ကို ဆေးရုံမပို့ခဲ့ကြဘူး။ အကယ်၍ သူ့ရဲ့ ဦးလေးကသာ သူ့ကို အင်တိုက်အားတိုက်မကူညီခဲ့ဘူးဆိုရင် သူ့ရဲ့လက်ဟာ သူသူငါငါတွေလို လှုပ်ရှားနိုင်လာမှာလည်းမဟုတ်ဘူး။နောက် ပြီးကောင်းမွန်လာတာတောင် သူ့ရဲ့လက်ဟာ ပန်းချီဆွဲဖို့ မတတ်နိုင်ဖြစ်နေဆဲပဲ။ သူရဲ့မိဘတွေက သူဟာ နောက်ထပ်ပန်းချီမဆွဲနိုင်တော့ဘူးဆိုတာကို ကြားသိရပြီးနောက် အဖြူအမဲသဲကွဲသွားတော့တယ်။ သူတို့်က သူကိုဂရုစိုက်တယ်ဆိုတာ သူက ကျော်ကြားလို့ဖြစ်ပြီး အဲဒါက သူတို့ရဲ့ နေ့ရက်တွေကို ရွှေရောင်တောက်ပစေလို့ပဲဖြစ်တယ်။ ဒါကြောင့် သူတို့ ဒီရဲ့အကြောင်းကိုလည်းကြားရရော နှစ်ခါတောင်စဉ်းစားမနေဘဲ သူ့ကို အိမ်ပေါ်ကနေမောင်းထုတ်ကြတော့တာပဲ။