Uni
သူ့ရဲ့တိုက်ခန်းက အင်တာတိန်းမန့်နဲ့ အတန်ငယ်တော့နီးပါတယ်။ သူရှူးဖိနပ်ကို စွပ်ကာ အပြင်ကိုထွက်လိုက်တယ်။သူလမ်းထဲကိုလျှောက်ထွက်လာချိန်မှာတော့ မျက်လုံးတော်တော်များကို ဆွဲဆောင်ထားနိုင်တယ်။ သရုပ်ဆောင်တစ်ယောက်ဖြစ်ခဲ့သူမို့ သည်စပ်စုတဲ့မျက်လုံးတွေကို ရင်းနှီးပြီးသားပါ။လူငယ်ပိုင်းကနေစလို့ လူကြီးပိုင်းအထိ ယောကျ်ား မိန်းမ ဘယ်သူမဆို သူ့ကို မကြည့်ဘဲမနေနိုင်ကြဘူး။ သူ ညစ်ကျယ်ကျယ် ဆွဲဆောင်မှုရှိတဲ့အပြုံးတစ်ခုကို လမ်းရဲ့ ညာဘက်ခြမ်းက မိန်းကလေးအုပ်ထဲ တစ်ချက်ပို့လိုက်တဲ့အခါမှာတော့ စီကနဲ ခပ်မြူးမြူးအသံတွေထွက်လာပြီး တချို့က မျက်နှာပေါ်မှာ ရှက်သွေးတွေရဲလို့။တော်တော်လေး ရဲရင့်တဲ့ ကလေးမတစ်ယောက်ကတော့ ခြေလှမ်းပြင်ပြီး သူဆီလျှောက်လာပါတော့တယ်။
" ammmm..ပုံလေးတစ်ပုံလောက်အတူတွဲရိုက်လို့ ရမလားရှင့် "
လို့ပြောပြီးတာနဲ့ ဖုန်းကိုချက်ချင်းတန်းထုတ်တော့တာပါပဲ။ကလေးမကဒီပုံလေးကို အမြဲတမ်းသိမ်းထားဖို့ကြံစည်နေတာပါ ဘာလို့လဲဆို နောင်တစ်ချိန်ဘယ်ခါမှပြန်တွေ့တော့မယ်ဆိုတာ သူ(မ)ဘယ်လိုမှ မသိနိုင်ဘူးလေ။
"ရတာပေါ့"
လှိုင်းတံပိုးကင်းတဲ့ရေပြင်လိုတည်ငြိမ်အေးဆေးမှုအပြည့်နဲ့ Jiang Tian ပြန်ပြောခဲ့တယ်။ဒါပေမဲ့ ဒီအသံမှာ တပ်မက်ချင်စရာ ညှို့ဓာတ်အပြည့်ရောပါသွားတာကိုတော့ မဖုံးကွယ်လိုက်နိုင်ပါဘူး။
တခြားမိန်းကလေးတွေထက်သတ္တိရှိတဲ့ သည်ကလေးမတောင် ဒီညှို့ဓာတ်ပါတဲ့အသံအောက်မှာ မျက်နှာပေါ် နှင်းဆီပန်းခင်းကြီးပွင့်သွားရှာတယ်။
" ငါမင်းအတွက်ရိုက်ပေးပါ့မယ် "
လို့ သူပြောပြီး ကလေးမရဲ့ လက်ထဲကဖုန်းကိုယူလိုက်တယ်။ဖုန်းယူပြီးတဲ့ အခါမှာတော့ သူ့ရဲ့လက်မောင်းကို ကလေးမရဲ့ ပုခုံးမှာဖက်ပြီး post ယူလိုက်တယ်။
" ပြုံးမယ်"
လို့တစ်ခွန်းပြောပြီး ဓာတ်ပုံကိုရိုက်ကာ save လိုက်ပြီးမှ သူ(မ)လက်ထဲကို ဖုန်းပြန်ပေးလိုက်တယ်။
YOU ARE READING
ပြန်ပေးဆပ်ရမယ်
RomancePayback " ငါပြန်လာမှာ Wei Yu ။ မင်း ဒီကနေပြေးလွတ်နိုင်မယ် ထင်ရဲရင်ထင်ကြည့်။" " ငါျပန္လာမွာ Wei Yu ။ မင္း ဒီကေနေျပးလြတ္ႏိုင္မယ္ ထင္ရဲရင္ထင္ၾကည့္။" ____________________________ Original author.......Shellyrill All credit to her. Also credit to cv ph...
