""Happy Birthday to me"''
, 🎈
🕊🕊🕊🎂🕊🕊🕊
________♥________
"ကဒ်" ဟု
ဒါရိုက်တာက အော်လိုက်ပြီးနောက်....
Zi You က Lui Yun ၏အကူအညီဖြင့် အိပ်ယာပေါ်က ထလိုက်၏။ သူတို့ ယခုတင် ရိုက်ကူးပြီးလိုက်သော ဇာတ်ဝင်ခန်း က Zhang Xu ၏ဖျားနာမှု ကို Mu Yan က သိရှိသွားပြီး သတင်းမေးလာရောက်သည့်အခန်းပင်။
တာဝါတစ်ခုနှင့် ရေတစ်ပုလင်းကို Zi Youဆီ ကမ်းပေးပြီး Lui Yun က "Great job" ဟု ချီးမွမ်းလိုက်တော့...
"ကျေးဇူးပါ" ဟု
Zi You က ခပ်တိုးတိုးပြောသည်။
ပြီးလျှင် သူ့နဖူးပေါ်က ရေစက်ရေပေါက်တွေကို တာဝါနဲ့သုတ်လိုက်ပြီး တာဝါကို ပစ်ချကာ ရေဘူးကိုဖွင့်၍ တစ်ငုံသောက်လိုက်သည်။ သောက်လိုက်ပြီးမှ ခြားသူတွေက သူတို့၏ ဇာတ်ဝင်ခန်းကို ရိုက်ကူးနေသည့်နေရာဆီလှမ်းကြည့်လိုက်လေသည်။
Zhang Xu ထောင်ကျပြီးကာမှ Yuan Ju (Zhang Xu အား အကျဉ်းထောင်မှ လွတ်အောင် ကူညီပေးသည့် သူငယ်ချင်း Wang Yu အဖြစ် သရုပ်ဆောင်ရသူ ) က ဒရာမာတွင် ပေါ်လာရမှာဖြစ်တာကြောင့် ယခုအချိန်ထိ သူက ဇာတ်ဝင်ခန်းတစ်ခုမှ ရိုက်ကူးရခြင်း မရှိသေးချေ။
ယခု ဟာက Xu Xin (Xia Xu) နှှင့် Li Mei (Su Lin) တို့ ပထမဦးဆုံးအကြိမ် တွေ့ဆုံသည့် ဇာတ်ဝင်ခန်းအား ရိုက်ကူးနေခြင်းဖြစ်သည်။ Wei Yu က ပေါ်မလာသေး၊ ပေါ်လာခဲ့လျှင်လည်း စက္ကန့်အနည်းငယ်စာ မျှသာ...။
Wei Yu က ဒေါသမျက်လုံးတွေနှင့် Zi You ကိုကြည့်တိုင်း Zi You ခေါင်းထဲတွင် မပြောရမနေနိုင် ဖြစ်ရသည့်စကားက 'ငါ့ကို မုန်းတယ်လား ...သွားစမ်းပါ ၊ ငါလည်း မင်းကို မုန်းနေတာ' ဟူ၍ပင်။ Zi You တောင်းမိသည့် ဆုက 'Wei Yu က ဤလိုသာ ဆက်ပြီး ပြုမူနေပါစေ' ဆိုပြီးဖြစ်သည်။ သို့မှသာ ၄င်းကို ရိုက်ချဖို့ ပိုလွယ်မည် မဟုတ်လား?
အကြောင်း အရင်းတစ်ခုကတော့ Zi You ကို သေချာပေါက် မချင့်မရဲ ဖြစ်စေသည်။ Lui Yun က သူ့ကို နှစ်သက်နေတာ သူသိသည်။ သို့ပါလျက်နှင့် အဘယ်ကြောင့် ထိုလူက ယခုတိုင် မလှုပ်ရှားသေးပါ သလဲ? တကယ်လို့ ခင်ဗျားက တစ်စုံတစ်ယောက်ကို ဒင်နာဖိတ်တယ်ဆိုပါစို့...ခင်ဗျားရဲ့ ခံစားချက်ကို သူတို့ကို ထုတ်မပြောစေဦး ဒါက 'date'တာပဲလို့ သူတို့က အခိုင်အမာပြောနိုင်လိမ့်မယ်။
YOU ARE READING
ပြန်ပေးဆပ်ရမယ်
RomancePayback " ငါပြန်လာမှာ Wei Yu ။ မင်း ဒီကနေပြေးလွတ်နိုင်မယ် ထင်ရဲရင်ထင်ကြည့်။" " ငါျပန္လာမွာ Wei Yu ။ မင္း ဒီကေနေျပးလြတ္ႏိုင္မယ္ ထင္ရဲရင္ထင္ၾကည့္။" ____________________________ Original author.......Shellyrill All credit to her. Also credit to cv ph...
