ပြန်ပေးဆပ်ရမယ်

52. Ch 40

Uni

Lui Yun ခေါင်းငြိမ့်ပြလိုက်သည်။ Zi You က သူ၏အိတ်ထဲကို လိုက်နှိုက်လိုက်ပြီး ခလုတ်ကလေးတစ်ခုကိုနှိပ်လိုက်သည်။ အဆောက်အဦး၏အလင်းရောင်များမှာ မှိန်ကျသွားပြီး အသံတစ်သံက ခန်းမတစ်ခုလုံးသို့ တုန်ခါပျံ့နှံ့လာသည်။

"ဟယ်လို အားလုံးပဲ... Key နဲ့ Ru Lian'er တိုရဲ့ ပါရမီရှင် သား​ဖြစ်သူ ၊ မစ္စတာ Ren ရဲ့ညီငယ်ဖြစ်သူ Zen တစ်ယောက်
ဘယ်လို ကွယ်လွန်ခဲ့တယ်ဆိုတဲ့ ဇာတ်လမ်းကိုသိကြဦးမယ်လို့ ကျွန်တော်ထင်ပါတယ်...မှန်ရဲ့လား?"
ထို အမေးသံက Lui Yun ၏ အသံနှင့်တူသည်ဟုထင်ရသည်။

အသံက Lui Yun အသံဖြစ်သည်။သို့သော် Zi You က ပို၍သြရှအောင် ပြုပြင်ထားခြင်းဖြစ်သည်။ Zi You အနေနှင့် လွန်ခဲ့သည့် ရက်အနည်းငယ်ကတည်းက အဆောက်အဦးတစ်ခုလုံး၏ စနစ်ကို ဟက်ထားခဲ့ခြင်းဖြစ်၏။ သူတို့၏ အစီအစဥ်ကို ကူညီပံ့ပိုးနိုင်အောင်ပင်။

အမှောင်ထဲတွင် လူအုပ်ကြီးက စတင်၍ တီးတိုးတီးတိုးပြောလာကြသည်။ Zen ဘယ်လိုသေခဲ့ရတယ်ဆိုတာ သူတို့မသိဘဲ ဘယ်နေပါ့မလဲ? ယဥ်တိုက်မှုကြောင့် ကွယ်လွန်သွားကြောင်း သတင်းတွေ ထွက်ပေါ်လာပြီး ကမ္ဘာတစ်လွှား လူသိများခဲ့သေးတာပဲဟာ။ သူတို့ရဲ့ ထက်မြက်တဲ့သားကို ဆုံးပါးသွားတဲ့သတင်းကြောင့် အဖေရောအမေပါ ရှော့ခ်ဖြစ်သွားကြသေးတယ်မဟုတ်ဘူးလား..။

"သိကြမယ်လို့ ကျွန်တော်ယူဆပါတယ်။ သူ ဘယ်လို ဆုံးပါးသွားရကြောင်း လူတိုင်းသိကြပါတယ်နော်...ဒါပေမဲ့ သူတို့သိသမျှ အားလုံးက တကယ်တမ်း အလိမ်အညာတွေများဖြစ်နေတယ်ဆိုရင်ရော..? Zen က ယဥ်တိုက်မှုကြောင့် ဆုံးပါးခဲ့ရတာ လုံးဝကိုမဟုတ်ပါဘူးခင်ဗျာ။ အဲဒီအစား အကွက်ချ လုပ်ကြံခံခဲ့ရတာဖြစ်ပါတယ်။ လုပ်ကြံခဲ့တဲ့သူက သူစိမ်းမဟုတ်ဘဲ သူရဲ့မိသားစုကိုယ်တိုင်ပါပဲ"

ပင့်သက်ရှိုက်သံများ ခန်းမအနှံ့ထွက်ပေါ်လာသည်။ အလင်းရောင်က ရုတ်တရက် ပြန်ပေါ်လာ၏။ အားလုံး၏ အကြည့်များက Ren နှင့် Se Moon အပေါ် ရောက်လို့သွားသည်။ ဤအကြည့်များကား မနှစ်မြို့ခြင်း၊ တုန်လှုပ်ခြင်း မယုံကြည်နိုင်ခြင်းများ ပြည့်လို့နေသည်။