-
Other girls
-
"Cy, where are we going?" kanina ko pa siya tinatanong at siguro'y naririndi na siya dahil paulit-ulit ang tanong ko. Hindi naman kasi niya ako sinasagot. Ngiti lang siya ng ngiti.
"Cy. . ."
"Be patient, angel. You'll see it later. Huwag ka na mainip." sagot niya habang nag-d-drive.
Ngumuso ako at tumingin sa labas. Hindi naman ata ito ang daan sa airport. I thought we'll gonna board on plane? Sabi niya naihanda niya na ang ticket namin so I assumed na sasakay kami ng eroplano. Pero bakit mukhang hindi naman ata kami doon patungo?
"Cy, sa airport ba talaga tayo pupunta?" tanong ko sa kanya. Natigilan ako nang makitang nasa tapat kami ng isang matayog at malaking building. Sa tuktok no'n ay may nakasulat na , "De Vera Industries?"
Tumingin ako kay Cy na tinatanggal ang kanyang seatbelt. "May kukunin ka lang ba rito before we go to airport?" tanong ko muli.
Hindi na naman siya sumagot. Ngumisi lang. "Let's go, angel."
Naguguluhan man ay tinanggal ko rin ang seatbelt ko at lumabas. Siya naman ay umikot sa backseat at kinuha ang mga bagahe namin. Mas lalo akong naguluhan.
"Cy-" naputol ang pagsasalita ko nang may lumapit sa aming isang lalaki at pinabuhat ni Cy ang mga luggage.
Inakbayan niya ako at hinalikan sa sentido. "Tara."
Napakarami kong tanong . Gustong gusto ko talaga siya tadtarin ng mga tanong ngayon pero may kasabay kami kaya nanahimik ako. Nagtataka ako dahil pumasok kami sa building at iilan lang ang tao. Sumakay kami sa elevator at may pinindot siyang 'H' na button.
"Nasaan ang mga empleyado niyo?"
Tinapunan niya ako ng tingin. "This building is private. Kaming mga de Vera lang ang may access sa loob. Nasa main building ang mga employees namin."
Ngumuso ako at nanahimik na lang. Saan kaya kami pupunta?
Nang lumabas kami ay may dalawang lalaking nakaabang sa amin. Lumabas kami sa isang pintuan at agad na tumama ang malamig na hangin sa aking mukha.
Nanlaki ang mata ko nang makitang nasa helipad kami at may chopper sa harap ko ngayon. Nilingon ko si Cy na abot tainga ang ngisi. Kinamayan niya ang isang lalaking naka-pilot suit.
"Nice to meet you again, Mr. de Vera." bati ng lalaki.
"Come on, Draude. Parang hindi magkaibigan, ah? You're too formal."
Natawa ang lalaki at tumingin sa akin. "And who's this beautiful woman? Alam ba 'to ni Ram?"
