ANNE POV
"Ingat kasi next time." hinihilot hilot ni Cyfer ang tuhod kong nasaktan sa pagbagsak ko kanina.
Hindi ako makatingin ng maayos sa kanya. Pasulyap-sulyap lamang ako. Kapag nakatingin siya sa akin, iiwas ako ng tingin.
Epic talaga ang nangyari kanina. Sa lahat ng pagkakataon, bakit doon pa ako naging tanga? As in yung literal na pagkatanga.
Dapat pala hindi ko na hinabol si Crein. Grabe talaga! Hindi ko makalimutan.
Kasi naman nag-confess na siya tapos imbis na sumigaw ako sa kilig, napaaray ako sa sakit. Ang sakit kaya ng pagkabagsak ko!
Napabuntong hininga na lamang ako. Paano na ngayon? Ulitin pa kaya niya? Paano pag inatake na naman siya ng pride at hindi na naman niya masabi?
Tahimik kong hinihiling na sana ay mangyari ulit 'yon. Yung seryoso na. Yung kaya kong maappreciate ang mga katagang lalabas sa bibig niya. Less katangahan effect.
Kung bakit naman kasi lagi na lamang nauudlot! Napakamalas naman ata naming dalawa.
Tumahol si Crein na nasa tabi ko at nakaupo na tila nagpapaawa. Mukhang alam niyang may kasalanan siya.
Nang matapos si Cy ay umupo siya sa tabi ko. Kinuha niya si Crein at itinaas sa ere. "Don't do it again. I'll throw in the nearest creek kapag naulit 'to." umungot si Crein na tila naiintindihan ang sinabi ni Cyfer.
"Hey, huwag mong pagalitan si Crein." sabi ko.
Hindi siya umimik. Napabuntong hininga na lamang ulit ako.
Katahimikan.
Ang awkward.
Anong dapat kong sabihin sa kanya? Nakakafrustrate naman ang ganitong feeling. Parang mas gusto ko pa yung pervert side niya kaysa sa Cyfer na tahimik.
Gusto ko yung lagi siyang nanunukso, nakangisi at nangungulit. Kapag kasi tahimik siya , hindi ko alam kung ano ang tumatakbo sa isipan niya.
Kinuha ko si Crein at nilaro-laro. Ang cute niya. White ang kulay niya at brown ang mga mata.
Naramdaman ko ang pagdantay ng ulo ni Cy sa balikat ko. He cleared his throat.
"Nagustuhan mo ba?"
"Oo naman. Salamat,ha. Binili mo ba siya?"
Naramdaman ko ang pagtango niya.
"Gumastos ka para sa akin?" liningon ko siya. Hindi biro ang halaga ng mga ganitong aso. Saan niya kinuha ang ipinambili niya kay Crein? Sa magulang ba niya?
