CYFER POV
Kakatapos lang ng turn ko sa stage. Inaayos ko na ang mga gamit ko para makauwi na at makapagpahinga nang bigla namang sumulpot si Rush sa likod ko at inakbayan ako.
"Tol! Welcome back! Dalawang araw kang wala,ah?"
Nairita ako kaagad. Minsan iniisip ko na bakla 'tong si Rush. Kung makapag-ingay parang hindi lalaki at dinaig pa ang babae. Tinanggal ko ang kamay niya sa balikat ko pero binalik niya ulit. Tinanggal ko,binalik niya ulit. Nakatatlong beses kami na gano'n ang eksena. Nang mapuno ako, tinignan ko siya ng masama. Ngumisi ang tarantado at siya na ang nagtanggal ng kamay niya. "Huwag ka muna umuwi. May party pa ang staff."
"Hindi ako sa staff." malamig kong sagot. Hindi ko siya nilingon at nagpatuloy ako sa pag-aayos ng gitara ko.
"Paano ba 'yan? Bawal tumanggi,'tol. Bawal umuwi ng maaga." umakbay siyang muli sa akin. "Kaya kung ako sayo? Makiparty ka na lang muna sa amin. Minsan lang 'to,tol! At. . ." ngumisi ito ng nakakaloko.
"Maraming bebot do'n."
Tinignan ko siyang muli ng matalim. "Bibitawan mo ako o sasapakin kita?"
Tinanggal niyang muli ang kamay niya. Napakamot na lamang siya sa kanyang batok. "Ang harsh mo naman,tol! Masyado ka ring pa-hard-to-get ka naman! Papagalitan ako ni Manager nito. Kailangan kita isama sa party or else ako ang tatanggalin niya."
Kumunot ang noo ko. "Si manager?"
Sunud-sunod itong tumango. "Oo, guso kasi niya na kompleto. Pero ewan ko ba do'n. Dalawa lang ang inimbitahan niyang singer at parehas pa kayong soloist." paliwanag ni Rush. "Kaya pumayag ka na! Hindi ka ba maaawa sa akin? Sige na,tol! Ngayon lang naman,eh."
Ba't naman ako isasama sa party? Damn. Wala ako sa mood. Pagod na rin kasi ako. Maraming naging activity sa school kanina. Isa na doon ang poster making contest. Napagod ako ng husto. Magagaling ang mga kalaban ko at unique ang ibang concept kaya naman na-challenge ako. Bukas pa malalaman kung sino ang mananalo.
Pagtapos ng dismissal, dumiretso muna ako sa mall para ipaayos ang gitara ko. Nasira kasi 'yon sa pagpapractice ko kagabi. May pinag-aralan kasi akong bagong chords.
Sakto lang ang oras para makauwi ako sa bahay at magbihis. Hindi ko na nagawang magpahinga.
Pagdating ko sa Rioza, patapos na ang bandang susundan ko. Hindi na ulit ang pag-papractice ko dahil sinalang agad ako sa stage. Pagtapos ng anim na kanta, tapos na ang turn ko.
