Camp Virgin (Completed)

Chapter 10

(This Chapter is dedicated to diorellabeeeeells)

Rio's Point of View

Pagpunta namin ni Elio nakita namin na pinipilit halikan ni Josh si Magi. Agad napasugod si Elio at sinapak si Josh na saktong tumama sa ilong. Nagulat ako sa nakita ko kasi hindi ko akalain na magagawa nya 'yon. Hinila nya si Magi at pinalipat sa likod nya. Gaganti si Josh ng suntok nang dumating si Mario at hawakan ang braso nito. Paglingon ni Josh sa likod agad syang sinapak ni Mario sa mukha.

"Anong ginawa sa 'yo ni Josh? Did he harass you?" tanong ni Elio kay Magi habang ako binabantayan si Mario kung sakaling kailanganin nya ang tulong ko.

"He touched my butt. Dalawang beses pa," sumbong ni Magi.

"Gago talaga 'yang si Josh, don't worry Magi ligtas ka na," wika ni Elio.

Nang masapak si Josh agad syang tumakbo at itinulak si Mario sa pader para ihampas ang likod nito. Narinig ko ang paghampas ng likod ni Mario sa pader, nag-alala ako na baka napuruhan sya. Lalapit na sana ako pero dumating na ang mga Camp Martial.

"Ano na namang kaguluhan 'to?" tanong ng isa.

"Binastos kasi ng manyak na iyan ang kaibigan namin!" sigaw ko.

"Ikaw na naman, Mr. Dela Fuente? Sumama ka samin," utos ng isang Camp Martial.

Wala namang magawa si Josh kun'di sumama pero pangiti-ngiti lang sya. Lumapit na sa amin si Mario at kinumusta si Magi, "Kumusta? Ano bang ginawa nya?"

"Hinawakan ang pwet nya at pilit pa syang hahalikan," sagot ko.

"I couldn't control myself kaya nasapak ko bigla," ani ni Elio.

"Nagulat nga ko, parang ibang Elio ang nakita ko kanina," wika ko. Kinumusta ko naman si Mario, "Ikaw, masakit ba ang likod mo, mahal ko?"

"Wala naman mahal ko, ako pa ba?" pagyayabang nya.

"Salamat, Bro!" pasasalamat ni Elio kay Mario habang yakap-yakap nya si Magi. Halatang labis syang nag-aalala.

"Walang anuman, bro," sagot ni Mario.

Lumapit na rin si Riah sa amin. Napansin kong pare-pareho kaming may white card.

"Guys, tingnan nyo pare-pareho tayong may white card. Ano kayang ibig sabihin nito?" nananabik kong pinaalam sa kanila at nagtanong.

"White means purity, so it has something to do with the exam yesterday," sagot ni Riah.

"Maybe this is already the result. Does it mean we're all pure?" pahayag naman ni Elio.