My Missing Twin

Chapter 23: Pagkikita Ng Kambal

Kinabukasan, hindi pumasok si Amanda at Althea dahil nasuspinde sila. Kaya naman si Althea ay naiwan sa bahay kasama si Nanay Mercy.

Pagkauwi naman ng kaniyang tatay galing trabaho ay inutusan siya nito na mamili sa palengke para sa pagkain nila mamayang hapunan.

"Anak, pwede ka bang utusan?" tanong ng kaniyang tatay.

"Opo, tay, sige po." tugon ni Althea.

Pagkatapos noon ay kinuha ni Althea ang kaniyang bisikleta at pumunta na siya sa palengke.

Althea's POV:

Inutusan ako mamili ni tatay sa palengke, kaya naman ay kinuha ko ang aking bisikleta at nagsimula na akong pumunta sa palengke.

Tumatama sa aking katawan ang sariwang hangin habang pinapadyak ko ang aking mga paa sa bisikleta, at sinimulan ko na ang pamimili.

Pagkatapos kong bumili ay muli kong tinitigan ang aming napakagandang eskwelahan, ang Wendler Institute.

Naiinis lang ako dahil ako ay nasuspinde nang dahil kay Amanda. Pero huwag siyang mag-alala, dahil malapit na rin akong makabalik at humanda siya kapag nakabalik ako dahil ibabalik ko sa kaniya ang mga kasamaang ginawa niya.

Habang pinagmamasdan ko ang kagandahan ng aming eskwelahan, hindi ko namalayan na mayroon palang paparating na sasakyan sa aking likod.

Athena's POV

"Ano ba 'yan, kuya? Paalisin mo nga 'yang babae na 'yan! Nakaharang sya sa gitna ng karsada!" sigaw nito.

"Opo, mam! Papausurin ko na po siya sa gilid." sabi naman ni kuya Paeng na driver nila Athena.

Paeng's POV

"Ah, miss pwede ka po bang umusod kahit saglit? Dadaan po kasi ang sasakyan namin." sabi niya kay Althea habang nakatalikod ito dahil patuloy pa rin niyang pinagmamasdan ang kanilang eskwelahan.

"Po? Kuya nasa gilid naman po ako ah, tsaka kasya naman po 'yung sasakyan ninyo." sabi ni Althea.

"Mam Athena? Bakit nandyan ka? Eh diba nandoon ka sa loob ng sasakyan? Tsaka, bakit iba na agad ang damit mo?" sabi ni Paeng.

"Ho? Kuya nalasing ka po ata?" sabi ni Althea.

"Mam, kung sino ka man po, please igilid niyo po muna ang bisikleta ninyo, magagalit po ang amo ko, ayoko po syang bumaba ng sasakyan at siya mismo ang magpagilid sa inyo. Mataray po siya." sabi ni Paeng.

Di nga nagtagal ay biglang bumaba si Athena ng sasakyan at medyo naiinis na siya dahil ang tagal gumilid ng babae.

"Ano ba 'yan, kuya? Bakit ba ang tagal tagal mong pausurin 'yang pesteng babae na 'yan ha? Pauusurin mo lang 'di mo pa magawa!" pagalit na sigaw ni Athena.

Napalingon si Althea kay Athena. Nanlaki ang mga mata ni Althea nang makita niya na pareho ang mukha nila ni Athena.

-To be continued-