- دي اخرت البباري الشلل الفاشله المعندهم مستقبل التفكيرهم كلو كباريهات وبنات وسكر وفارقه الفي عمرك اسس شغلو الخاص من زمان. , كل يوم اغطي مصيبه انت عامله م كفايه انا متحمل بلاويك كلها واخر شي تطلع انك مدمن مخدرات لا وكمان بتبيعه وبتروج ليها ??! ولد ابوشنب يطلع مدمن ف فضيحه اكتر من دي ??! اسمك متصدر قوائم العنوانين الكبيره كل الجرايد كل اقسام الشرطه م عندها سيره غيرك وغير اسمي البقي ف الطييين بسببك وبسبب طيشك وشله الصعاليق الزفت المباريها شوهته سمعتي وَاسمي الببني فيهو 30سنه لكن بسيطه انا ح اعلمك الادب من اول وجديد يافقد التربيه ي كلب ( وبقي بطلع ف قاشو)
- (ببرود) وانت زعلان ليه?? ! المفروض تبنسط لان الولد طلع زي ابوهو واي اب ف الُدنيا بتمني ولدو يطلع زيو... (بسخريه) ده لو كانت عندك مشاعر ابوه...
-وكمان بترد ي كلب والله وبالله اليله الموروك ليهو ف السجن اوريك ليهو هنا
- عليك الله م تضربو النبي م قاصد والله م يعيده شافع م عارف حاجه م واعي ي ابشنب ح تساوي راسك براسو??! امسحه فيني لكن م تدقو دقوهو ف السجن عاين لجسمو مورم كيف ارحمو ي ابشنب م تدقو تاني عليك الله م تساوي راسك بيهو والله م قاصد
- ي مره زحي من قدامي ولدك رساو ناشف يكسر الحجر م بسمع الكلام وم بتعدل لكن هين انا بلين راسو ده قولتا ليك زحي من قدامي
- اي هو فاشل وغبي وبليد لكن ده مهما كان ولدك من صلبك تعال ليهو بلين براحه بفهم لو كل م يعمل شي تجيهو بالعنف ح تتماوتو الاتنين بس انت ابوهو هو عندو والي غيرك?! مهما سو وعمل انت البتنجدو انت ابوهو عليك الله م دقو اديهو فرصه والله ح يتغير
- والله ي ناديه م تزحي من قدامي اضربك معاهو قولتا ليك زحي بلا تفاهم معاك دي اشكال بتفهم زحيي ( وزحاها ب يدو قربت تقع بس مسكت ف يد الكرسي وبدا يضرب فيهو بكل بطش وقوه - ناديه كملت دموعه مره تبكي ومره تحجزو ولمن تحجزو بجيها سوط سوطين ف ضهرها ضربو ف ضهرو وف كل حته قدر يصله حرفيااا كل جسمو بقا بكب دم كان مرمي ف الارض ذي العجل الوديع الدقشتو عربيه وصبت فيهو مطره ململم يدينو عليهو م حاول يقاوم ابشنب خااالص او يحمي نفسو لغايه غمر
ابشنب نادا لي اتنين من الحرس شالوهو دخلوهو غرفتو فوق '' دخلت ناديه شايله علبه الاسعافات الاوليه ف يدها من معقم لمطهر لشاش لابسه جلابيه خليجيه وشايله علبه الاسعافات وماشه مسرعه شبطه اتفكا من رجله ملصت الفرده التانيه وطلعت منها مشت خلتو لزت الباب بي ضهرها ودخلت....
قلعت القميص الابسو براحه ودموعه ف خدودها تبكي وتتنهد يدينها كانو برجفو مع انها دكتوره جراحه ومتعوده ع الحاجات دي عاينت لجروحو مسااافه اتحسستو بوجعه عقمت الجروح واثار السيطان العملت علامه X ف ضهرو لفت ماستطاعت من الشاش ولفت ليهو راسو عاينت ليهو وهي بتتامل فيهو بحسره وجع وهو مغمي عليهو ختيت يدينها ف وشها وقعدت تبكي بصوت مررت يدها ع وشو باست راسو مساااافه دموعه جات ف راسو قفلت الباب وطلعت .....
الفله كانت شبه خاليه واسواط السيطان واصله
الشارع مافي غير ناديه والحرس الواقف بره ......
