بعاين ليهو واصلي م قدرته اتجاوزو حاسه اني شفتو وبذااات الصوت ده م بعرف ليه لمن بسمعو بخاف ؛؛ طول اليل انا بفكر فيهو م عارفه ليييه م قادره اشيلو من تفكيري وائل صحى قال لي لسه صاحيه ؟؟ قولته ليهو م جاني نوم قعد قال لي ف شي بوجعك ؟؟ قولته ليهو لا قال لي شي شاغلك؟؟ هزيت ليهو كمان لا قال لي تعالي ومد لي يدينو نومته ف حضنو وشديت فميلتو ودخلته راسي تحت راسو قال لي متاكده انك كويسه؟! قولته ليهو م عارفه تفكيري كلو ف بيتنا قال لي بكره نمشي لاخواتك 💕 قولته ليهو م ده قال لي ياتو؟! شديت فميلتو وسكته فهمني شداني عليهو ...
" قد لا اعلم ماذا بك ؛ ولكن حقآ يؤلمني💔
وائل""
صحيت بصداع فظيييع حاسه راسي ح ينفجر ؛ عاينته ف التلفون الساعه 2 صباحا طلعته بره بلعته لي حبه ؛ وقفته ف البلكونه كان م جايني نوم خالص ؛؛ حسيت بزول وراي كان وائل شايل كبايه قهوه مداها لي شلتها ومسكني من يدي قعد ف الكنبه وميل راسي لكتفو 💕 قال لي يمهه انتي مالك؟! قولته ليهو مصدعه بلعته بندول قال لي بس صداع ؟ قولته ليهو مضايقه حاسه روحي ح اتنخق قال لي تعالي نطلع قولته ليهو ف الوقت ده قال لي مش مضايقه؟! قولته ليهو اي قال لي يبقى ارح نفك الزهجه دي قولته ليهو وائل شوف الزمن قال لي قومي البسي اي شي وارح نلف بالعربيه يمكن الضيقه دي تزح انا م قادر اشوفك كده ، لبسته لي عبايه ومشينا لفينا بالعربيه وداني القياده 💕 كان ف ناس بتهتف الناس دي م بتنوم اليل حارسين تروسهم💕 قعدنا جابو لينا قهوه ف واحد عندو جيتار وائل شالو منو وفضل يغني لي عدا الزمان بتاعت احمد امين عشان بحبها شديد💙 ف واحد جنبو كان بغني معاهو صوت رهيييب 💕💕 قال لي نرجع بعد ده؟! قولته ليهو اي ودع الشباب ومشينا قولته ليهو ي حرام اليل م بنومو 💔 قال لي حارسين الترس وع فكره هم م مرهقين شوفتي النشاط والحماس الفيهم ده؟ كل يوم ماليهم عشان بكره وعشان البلد م حصل قل 💕 قولته ليهو ربنا يحميهم ويغطي عليهم من كتايب الظل قال لي ربنا قاعد 💙
رجعنا البيت مزاجي اتحسن شديد حسيت برااحه نمته م صحيت الا ع صوت عدن كانت متوتره قولته لييها ي بتي كان م شيله 😥 قالت لي انا م مصدقه اصلااا انو اليوم ده جا😭💕 قولته ليها بضحكه لا صدقي يختي وخلاص ح تبقي مرتو💕 قعدت تبكي قالت لي فاقده امي واخواتي شديد ي نسيمه😭💔 قولته ليها ح يصلو بكره وح يقرفوك العيشششه بعدين نحنا مش عيلتك قالت لي عارفه لكن برضو مشتاقه ليهم قولته ليها ي ستي بكره تجي تشكي لي منهم ضحكت قالت لي صاااح والله بذات من هند اختي 😹💔 قولته ليها انبسطي يلا انا بعد الفطور ح اجيك قالت لي ظااابط ؛؛ نزلته لقيت وائل وعمو بتونسو صحبته عليهم قولته ليهو وائل انت لسه قاعد قال لي م ماش اليله ح اشتغل ف البيت معتز متولي الاداره هناك قولته ليه اها انا امشي بعد الفطور لعدن عمتي نفحات قالت لي دي صحبتك الح يعرسوها قولته ليها ااي اليله شيلته واهله م معاها وقفت معاي ف عرسي لازم اردها ليها قالت لي والضيوف البجو انا يدي م بقدر اشتغل بيها قولته ليها اصلا من امس خفو ولو جو واحد اتنين سعاد ح تتوالى الضيافه قالت لي مرت ولدي قاعده الشغاله هي البتخدم؟؟! وائل قال ليها امي اصلا ده شغله يعني م شي جديد بعدين من زمان سعاد قاعد تشتغل وين المشكله هسي؟؟ قالت ليهو بس زمان م كان عندي مرت ولد وكنت براي قال ليها ياتو شغل ياهو القهوه والشاي ؟؟ بعدين زي م قالت هم خفو امس اليوم كلو م جا غير لينا وامها ومرت ولدهم وديل يعتبر م ضيوف اصلاا اصدقاء العيله من زمااان مرت عمو قالت لي انتي اصلا عرسوك صفقه ولفتره معين وح تتطلقي منو نافخه روحك بالمرقات مالك ؟ قولته ليها انا اصلا اول مره اطلع من عرسته ولو م عدن م معاها زول م كنت مشيت من بدري كده اتلفت ع عمتي نفحات وقالت ليها والله اول مره اسمع بعروس م تمت شهر تمشي تتحاوم ف بيوت الناس وائل قال ليها انا راجله وموافق م اعتقد انو ف زول غيري عندو حق او كلمه عليها قولته ليهم عن اذنكم وخليتهم بتناقشو خشيت المطبخ لقيت سعاد بتعمل ف الاكل بقيت بساعد فيها قطعته ليها اللحمه جات عمتي نفحات داخله قالت لي اسمعي نحنا معانا ضيوف مافي ليك مشي قولته ليها اصلا خليتو المشي حمرت لي قالت لي العروس ف اول ايامه م بتتحاوم ف بيوت صحباته امك م شرحت ليك وفهمتك الاصول ؟؟ سكته م رديت ليها جات مرت عمهم اسمها مهيبه قالت ليها شكلو امها م علمته ولا فهمته شي شايفه لمن تطلع بتلبس لبسات م بتلبس تياب وده م صاح مافي مره متزوجه بتلبس لبسات بنات شباب وشايفاك نايمه لغايه الساعه 8 البنومك للوقت ده شنو؟، عمتي نفحات قالت ليها انا قولته م اعصر عليها عشان لسه جديده لكن ادوها شبر سوتو ضراع مهيبه قالت ليها اصلااا م كان تتساهلي معاها نسوان العيال ديل من يومن كده نهااائي الريق الحلو م بنفع معاهم الا العين الحمره عمتي نفحات عاينت لي قالت لي اسمعي هنا من اليله دي نوم لغايه الضهر مافي ليكي نحنا م خدم تحتك عشان تصحي تلقى كل شي جاهز ومرقاتك الكتيره خليها وامشي لامك خليها تفهمك الاصول مهيبه قالت ليها من يوم دي حال الغرابه عمتي نفحات قالت لي خفي يدك م تضيعي الوقت مهيبه قالت لي انتي مالك مكفكه التوب ده كده؟! قولته ليها م بعرف البسو قالت لي امك م علمتك؟! لمن قالت الكلمه دي حسيت بوجع ف قلبي سكته م رديت ليها طلعو مني الاتنين دموعي جات جاريه سعاد قالت لي م تبكي دي المره دي ملت ليها راسه من قبيل كانو هنا كانت بتحشي فيها سكته وكملته شغل ختيت الاكل م كان لي نفس اكل مهيبه قالت لي مالك قايمه؟؟ قولته ليها م جعانه قالت لي م جعانه ولا ختيتي لينا فيهو حاجه عشان اتكلمنا معاك ونصحناك ؟؟ قولته ليهو حاجه شنو البختها قالت لي بري انا شن عرفني؟؟ لكن سامعه الغرابه بتاعين شيوخ ودجل وائل قال لي ده كلام شنو ي خاله؟، قالت ليهو مالك م صاااح الغرابه م بتحملو الكلام قال ليها ي خاله ي ريت م تغلطي من كده انتي مره واعيه كلام زي ده المفروض م يطلع منك قالت ليهو انت مالك حميان؟ سوت ليك شنو الكلمه م بترضاها فيها قال ليها مرتي وي ريت تعرفي حدودك مهيبه عاينت لعمتي نفحات قالت ليها سامعه ولدك بقول لي شنو ي نفحات؟، اااه انا يقول لي الزمي حدك ؟ وائل قال ليها انا م قولته كده قالت ليهو شنو الماقولتو انت م فضل ليك الا تضربني نفحااات شنو ولدك بقى وقح ف الكلام هييي انتي سويتي ليهو شنو الولد ده؟، وائل قال ليها خالتو مهيبه لو سمحتي ماف داعي للكلام الشين قالت ليهو انت خليت فيها شين ؟؟ عمتي نفحات قالت ليهو بنهره وائل اتكلم بادب وائل قال ليها انا محترم روحي لكن هي من الصباح ماشه وجايه تشاكل ف نسيمه ومن ابسط شي تعمل مشكله قالت ليهو مرتك مدلعه الحبه م بترفعه من الارض قال ليها انتي م عايشه معانا عشان تعرفي اذا بترفع ولالا وحتى لو م بترفع ده شي م بخصك قالت ليهو نعممم؟؟ انا مرت عمك كيف يعني م بخصني ؟؟ خلاص فضلته الغريبه علي؟؟ نفحااات م تشوفي ولدك ده؟ عمتي نفحات قالت ليها برري من يوم عرس البت دي وحالو م عاجبني ...مشيت منهم المطبخ و خليتهم بتناقشو عمتي نفحات جاتني قالت لي كييف تمشي وانا بنتكلم معاك؟؟ قولته ليها انتي بتكلمي مع وائل م انا قالت لي دي بجاحه منك بس مليتي لولدي راسو بقيتهو خاتم ف اصبعك وكلامي ضارب بيهو عرض الحائط قولته ليهو انا م مليت ليهو راسو قالت لي تكوني ربطيه؟، قولته ليهو عمتي نفحات لو سمحتي قالت لي عمى الدببه ان شالله قولي سويتي لولدي شنو ؟؟ قولته ليها م سويت ليهو والله العظيم قالت لي مشيتي بكيتو ليهو امس اني شغلتك صااح؟ قولته ليها م حصل قالت لي بنهره كضااابه الصباح لمن سالنا منك قال تعبت خلوها ترتاح هي طول اليوم شغاله نحنا مرتاحين وم قاعدين نشتغل صح؟؟ قولته ليها انا م قولته ليهو شي ولو قال كده لانو شافني شغاله وم قصدو حاجه من القالو قالت لي لا قاااصد قصدو اني بشغلك وبتعبك ولدي زمان كان كلمتي م بطلعه مم لساني بنفذه بقى بسمع كلامك انتي وحمرت لي ومشت .....
#استكانهه
