ابوي قاليهو انا معاي بنات امشي بيهن وين بليل ده؟ اصبر للصباح من الفجريه بنفضي ليك قال ليهو انت لسه ح تتفاوض معاااي ي رجال خشو طلعو ليهم كركبيم يلا الرجال جو عايزين يدخلو ابوي قاليهو يمشو وين انا بناتي قاعدات جوه نص ساعه وبنطلع ليك مافي داعي ي نسيمه خشي لمو حاجاتكم سريع خشينا انا واخواتي نلم ف هدومنا وعدتنا وباقي احتياجتنا اي حاجه قدرنا نشيله لملمناها جا عصام واصاحبو شالو التلاجه طلعوها بره والمروحه المتحركه والحاجات التقيله كلها عصام قال لابوي اها ي عم جبريل ح تمشو وين؟؟! قال ليهو والله م انا عارف زاتو بليل ده امشي وين بس الله يسترها قال ليهو خلي بناتك يجن يبيتن مع اخواتي امو كانت واقفه قالت ليهو منو ديل اليبيتن مع بناتي؟! عصاام ساق امو قال ليها دقيقه عايزك جراها بعيد وبقو يتكلمو قالت ليهو اسمع هنا ديل غرابه ونحنا عرب م بنومن مع بناتي ف سرير واحد قال ليها ان شالله ينومن ف الارض بعدين شنو غرابه وعرب ي امي الكلام ده م بجي قالت ليهو اسمع هنا ي عصام انا فاهمه انك زول واجب وكريم لكن م للدرجه دي قال ليها امي الله يخليكي ديل بنات ينومن ف الشارع يعني ؟! قالت ليهو م شغلتي بيهن ينومن محل ينومن بقن من بقيت اهلي ؟! عاين ليها قال ليها عشان خاطري انا ي امي قالت ليهو خاطرك ف القلب لكن م بدخلن بيتي والله جات اختو لافحه توبه قالت ليهو اسمع انا وديل م بنقعد ف بيت واحد سامع ! قال ليها مالم فيهن جرب قالت ليهو لا طاعون عاين ليهم قال ليهم انا م بصدق انكم بالعقليه المتخلفه دي
سميره وسميه قعدو ف شنطه الملابس وانا واقفه مع ابوي قولتا لي ابوي اها ح نمشي وين هسي قال لي والله م عارف انا زاتي جا عم صالح قال ليهو تعالو اقعدو معاي ابوي قاليهوو لالا بيتك ملان ضيوف وعرس ولدك والفيكم مكفيكم قال ليهو معقوله ي جبريل لو م شالتك الارض اشيلك ف راسي انت م عارف معزتك عندي كفايه الشيلتو معاي مرضتي الفاتت كنت واقف مع عيالي كانك والدم من صلبك ولمن جا الوقت ارد الجميل تبخل علي ؟!قال ليهو عكاشه الحال واحد وم بينا جمايل لكن الضيوف العندك بعد بايتين عند الجيران م ح تجي والله قال ليهو القلوب لو اتصافت البيت بسع من الحبايب الف قاطعم عصام كان شايل تلفونو بتكلم وفصل قال ليهم لا انت ولا غيرو انت فعلا بيتك ملان ضيوف عندي صحبي مسافرين وبيتم فاضي ممكن تمشو تبيتو فيهو اليله وبكره ربنا يسهلا حاج صالح ضرب بعاصيتو الارض قال ليهو طلاق تلاته م تبيت عند غريب ولو قولتو بيتنا ملان افتح ليك بيت اخوي تمشو تقعدو فيهو لغايه ربنا يسهلا ليكم ابوي قال ليهو الكلام ده م بجي ي جماعه حاج صالح قاليهو انت م عندك خيار عشان تختار اخوي بره البلد ليهو سنين وبيتو فاضي امشو اقعدو فيهو لغايه تلقو ليكم بيت ولو م لقيتو تقعدو فيهو لغايه اجو هااا عاد عندك كلام تاني ؟! قال ليهو اقول شنو تاني انت حلفته طلاق يلا ي بنات ارح نمش
عصام ركبنا ف ركشتو نحنا التلاته وابوي وحاج صالح ركبو مع بتاع كارو جايبين فيهو بقيت الحاجات وصلنا كان بيت عاادي لكن كبير فتح لينا غرفه من الغرف وكان ماشي يفتح التانيه ابوي قاليهو غرفه واحده كفايه بس افتح لينا المطبخ عشان ح نحتاجو وعصام م قصر معانا شال لينا الحاجات كلها نقله لينا جوه البيت وهم بضايرو عصام شايفاهو نادا سميه مشت عليهو انا وسميره جبنا المقشات وقعدنا ننضف رغم انو البيت كان نضيف يعني البشوفو م بقول مقفول ليهو سنين واهلو مافي قولتا لي سميره شكلو صاحبو بحب النضافه مهتم بيهو حتى وهو مافي قالت لي اي والله حاج صالح قاطعنا وهو بضحك قال لينا فعلا بجيب بت تنضفو كل شهر قولتا ليهو م شالله والله حريييف قال لي اخوي ده لمن كنا صغار كونا بناديهو الخواجي كان انضف واحد فينا وبحب اي شي يكون مرتب ونضيف ومنظم سميه قالت ليهو وااااضحح حتى زوقو ف الاثاث حلو
بعد خلصنا وضايرانا شلته عصير اديتو ل عصام وجماعتو الكانو بنقلو لينا ف العفش شال الكبايه مني وكان ماسك تلفونو ومستنياهو يرفع يدو من الصينيه قولتا ليهو ي تسيب التلفون ي تسيب الصينيه عاين لي وضحكك قال لي شلتهم الاتنين ورفع لي التلفون والكبايه ابتسمته ليهو ومشيت
سميه عاينت لي قالت لي وسيم مش قولتا ليها منو غمزت لي قالت لي وهي بتحك ف اضانه اب عروق طايره ده يمين بالله يحردو ليهو الكاروهات 😍😍 ضحكته قولتا ليها الله يجازيك اسمهم عروق بارزه م طايره اتحضري 🐸🔥 قالت لي المهم حلاتو قولتا ليها والله م كده يعني لا شين لا سمح عادي قالت لي اي عادي لكن فيهو رجوله كده وهيبه تجزبك قولتا ليها م دايره رقمو حبيبااه🐸 قالت لي شكلو مربط م شايفه التلفون من يدو م فاكو قولتا ليها عااد مركزه ي فلانهه ضحكت قولتا ليها هو قبيل ناداك لشنو؟! قالت لي القالو لي قال لي م اوريك بيهو قولتا ليها اجي كيف يعني م توريني ؟ قالت لي السمعتي ومشت ابوي قال لي نسيمه ح اطلع مع عمك عكاشه ده واجي كويس ومشى وقف مع عصام شكرو ببسمه كده قاليهو معقوله ي ابوي واجبنا!!!
دخلته جوه الغرفه ميييته من التعب وجسمي م شايلني شده م هلكانه عبايتي م قلعتها طوووالي جيت ع السرير كانو سريرين واحد نامت فيهو سميره والتاني اطبحته فيهو انا جات سميه قالت لي وانا؟! قولتا ليها نومي جنبي سااي قالت لي سواقينك الطوال ديل انوم كيف معاهن قولتا ليها سمح امشي نومي مع سميره قالت لي سميره بضربني اليل كلو تلبع عارفه نومه كعب 😒🔥 قولتا ليها سمح تعالي نومي معاي من قدام انا برقد بجنبه واحده اصلا قالت لي م بشيلنا قولتا ليها اسمعي ديك الارض اتصرفي جيبي ليك فرشه ونومي فيها 😒🔥 قالت لي انتي عارفه نوم الارض م بنفع معاي 😢💔 نفخته خشمي قولتا ليها جيبي لي فرش انا بنوم فيها خلصيني من نقتك دي 😒🔥 مشت جابت لي فرش من بره ختتو ف الارض قلعته عبايتي ونومته وقفلنا الانوار جات سميره تكابس اتلفته عليها قولتا ليها مالك ف شنو؟ قالت لي انتي لسه زعلانه مني قولتا ليها م زعلانه قالت لي انا م قاصده انا اسفه قولته ليها سميره ده م وقتو انا تعبانه وعايزه انوم قعدت تبكي قالت لي انتي عارفه اني بتكلم سااي ولساني فاكي مني انا غلطه ف حقك شديد اعفي لي واوعدك م اعمل كده تاني وح اسيبو والله العظيم لكن م تزعلي مني ولو ع التلفون انا بكره برجعو ليهو انا م لي غيرك ختيت يدي ف راسي و سكته مسافه حمرته دنقرته قولتا ليها خلاص م مشكله عافيه ليك قالت لي من قلبك قولتا ليها اي قالت لي من جوه يعني قولتا ليها اي قالت لي من طلاطيل قلبك عاينته ليها بزهج قولتا ليها من كبدتي 😒 حضتنني قالت لي كنت عارفاك ح تسامحيني سميه فتحت النور شافتنا نايمين و متحاضنين قالت لينا والله انا كنت شاكه انكم م بنات 🐸🔥 جدعته فيها المخده قولتا ليها ي قليله الادب 😂 نزلت وبقت حاضناني من الجهه التانيه قالت لي بموت انا ف التافهه قولته ليهم بنسبه لانكم خليتو السراير وضايقتوني ف ارضي ؟؟ سميره قالت لي ان ارض الله واسعه ي زوله قعدنا نتونس لغايه فتنا ف نومه
صاح الحياه قاااسيه معانا شديد وبعاملونا كاننا منبوذين صح الدنيا مديانا قفاها وكل وجع بجيبنا احرا من القبلو كل مر انا ضوقتو ف الدنيا وكل حرمان حسيت بيهو اخواتي كانو بخففوهو وبهونوهو لي 💙
م هي الا سويعااات واذان الصبح اذن ابوي مشى صلى وجا ونحنا ولا صحييناهو التعب والارهاق التعبناهو امس ف النقل والشيل والمضايره م خلانا نحس بشي جا داخل ابوي علينا وكان الواطه خلااص صبحت لقانا متكويمين كلنا ف الارض وسميره نومه كعب رجله كانت ف نص بطني لكن الحمدلله ربنا ساتره بلبس البجامات صحانا قال لينا نايمات ف الارض مالكم ومخليات السراير فاضيه؟! قومو يلا الواطه دي اصبحت المدارس جات سميره قالت ليهو الساعه كم يخ خليني انوم قال ليها 7 الا ربع قالت ليهو كم و قامت جاااريه من مكانه ذي الابسه جني جرت ع الحمام تاني قومنا كلنا صلينا وديلك لبسن وطلعن وابوي زاتو طلع الشغل وانا قعدته اضاير ف البيت مليت التلاجه مويه ووصلتها ف الكهربا ربطه راسي وبقيت بزعف الساعه بقت واحده انا خلصته مضايره جيت ع السرير هلكاااانه سميه جات خاشه دخلت ع طول ناامت ولا اتفاهمت قومته ع الغدا قلته اخلص منو وانوم لقيت بصل مافي شلته عشره جنيه كانت ف راس التلاجه مشيت الدكان سيد الدكان قال لي انتو جداد ولا شنو قولته ليهو اي سكنا امس بليل قال لي مرحب بيكم ف ياتو بيت قولتا ليهو دااك البنفسجي داك سكت مسافه قال لي اهااا كويس هاكي البصل قولته ليهو ومالين تلاته بصلات بس؟! قال لي الدولار ي بتي الدولار قولته ليهو ربنا يعينا مع دولاركم المبنزل ده شلته بصلي خشيت البيت لقيت عدن واسيل بتونسو ساااي مع سميره استغربته لانهم م عارفين اننا رحلنا اصلا قولتها ليها اسيل!! قالت لي اهلا بالمختفيه 4 ايام من الجامعه بالغتي بليييغ لكن ، سلمته عليها قولتا ليها انتي عرفتي من وين اننا هنا؟! قالت لي البسال م بتوه ومبروك البيت الجديد عدن قالت لي م كلمتينا قولته ليها والله جات فجاءه اسيل قالت لي عارفين حكت لينا سميره قصدي م كلمتينا وغمزت لي عينه قولتا ليها ف شنو؟! قالت لي انك عدنك اخو مزز قولته ليها اخو؟؟! قالت لي اااي المزه الداساهو مننا قولته ليها ي بت هاا انا م عندي اخو وانتي عارفه بطلي طعمجتك دي اتلفته شايفه عصام واقف ف المطبخ نفض يدينو وجا طالع شافني واقفه سلم علي قال لي معليش ع الجيه لكن ابوك اداني حاجات قال لي وصله ليهم قولتا ليهو م بتحتاج تبرر قال لي بعاملك باسلوبك قولته ليهو كيف يعني؟! قال لي مش انتي اي حاجه عندك نهايته ي اسفه ي شكرا !!! قولته ليهو اهااا انت لهسي متحسس ابتسم بعوجه خشم خفيفه قال لي واتحسس ليه يلا سلام وطلع
قولتا لي سميره جيبي لينا عصير مشت خلتنا برانا عدن عاينت لي قولتا لي اسيل جايباها معاكي ليه قالت لي قالت الا تجي م جبتها انا وهي الجابتني اساسا عدن قالت لي انا جايه اصالحك قعدته اضحك قولته ليها تصالحيني ؟! ع شنو ع انك سلمتيني ليهم ب يدك؟! قالت لي شوفي ي نسيمه انا م ح ابرر ليك شي لكن شوفي انتي زعلتي كيف ع شرفك وزي م انتي بتخافي ع شرفك انا برضو خوفته عليهو وزي م انتي مسكوكي الاربعه وكنتي مستعده تعملي اي شي عشان تطلعي منهم وم يإذوك انا جوني ودا العملتو نحنا الاتنين اتخيتنا ف نفس الموقف باختلاف بشاعتو انا اعتذرته ليك اكتر من مره وهسي جاياك لغايه بيتكم وطالبه السماح ومستنيه منك تتفهمي موقفي الاتختيت فيهو ولو انتي م بتهميني وم بتفرقي معاي بجد ي نسيمه م كنتي لقيتني جايه لعندك ويشهد ربي انك دخلتي قلبي من اول م شوفتك ف الجامعه انتي واسيل ولقيتكم حنينات وفيكم ريحه الخوه انا الله م رزقني باخوات بنات وحتى صحباتي الفي جامعه ديل مصاحبتني مصالح ورغم انو انتي واسيل م لي شهر بعرفكم الا انو حسيتكم صادقات بجد وقامت ع حيله قالت لي نسيمه صدقيني انا لو م انتي بتهميني قسما بالله م كان قطعته المشوار ده كلو وجيت لعندك وانا رغم انو كان مغلوب ع امري الا اني حااسه بذنب شان كذبته عليك انا بجد اسفه ع العملتو معاك واسفه مره تانيه لاني اتخطيط حدودي وجيت لغايه بيتكم شالت شنطته مسكتها منها قولتا ليها عافيه ليك حصل خير قالت لي بجد ي نسيمه ؟ قولته ليها اي واعفي لي لو سمعته كلمه جاي ولا جاي قالت لي م لايماكي والله ولا شايله منك
جات خاشه علينا سميه بشنطته ولبس المدرسه
باستغراب قولتا ليها سميه ؟؟! انتي طلعتي تاني ولاشنو،! قالت لي كيف يعني طلعته تاني قولتا ليها انتي جيتي قبيل من المدرسه وخشيتي نومتي طوالي شالك حمار النوم ولاشنو مشيتي المدرسه تاني قالت لي دي جيتي من متين انا بجي من 1 ناسيه انو بفكونا 2 قولتا ليها والله قبييل جيتي وقعدته انادي فيك م اشتغلتي بي ومشيتي الاوضه طوووالي قالت لي هووي ي نسيمه انتي شكلو تعب امس لسه م راح منك قولتا ليها وووالله العظيم جيتي قبيل سميره قالت لي نسيمه سميه دي جيته انا من قبيل قاعده كان جات كان شوفتها قولتا ليها وانا بروح من اختي والله شفتها بعيني دي ولا بتخيل ولا بي تعب سميه عاينت لي قالت لي انا شايفه انك تمشي تنومي وترتاحي افضل ومشت بقيت شاكه ف روحي كيف يعني جات هسي والقبيل دي منو!!!!
يتبع....
