انتي كذبتي علي ف شي وانا كذبته عليك ف حاجه فهمتي ؟؟ بعدين م انا الشريف البغير ع مرتو ده لو معتبرك مرتي اصلا انا مقضيها نسوان ح اغير ع واحده قضيت معاها كم يوم؟؟ لو سمحتي اختفي من حياتي عشان عايز اشوفه ياااخ م معقوله انتي لصقه ، بقيت بعاين ليهو وانا م مصدقه البسمعو ولا قادره افهم كانو راسي شطب وقفل قولته ليهو انا ح اسيبك تهدا شكلك معصب شديد مسح وشو قال لي بنهره انتي مالك م عايزه تفهمي اني اكتفيت منك ؟؟! ليه م قادره تسوعبي انو فتره وانتهينا خلاااص زايد واحده زيك المفروض م تخت امال ف واحد انتي متعوده اصلا ع انك تقضي وقت مع زباينك ويمشو م بتتلصقي فيهم صاح؟! نفس الشي اعتبريني زبون اخد كفايتو منك وخلصنا اديك قروش مقابل الايام النومته معاك ؟؟! دقيقه اديك حقكك انا اسف نسيت اديك حقكك مشى فتح الدرج طلع قروش اداني ليها قال لي حبايب كده؟ يلا اتفكي مني لوووو سمحتي ومشى ؛ دموعي م وقفت وحسيت الارض لافه بي وشايفه طشاش طشاش حيلي ميت شديد يدي م قادره ارفعه ولا حاسه بيها اصلا م كنت مستوعبه شي ولا عايزه استوعب قعدته ف الارض م كنت قادره اقيف نفسي ضاق شديد سمعته الاذان بقول السحور وانا لسه ف محلي سعاد جات لقتني قاعده قولته ليها ارفعيني دخليني غرفتي من فضلك قالت لي انتي كويسه اجيب ليك دكتور؟،! قولته ليها م بحتاج بس دخليني غرفتي تكلتني دخلتني غرفتي م عارفه قعدته كم وانا ف المطبخ بس جسمي هلكان شديد بمجرد م ختيت راسي نومته وم حسيت بشي تاني ،، صحيت لقيت الواطه ضلام فتحته النور وضربته لسعاد جاتني قولته ليها جيبي لي مويه م قادره انزل مشت جابته لي عاينته ف التلفون الساعه كانت عامله 6 م انتبهته اذا 6 مسا ولا صباح قالت لي احضر ليك الاكل قولته ليها لالا قالت لي انتي طول اليوم م اكلتي وقضيتها نوم قولته ليها مستغربه طول اليوم؟ قالت لي ايوة انتي طول اليوم نايمه الناس هسي بتفطر بره سكته م رديت ليها مستغربه كيف نومته الوقت ده كلو من غير م اشعر؟؟ شدة م كنت مقهوره م كنت حابه اتذكر كلامو ولا كيف كان بتكلم معاي ولا حتى دمعتي دي نزلت 💔
طول الوقت كنت ساكته ؛ بليل سمعته صوت الباب بتفتح فكرتو وائل وجاي يعتذر مني ع الكلام القالو بس طلعت عدن 💔 ومعاها اسيل عدن قالت لي الزووله الح تبقى ام وتفرحناااا😍😍💕 م كنت قادره ارد عليها ولا حتى اقوم من سريري حرفياا م كان فيني حيلي وجسمي حاساهو تقيل
عدن قالت لي مالك ؟؟ م اتكلمته معاها وم رديت ليها خافو علي شديد قولته ليهم ممكن تمشو لو سمحتو م قادره اخد وادي مع زول حابه اقعد براي لو سمحتو اسيل قالت لي ليه يعني مالك؟؟ قولته ليها اسيل من فضلك سبوني عدن قالت لي كيف نسيبك وانتي كده ؟؟ نسيمه انتي واجعك شي؟! اسيل قالت لي البيبي م حصل ليهو شي صاح؟،! قولته ليهم انا كويسه والبيبي كويس بس حابه اقعد براي لوو سمحتو اسيل قالت لي ح نمشي بس طمنينا عنك اوكيه؟! هزيت ليها راسي وطلعو مشو ...
ضربته لسميره وانا ببكي قالت لي بخلعه نسيمه انتي كويسه ؟؟! مالك فيك شنو ردي علي سكته م رديت ليها فضلت ابكي بس فصلت مني بعد ربع ساعه لقيته ف وشي كنت قاعده ببكي قالت لي نسيمه مالك ؟! قولته ليها عايزه امي ي سميره عايزه امي انا حضنتي قالت لي بسم الله قولته ليها انا محتاجه امي ي سميره انا عايزه معاي عاليا قالت لي اهدي اهدي ي نسيمه احكي لي ف زول زعلك زول ضايقك ؟؟! قولته ليها انا بس عايزه امي انا محتاجاها جيبو لي امي ولا ابوي انا عايزاهم ي عاليا محتاجاهم عندي انا،، قعدته ابكي وهي حضناني باتوو معاي الاتنين طول اليل شلتو بكى خزلان وائل بنسبه لي كان القشه التي قسمت ظهر البعير ؛ حتى عزام انا م كنت متعشمه فيهو كتير لاني سلفا عارفه انو م حقي وقدرته اتخطى حبي ليهو بس وائل 💔
كان بنسبه لي الامان الفتشته ليهو عمري كلو ؛ البلسم البتخت ع الوجع ويطيب قدرته اتحمل كل شي مرق ف حياتي ظلم ؛ وجع ؛ قهر ؛ خزلان ؛ فقد كل شي الله اختبرني فيهو من وانا صغيره وقفته قدامو بجداره قدرته لو م انساهو اتناساهو بس احساس العششم وم اي عشم العشم البيقين وثقه حااار كسرت الخاطر من شخص انت متعشم فيهو مستحيل تتجاوزو او تتخطاهو او حتى تقدر تتناسهو ؛؛؛؛
