طلعنا بالسلك وديلك اشتبكو مع بعض بمجرد م ختينا رجلنا بره السلك سمعنا صوت رصاص حي و االبنمبان زاد شديد الاستاذه جو وقفو عرباتم ورفعو الغمرانين انا واسيل سوقنا عدن وودينااها المستشفى ركبنا مع دكتورنا والاسعاف جا رفع المصابين مشينا مستشفى عمومي ادوها اوكسجين ف بنات اتصابو ف يدينم من كتر المصابين بقيت بساعد ف الممرضات معاي كذه بت اتلفته شايفه دكتوره ايمان قدامي قولته ليها انتي هنا؟ قالت لي ح اكون وين وطلاب جامعه (...) هاردين فشفاشنا ساقتني من يدي قالت لي ف واحد اصابتو خطيره انا داخله عمليه امسكي ده واشرت لي ع واحد مصاب ف كتفو قالت لي عليك بيهو اصابتو م خطيره ف الكتف بس طلعي الرصاص وعقيمها ليهو عاينته ليهو لقيتو الشبح قولته ليها لا دكتوره ايمان شنو اللا قولته ليها م بعرف انا تعالي انتي قالت لي نسيمه انتي م خشيتي معاي عمليه ولا اتنين انتي اتمرستي ودي حاجه بسيطه ولا م عايزه تبقى جراحه ؟؟ الشبح ماسك يدو قال ليها انتي جاده ح تخليني مع دي ؟! قالت ليهو م تخاف دي خبره ويدها خفيفه م ح تحس بالالم قال ليها شوفي لو مع دي انا ح اموت احسن قالت ليهو بنهره اسمع هنا ي ولد م تدلع فينا انت هنا مصاب انتي واشرت لي ابدي يلا م تشتغلي بيهو عجبتني هرشته ليهو وكيفتني جبته الادوات مسكته الملقط قال لي ح تعملي شنو انتي قولته ليهو ح انحرك قال لي شوفي ابعدي عني قولته ليهو الشبح بحالو بخاف قال لي م بخاف لكن م ح اموت ع يدك قولته ليهو اريته لو جات ف قلبك قال لي بتكبر ف احلامك بطلع ف الطلق قال لي براحه يخخ الحاله يدك خفيفه قولته ليهو هو انا م وريتك اني تقتلها عشانك حمر لي قال لي انجزي قولته ليهو اتكلم بادب م تنسى انك بين يدي قال لي فرصتك وم ح تضيعها قولته ليهو طلعت بتفهم طلعته الطلقه ختيته جبته المطهر قال لي الشي ده حار م تختي لي قولته ليهو م ع كيفك ختيتو عض اسنانو وانا مستمتعه لفيت ليهو الشاش قولته ليهو بالموت والوجع مسكني من يدي قال لي اصبر لي انصح بس زحيت منو يدي قولته ليهو م وراي حاجه غيرك لمحته عدن صحصحت اسيل قالت لي ابوك ضرب ليك ردت ليهو م صدقني قال الا يتكلم معاك ارجعي ليهو شلته التلفون منها وضربت ليهو طمنتو علي قال لي ح تجي متين قولته ليهو هنا الوضع ف المستشفى كارثي ح اساعدم وبجي قال لي م تتااخري عليك الله قولته ليهو حاضر اسيل كانت بتتكلم مع امها بعديها اتصل ابوها وعمار عدن بتتكلم مع امها واهله كل السمتشفى كل الطلاب بتكلمم مع اهلهم وبطمنوا فيهم عزام ضرب لي قال لي بضرب ليك ولاسيل واحده بترد مافي صح كان ف اشتباك ف جامعتكم انتوا كويسين ؟! قولته ليهو الحمدلله قال ي وين انتوا قولته ليهو ف الحوادث قال لي ف واحده اتصابت ولا حاجه قولته ليهو لا اسيل قالت لي نسيمه ده شنو الدم الفي ضهرك ؟! عزام قال لي دم شنو؟! قولته ليهو مافي حاجه كنت بطلع لواحد طلقه وسكته قولته ليهو عزام ود خالتك مصاب ف كتفو قال لي حسام ؟! وضعو خطير؟! قولته ليهو م خطير قال لي انا جاي عليكم ح اشوفو بعيني الولد ده م بتوب اسيل قالت لي تعال لي كده مشينا غرفه ورفعا لي القميص جابت المعقم عقمته لي قالت لي دي المحطه القبيل جابت دم ف نهايه ضهرك لزقته لي ورجعنا لقينا عزام واقف مع الشبح قال ليهو الحصل شنو احكي لي الشبح قال ليهو نحنا اصلا كنا داخلين انتومي قولته ليهو م تكضب انت م كنت معانا حمر لي قال لي بتقدري تسكتي؟! قولته ليهو م في الكضب عزام قال ليهو عارف ابوك لوجاهو خبر انك كنت معاهم ح يعمل فيك شنو؟! ضحك قال ليهو ح يعمل شنو يضربني؟! ولا يتقلني يمكن يضبحني المره دي وفعلا ف كلامنا ابوهو جا شبح قال ليهو واااو ابشنب ف مستشفى عمومي ابوهو جاي عليهو عزام مسكو قال ليهو اهدا نحنا ف مكان عام ابو الشبح قال ليهو انا ح اربيك ي كلب قال ليهو زعلان عشان م خليت ناسك يعمل العايزنو؟! توتوتو ساااد فوريو انا بقينا مستغربين كيف الشبح بتكلم مع ابوهو بالطريقه دي قال ليهو بربيك ي ود الكب قال ليهو بسخريه الشتيمه بتلف وبدور وبترجع ليك ابوهو مسكو من خشمو عزام جا مسك ابوهو قال ليهو اهدا م كده قال ليهو م شايف بتصرف كيف الشبح بكل صوتو قال ليهو بتصرف بالطريقه البتعجبني فاهم ولو فاكر انك بجيتك دي ح تترفع بنظري ولو سنتي بتبقى غلطان عزام قال ليهو حسام م كده ؛ حسام م اشتغل بيهو جات امو جاريه ابشنب قال ليها انتي الجابك شنو؟ قالت ليهو جايه لولدي حسام قال ليها امي وجايه انت الجابك شنو وساق امو وطلع عزام مسح وشو بيدينو قال لينا ارح ي جماعه طلعنا بره عدن قالت ليهو انا ح ارجع الداخليه حسام جا قال ليها م تمشي الداخليه بيتي عند واحده من صحباتك الداخليه خطر عليكم عزام قال ليهو ف شي؟! حسام قال ليهو الكيزان ف واحد انشق منهم قال ليهو ده منو ده ؟! قال لي ايمن عماد قال ليهو دونقاااا؟؟! قال ليهو اي انشق بسبب العملوهو هو م كان عارف انوهم وسخين كده قال ليهو هسي وين قال ليهو م عارف نحنا م لقيناهوومن امس لكن اقسم بالله لو حصل لي دونقا حاجه احرقه عليهم بالفيها عزام قال ليهو حسام اهدا الموضوع م بتحلا كده جا واحد من الاولاد وقف مع الشبح نحن كنا بعاد منهم شايفه الشبح مسكو من قميصو وعزام بحاول يحجز بيناتم اسيل قالت لي فهمتي حاجه من القالو؟! عدن قالت ليها دونقا وابراهيم حنى فتنوا بعض ودونقا مختفى لهسي م معروف مكانوا البنسلخ من الكيزان بموت ي اسيل قولته ليها ليه ؟ قالت لي عشان بكون عرف وساختم كلها الاسرار وكل حاجه انتي فاكره الاحزاب واركان النقاش دي ساي لا ي ماما ديل بخططوا لكل شي وتشوفي الجامعه دي بكره ح تقفل سكتنا ومافي واحده فينا اتكلمت اسيل قالت لعدن اهلي مسافرين ح ابيت عند ناس عمتي ارح معاي قولته ليها اسيل انتي ماشه لناس عمتك م ظريفه تسوقيها معاك اذا حابه تجي معاي ف... واتذكرته كلامه لي انها م بتحب الغرابه قولته ليها اسفه نسيت عن اذنكم اسيل قالت لي ف شنو قولته ليها ولا شي ح امشى انا طلعته برا شايفه حسام بتكلم بتلفون وبهز ف رجلو يعني م لقيتو فتشوا ف كل مكان ابحتو الارض بحت فصل واتلفت شافني عملته رايحه رجعته البيت ابوي قعد يحقق معاي بعد حكيت ليهو كل حاجه حتان ارتاح قولته ليهو ح امشي ارتاح شويه قال لي اخدي راحتك خشيت فتحته قروب الدفعه اذا ف خبر عن تاجيل ولا حاجه لقيت اشعار من واحد من الدكاتره كاتب " بكره يوم عادي الناس تنزل تباشر دراستها عادي وتنسى الحصل
*تنويه
جميع المحاضرات والابات ف وقتها "
بعد صلاه العشى الباب دقه قولته تكون دي منى سمعت بالحصل و جايه تتطمن فتحته لقيته عدن وعزام سلمت علي قولته ليها خير؟! قالت لي عزام شكرا ليك انا وصلته جبته ليها عصير وقعدته قالت لي م عارفه انتي ح تفكري عني شنو بس مرت عمي طردتني وانا م عندي مكان ابيت فيهو لو ممكن قاطعتها قولته ليها اكيد من غير م تقول البيت بيتك قالت لي اسفه ع كلامي قولته ليهو دي جاجه قديمه مرت عليها سنين والبينا عامره قالت لي شكرا
صحينا الصباح سوا لبسنا وطلعنا انا وعدن ابوي قال لي ح تنزلوا عادي قولته ليهو اي مافي خطر علينا قال لي ابقى بعيده عن المشاكل وانتبهي قولته ليهو تمام وطلعنا وصلنا لقيت اسيل حاجزه لي المحاضره كانت عاديه الدكتور م جاب سيرت الحصل شبح جا قعد جنبي قال لي نسيمه عايزه ثواني تعالي معاي بره قولته ليهو م جايه قال لي عليك دييينك بس ثواني م ح اكلك قولته ليهو قولتا ليك م جايه معاك قال لي بترجاك ابوس يدك بس دقيقه ابيت اطلع معاهو قام شال السماعه ركبه ف اضاني وختى يدو بيقادي لي ولبس الفرده التانيه وبطقطق ف اللبان كل م ازح منو بقرب لغايه لصق فيني وكان معصب يدو بطريقه ابت تتفكا وبضحك الدكتور قال لينا انت وهي قاعدين ف كافي بره يلا قولته ليهو دكتور والله ...قال لي بره يلا طلعنا الاتنين قولته ليهو انت واحد قليل الادب ومامربى قال لي وندل وواطي بس اسمعيني قولته ليهو م عايزاك كلام قال لي لو انتي خسرانه شنو بس دقيقه حمرته ليهو ومشيت مسكني من يدي قال لي انتي ليه م بتفهمي دونقا مضروب وحالتو مستعصيه م بقدر اجيب ليهو دكتور او اوديهو مستشفى وم بعرف غيرك ساعدني هو بين الحياه والموت قولته ليهو والله ؟! وعايز تعمل فيني شنو المره دي ياما رسلته جبتني بالطريقه دي قال لي انا اسفه اقسم بالله توبه بس ساعديني ح يموت قولته ليهو ابعد عني فضل يتوسل لي اول مره اشوفو ضعيف كده قولته ليهو وين قال لي ف شقتي قولته ليها وووووالله كمان ف شقتك انت فاكر اني ح امشي معاك ؟! قال لي اقسم بالله م بكذب لو م لقيتهو ارجعي قولته ليهو وشن ضمني اني اطلع من هناك سليمه ؟!
