بقت تحصل حاجات غريبه ف الجامعه حتى شبح وجماعتو ليهم اسبوع م ظاهرين وعزام كمان اخبارو اتقطعت عني ؛؛
خاته يدي ف خدي متمحنه اضرب ليهو ولااا؟؟! يمكن هو اداني فرصه اقعد مع نفسي ويبعد عشان يعرف حقيقه مشاعري اتجاهو ، ويمكن حاصله عليهو حاجه جدعته التلفون ونفخته خدودي رجعته مسكتو تاني تكلته راسي ورا السرير وفكره توديتني وفكره تجيبني فتحته الخط قولته البحصل ضربته ليهو والجرس قرب يكمل الخط فتح جاني صوتو مبحوح قال لي الو قولته ليهو عزام كيفك قال لي تمام الحمدلله كيف انت ؟! قال لي الحمدلله وسكت وانا سكته قال لي جابك الشوق ؟! قولته ليهو شوق شنو شايفاك مختفي قولته يمكن موته ولا حاجه ضحكك قال لي م ياهو الشوق سكته م رديت ليهو قال لي انا عايش لومتصله عشان تعرفي اني عايش ولا ميت ف شي تاني؟؟! زعلته زعل كيف يقول لي كده يعني افصلي خلاص قولته ليهو تمام دامك عايش وفصلته كيف يتكلم معاي كده اصلا هو عندو شيزوفرينيا ساعه كويس وساعه كعب ساعه عاينته لقيت روحي اكلته اضفري البربي فيهو شهر جبته الضفاره وكملته باقيهو سمعته الباب بدق لقيتم عدن واسيل قالوا لي ساعه تفتحي ووين اخواتك قولته ليهم كنت جوه وديل طلعو كانو شايلين اكياس ف يدينم مشوا ع المطبخ عدن قالت لي جاين نظبط عندك قعدت قهوه اسيل مشت ع البلكونه طلعت فيها كراسي وتربيزه كبيره قالت لي الجو ده م بنقعد جوه جبنا القهوه عدن واسيل بتونسوا وانا كنت مره اتونس معاهم ومره اسرح اسيل قالت لي لسه م ضرب قولته ليها منو؟! قالت لي وهي بترفع ف حواجبه الشاغل البال قولته ليها ضربته ليهو واتخيلي قال لي انا عايش بتقدري تفصلي تاني عدن قالت لي حقو انتي قولته ليهو متصله ليك اشوفك عايش ولا ميت عايزه يقول ليك شنو؟؟! قولته ليهو والله؟؟!!!هسي الحق بقى علي خلاص؟؟! اسيل قالت لي نسيمه م تكبري المواضيع انتي مشتاقه ليهو كان تقولي مشتاقه بس م ح يفهمه بحبك قولته ليهم خلاص فضونا من السيره دي هسي غيرنا الموضوع وف نص كلامنا عدن كان فاتحه الفيس قالت لي شوفو واحد عامل لايف وبحكي عن قضيه دارفور بقينا نسمع ف كلامو من نصو قفلتو قولته ليها ده تزييف للحقايق ليس الا الكلام ده م صاح اسيل قالت لي احكينا حصل شنو بالضبط وقته قولته ليها القصه طويله ح اختصره ليكم عدن قالت لي ونحنا ورانا شنو ؟! قولته ليها طيب اسمعو
#فلاش باك
واحد جاي راكب ناقه من بعيييد وبفحط بكل سرعتو :-
ي نااااااااس ي جماااااعه ي اهل الله ي هوووووي الحقو الحقو الجنجويد جو كتلو قريه القدامكم الحقو نفسكم ي عااالم
خمسه دقايق الناس كلها اتلمت الراجل بتكلم وبرجف من فوق ل تحت بعد سنونو ديل بضاربو قال لينا وهو بتنهد ونفسو قايم الجنجويد قتلو القرى القدامكم م خلو زول عايش حرقو وقتلوو قطعوا الحقو فزو وانجو بنفسكم
؛ ناس الحله كلهم طلعو قالو للمك شوف لينا حل لازم الناس دي تفضي القريه قبل يصلو وهم خلاص م فضل ليهم شي
الملك قال ليهم ي جماعه استهدو بالله ؛ اجمعوا الشفع وكبار السن ف الكوارو ( م عندنا عربات نحنا ف القرى فلاحين ) وقال للحراس المعاهو اجمعوا اكبر كميه كوارو وركبو فيها الناس ؛اي واحد عندو كارو يركب معاهو كم عيله
نحنا كنا ف بيتنا م جايبن خبر للحاصل فجاه سمعنا صوت دوي وسرعان م الدوي ده بقا ف بيتنا
امي وخالتي كانت محبوسه عندنا عرسه المفروض الجمعه كانوا داخلين جوه اول م جو ضربو ف جدي قتلوهو ابوي كان ماشي يجيب الكوارو وقته شاف الجنجا بعتدو علي امي وخالتي ركعوهو ع رجلو غصب وضربوهو ف رجلو بعده طلعو وكبو بزين امي وخالتي دخلو جوه البراميل كانو فاكرنهم ح يرجعو تاني وبدا الحريق ولع سجاره وطفاها ف البنزين .....
(تسريع الاحداقطث)
طلعا قب العشا ابوي كان مصاب ركبنا الكارو كان العدد القدر ينجي بسيط شديد
وقت طلعنا قريتنا كانت نهايه القرى بعديه ف جبال وصحرا العشى دخل وفاات ومن الضلام م شايفين كميه الكوارو الكانو ورانا وانا بعاين لامي وابوي ب ورا وف نفس الوقت لامه اخواتي علي الجو كان بارد شديييد وسنونا دي تسمع صوته من بعيد م كان ف شي يتغطو بيهو ضميت اخواتي علي علشان ندفا ؛ مرت الساعه ونحنا ماشيين وماشين م عارفين زاتو نحنا ماشين وين بس المهم نطلع ونبعد من بعيييد شايفين النار القايمه ف القريه حقتنا ع حسب الواطه صحرا بتشوف لو ف نار انا هنا خوفته بس استقويت لو بكيت اخواتي ح يبكن
لغايه دخل الفجر كنا خلاص بعدنا من القريه شديييد دخلنا ف منطقه جبال كلها قالو ينزلو يرتاحو بعد داك نكمل المسيره قاعدين ف الارض واي واحده لامه ولده عليها ف واحدين ورانا كانو جاين بالحصين قالو لينا انو القريه اتحرقت المات مات والنجا نجا اي زول بقا بسال من ناسوا واي واحده كانت بتبكي بصوت منخفض علشان خايفين نعمل ضجه يعرفو مكانا حتى البكا ع الميت صعب💔
المات ابوها والمات اخوها والمات ولدها ....💔 اي
واحد تعاين ليهو تشوف الخوف ف عيونو
ع غفله لقينا 7 رباطه بكلاشاتم وتاتشرين جاين علينا من وين م عارفين وبفكو ف الرصاص من بعيد كانهم ف حرب م جاين ورا مواطنين عزل اي واحد بقى يفتش ف مكان
وتتخابا ف الكهوف وف ناس استسلمت وم قدرت تعمل شي بقو يمسكو النسوان من طرف ويرفعوهم ف واحده حامل ضربوها ف بطنه وضربوها ف راسه ابوي دخلنا جوه صخره كده وقال لينا م تطلعو الصخره كانت ع شويه كده ح تقع ف راسنا واحد من الجنجويد شاف طرف توب واحده متخبيه جا كراها من يدها وبقا يهبش فيها ابوي قال لي م تطلعي مهمها حصل فاهمه وامسكي اخوانك ديل ؛ مشى راجل المره وبقا يتنازع معاهو قام شرط ليها توبه الراجل قال ليهو هي حامل خليها اخدني انا بدله قال ليهو حامل ؟! قال ااااي وطوالي شال كلاشو ضربه ف بطنه وف راسه زي م عمل مع المره ديك انا هنا عايزه اصرخ لكن م قدرته لو صرخته ح يلقونا بقيت ابكي ف محلي ومغطيه لاخواني عيونم شال السلاح تاني واتوجه ع ابوي ضربو من ورا ف ضهرو وبقا يقول " اي اسود اقتلو ؛ اي عب اقتلو نضفو نضفو "
خشيت ف حاله صدمه بعد اتاكدو انو كل القدامم ميتين دور تاتشراتم ومشو فوق الجثث ال ف الارض عااادي 💔💔
خليلتم بعد مشو وبعدو وطلعته الارض كانت خرقانه بالدم وخلاص فوضت روحها منظره وهي ف الارض وتموت بالطريقه البشعه دي كان ابعد من الخيال والمنطق قعدته اكووورك واكورك واحد من الكانو متخبين ورا الجبل جات تهدي فيني ابوي كان عايش م مات لكن الجرح لسه بنزف
جا راجل شايل سكين سخنه ف نار ولعه وطلع بيها الطلقه شال طرحتي لفاها بيهو 💔
بقو ينقزو ف الجرحى والمضروبين خفيف ناس كتيره شالو شفعم منهم ولو م نحنا اتخبينا جوه الصخره كان شالونا معاهم
الوضع كان اشبه بمجزره كانو بقتلونا كانو القدامم حشره م بشر فيهو روح وبتنفس الناس الفضلت عايشه كان بعدد الاصابع نحنا طلعنا اكتر من 700 شخص الفضلو عايشين 100 او اقل 💔
كل العاشوا ديل كانوا فاقدين الامل جزو يبكي وجزو يقول ح يجو تاني اي واحد بقا خايف ع نفسو قام واحد اترحم ع الشهداء وقال ليهم نتوكل ع الله معانا شفع النجو ديل لازم نطلعم الناس دي ح تجي تاني ح نحاوا نطلع م ح نموت هنا ف المكان ده الخايف يقعد ويستنى الموت والم عايز يموت يقوم يركب
بعد الصبح بشويه الناس دي طوووالي قامت وركبت واحد سال ابوي قال ليها اها هسي نمشي وين؟!
ابوي سكت مسافه و قال ليها اقطع الحدود
لمن قال الكلمه دي الناس كلها رجت لكن سكتو لانو ماف حل تاني واحد قال ليهم يخوانا ماف مكان نمشي عليهو ح يعملو اباده شامله يعني حلنا الوحيد نطلع من دارفور مره واحده نمشي اي مكان تاني نتأوي فيهو لغايه الوضع يستقر شيلو الصبر واتوكل ع الله
واحد تاني قال : الناس دي م بتخاف الله خشت جوه الجامع وقتلت الشيخ بطلقه ف خشمو اذا الشيخ جوه بيت الله م سلم نحنا ح نسلم؟!
عم صمت لساااعات زول بتكلم مافي والشمس حارررة تسقع ف الراس بليل هجير البرد بنهار حر الشمس اكل مافي واي زول شايل مويه لغايه م وصلنا نص المسافه الفاصله بين دارفور و كردفان ده كان اقرب مكان قدرنا نصلو
كان فضل حكايه كيلو كده ونصل جوه كردفان بس الحصل كان شي تاني
#تخريمه
#ابقوا_عافيه 😊❤❤
