قولته ليها طيب انا ح امشي عشان عندي سوق وكده قالت لي م عايزاني معاك قولته ليها الافضل م تظهري عدن واسيل فاهمين اني بكرهك قالت لي صاح كلامك باي بيستي وباستني يمين وشمال وطلعته.....
ضربته لعدن قولته ليها وين انتو جاياكم قالت لي ماشين ع السوق معاي اسيل قولته ليها ظبوطي نتلاقى هناك 💕💕 وقفته لي ركشه ومشيت لقيتم ف بوتيك واقفات وزهجنات قولته ليهم مالكن بائساات كده؟؟! عدن قالت لي م عارفه راسي من رجلي قولته ليها امك وين م جات معاك م ع اساس جايه معانا؟،! قالت لي امي مشت تشاري حاجات الحريم دي انا م بعرفه وجيت هنا اشتري لي لبيات م لاقيه شي يعجبني كلو قديم هند اختها قالت ليها قولته ليك نمشي المول او بازار بوليفارد احسن فيهو حاجات حلوة واستليش قولته ليها صاح كلام هند هنا م ح تلقى شي جديد قالت لي تاني نخسر مشوار،؟؟! 😢 قولته ليها احساس انك ماشه كداري؟! هند دورت العربيه قالت لينا ارح اركبو خلينا نمشي ، ركبنا مشينا بازار بوليفارد الفي الرياض حوالي ساااعه نحنا بنتفرج بس لسسسه م اشترينا عدن سلت روحنا مافي شي بعجبه 😷💔 طبعا هي زوق شديد ف الملابس وم بتختار اي شي والسلام ف بتقعد سنه تشوف الخامه والماركه والخخخ ..
اسيل قالت لي نشوف لينا فساتين قولته ليها نحنا مش قصينا؟؟ قالت لي ي بتي داك للحفله الكبيره ويدوب يخلصو لينا يوم الاربع عشان وديناهو متاخر ح نشتري جاهو للحنه هند قالت لينا نشوف م خسرانين حاجه بي انا سلفا شلته مقاستكم من عدن وجبته ليكم من الامارات 🙊 عاينا لعدن عاينت لينا بتساااامه قالت لينا م قدرته م اقول ليها جيبي لينا نحنا التلاته سوا💕💕 اسيل قالت ليها اهو الواحد طلع منك بشي شحطتوت معاك م طلعت ع الفاضي 😹😹😹💔 قولته ليها صاااح ي سوله😂😂 عدن ختت يدها ف نصها قالت لينا كلباااات لي الا لو عارفه م كان جبتهم ليكم😈 هند قالت ليها ع اساس دافعه حقهم انتي صاااح 🐸🔥 عدن قالت ليها خلاص سكته م تفضحيني🙊🙊 جاني اتصال من عمار رديت ليهو قولته ليهو ف السوق بعدين برجع ليك اسيل قالت لي شوفي الفستان ده كده قولته ليها م عجبني عاادي عدن قالت لي نسيمه انتي ح ترسمي معاي صح؟! قولته ليها طبعا لا انتي ح ترسمي يوم العرس انا ح ارسم ابدر قالت لي لا ح ارسم من الحنه قولته ليها بغبش لكن هند قالت لي اااي ترسم من الحنه بس اصلا اتفقنا مع الحنانه ع كده رسمه مره واحده وخلاص قولته ليهم طيب جات هبه من حيث لا ادري سلمت علي بعد اتخلعته قالت لي كيفك ي سلفتي😌💅 قولته ليها تمام انتي كيف قالت لي الحمدلله عدووون مبروك ليك شويه وبحصلك ههههه عدن م ردت ليها قالت لينا يلا بإذن شكلي م مرغوبه اسيل قالت ليها كويس انك حسيتي هبه عاينت ليها من فوق لتحت ومشت اسيل قللت لي مالا ده؟ قولته ليها م تشتغلي بيها خلينا نكمل ،، استغربته شديييد انا سايباها من سااعه ليه جات تاني كانت ماشه وراي يعني؟ ولا تكووون ...شاكه فيني وحبت تتاكد؟؟ قاطعت تفكيري اسيل قالت لي هيي وين انتي ؟ قولته ليها داخيه شويه م قادره اقيف عدن قالت لي انتي كويسه؟؟ هزيت ليها راسي بطني قلبت شديد قولته ليها بطني قااالبه عايزه استفرغ لو سمحتي ي بت وين الحمام؟؟ قالت لي نهايه الكولديور ده اسيل قالت لي نسيمه مالك ؟ مشيت سرررعه وصلته الحمام بالعافيه استفرغته غسلته وشي وجيت طالعه ريحتي كانت استفراغ بس شلته عطر من هند اتريحته بيهو عدن قالت لي لو تعبانه نرجع قولته ليها برتاح شويه بس شكله ملاريا انا لي فتره جسمي مكسر وبستفرغ وبدوخ قالت لي لالا نرجع ي نسيمه م ح تقعدي كده قولته ليها عدن ماف داعي قالت لي اصلا نحنا شطبنا خلاص تاني م عندنا شي واشرت للبت قالت ليها لو ممكن بس نتحاسب تاني ومدت ليها بطاقه الصراف عايزه اقيف كده وقعته ...
فتحته عيوني لقيت روحي ف المستشفى وحواليني هند واسيل وعدن ختيت يدي راسي قولته ليهم الجابني هنا شنو اسيل قالت لي وقعتي وجبناك🙊 جا الدكتور قال لي لمن انتي حامل بتلفي كتير ليه اعملي حساب للفبطنك ده لمن حسيت روحي سامعه وم سامعه قولته ليهو معليش عيد القولتو تاني اسيل قالت لي يعيد شنو انتي حاااااامل 😍😍 وقعدت تضحك قولته ليهو حامل حامل يعني ؟! ضحكك قال لي ليك شهر😹😹🙊 م كنتي عارفه ؟!هزيت ليهو راسي لالا كتبت لي ادويه قال لي الحديد ناقص عندك ح اكتب ليك فايتمينات تستعمليها طوول فترت حملك وعايزين راحه م نتعب روحنا شديد وابقى تابعي مع دكتور مختص عشان صحتك والجنين ، نكتر مم البروتينات والخضروات هااك جيبي الادويه دي واستعمليها ع وقته انتي بكريه ولا والده قبل كده؟! قولته ليهو لا ده اول طفل لي ضحك قال لي الف مبروك وربنا يحلك بالسلامه 💕 قولته ليهو امين 😍😍💕
حاسه الدنيا م سيعاني تخيلو انا حااامل وف بطني ف واحد/ه بشبه وائل م قادره اصدق نهاااائي انا 😭😭💙 اسيل قالت لي هييي بطلي بكاء قولته ليها م مصدقه ي اسيل وختيت يدي ف بطني هند قالت لي ح نبقى خالات وي وي وي😍😍💙💙
طلعته من المستشفى وع البيت ع طوووول وانا فرحانه طبعا م عارفه اكلم وائل كيف ؟؟! ومستنياهو يجي بفارق الصبرررررر ده ح يفرح فرح 😍😍😍😍💙💙💙
المسا وائل جا كنت مبسووووطه شديد💕 حاولته اوريهو لكن م قدرته عاين لي قال لي خير مبسوووطه شديد اليله وشداني عليهو قولته ليهو فوق م تتصور قال لي وسبب الفرحه دي شنو ي ترا اكيد انا صاح🙈 شبكته يدي ف رقبتو قولته ليهو ومنو غيرك اسمو سعادتي 💕 ضحكك قال لي ولا زول💙 هاا احكي لي مبسوطه كده ليه؟! قولته ليهو ح اوريك بس م هسي قال لي ليه سر يعني ولا شنو قولته ليهو سر بس حلو💕💕
ضحكك قال لي كده ح اتشوق وم ح اقدر استنى كتير قولته ليهو م بكفيك لكن قال لي ارح احكي فرحني معاك قولته ليهو نفسك ف ولد ولا بت قال لي حاليا ؟؟ قولته ليهو بفرح اااي قال لي ولا واحد ؛ صدمني ردو شديد قولته ليهو ليه ؟؟ قال لي نسيمه انا عارف انو نفسك تخلفي مني بس لسه بدري قولته ليهو كيف يعني بدري ؟؟ نحنا متزوجين يعني قاطعني قال لي نسيمه ف شي انا لازم اصاحك بيهو لازم تعرفيهو عشان نخت حد لحماسك بالحمل ده وبتمنى م تزعلي وتتفهميني قولته ليها شنو قال لي شوفي حبيبي ف البدايه لمن ابوي اقترح علي حكايه العرس دي انا كان شرطي انو اعرسه بس يكون ورق وبس قولته ليهو طيب؟؟ قال لي ابوي كان شرطو اني م المسك واذا لمستك تبلعي حبوب عشان انتي عارفه العقد مدتو سنه وده السبب الاساسي الانا وانتي اتزوجنا عشانو معاي؟، قولته ليهو م فاهمه انا قال لي انتي بتعرفي انو بمجرد م الاوضاع تتحسن ومده العقد تخلص ح نطلق قولته ليهو انا متزوجاك عشان وصولات امانه الماسكم ابوك ع خالي عقد شنو؟؟ قال لي وصولات الامانه بمجرد م وقعو العقد ابوي سلمم لخالك وعشان ماف واحد يغدر بالتاني اتزوجنا عشان العقد انتي م كنتي عارفه ؟؟ قولته ليهو قالو زواج عديل م قالو لفتره معينه قال لي لا لفتره المفروض سنه ونص واي واحد يمشي ف طريق قولته ليهو يعني ح نطلق؟؟ قال لي انتي هبله؟؟ مستحيل طبعا نحنا الاتنين لمن وافقنا بالكلام ده م كنا بنعرف انو نحنا الح نعرس كل القصه انو لو حملتي واهلي اكتشفو حملك الدنيا ح تجوط عشان كده م نستعجل ف موضوع الحمل ده قولته ليهو وائل دي شنو الخزعبلات البتقول فيها دي صاح نحنا من الاساس متفقين ع حتت انو زواجنا يكون ع ورق بس نحنا بنحب بعض صاح؟؟ انت ناوي تتخلى عني ؟؟ مسكني من خدودي قال لي نسيمه ركزي معاي انا م قولته م تحملي مره واحده انا كمان نفسي اخلف منك ونبقى تلاته لكن م تزعلي مني بس اذا حملتي حياة الطفل ح تكون ف خطر قولته ليهو وليه الكلام ده من زمان م قولتو لي ؟؟ قال لي عشان فكره الحمل دي م كانت ف راسك قوله ليهو وم كنت بتعمل احتياط ليه؟؟ قال لي عشان م عايز احسسك انك مجرد متعه بالنسبه لي م قادر اعاملك زي الكاني بقضي معاك ليله واي واحد يمشي ف طريق اشتريت حبوب عشان اديك تبلعيها م كنت بقدر كنت حابي اني اخلف منك واكسر كل القواعد الخاتيها لي ابوي بس بعد الحصل لابوي رجع معاي طبيعي وبقى بحبني وانا م عايز اخسرو انا اول مره ف حياتي احس انو ده ابوي وانو بحبني قولته ليهو وح تستمر معاي كده لمتين ؟ قال لي لغايه القى حل وسط الا م القى طريقه اخليهم يفهمو انو زواجنا حقيقي بس حاليا نحنا ف البر لو سمحتي نسيمه عايز احس بحب ابوي ده ولو لايام معدوده😢💔 قولته ليهو عارف وائل انت اناني ؛ اناني شديد ومستفز 💔 قومته منو خشيت غرفه وبقيت ابكي جا ده دقه لي الباب م فتحته ولا اشتغلت بيهو لو بجبني بجد كان فرح بحملي مش يخت لي حجج سخيفه عشان م احمل منو وائل مواقفو محايده م قادره احدد اذا بحبني او لا ومرات بحس انو م عندو شخصيه قدام اهلو صاااح نحنا الاتنين اتزوجنا عشان اهلينا ومتفقين من البدايه وخاتين شروط بس نحنا حبينا بعض وكسرنا الشروط دي وجدعناها يبقى ليه م قادر يقيف قدام اهلو ويعترف بي كزوجه عديل م عقد مقرون بمده معينه انا مستحيل اكلمو اني حامل منو وحتى ل قدام لو ولدته ح احرمو منو وم ح اخليهو يقرب ليه احرم ؟؟ اصلا ح يطلقني لو عرف اني حامل وم اظن بعد الكلام القالو ده ح يفرق معاهو اني بجد حامل م مصدقه الكلام القالو نهااائي م مصدقه فعلا ي وائل انا طلعته بنسه ليك متعه بس م اكتر و الدليل كلامك ده
جاني اتصال من عمار قشيت دموعي ورديت قال لي ها كلو ف السليم ؟؟ قولته ليهو اي قال لي طبعا عارفه انك ح تحسمي الفوضى دي اليله مع وائل صاح؟! قولته ليهو عمار انا عايزه وقت قال لي نسيمه العمليه ح تم اليوم الساعه 12 قبل 12 المفروض تخلصي الاتفقنا عليهو قولته ليهو عمار جد اليله م ح اقدر خليهم ياخروها لبكره بس قال لي نسيمه نحنا بلنعب؟؟؟ انتي عارفه انو الناس دي كلمته واحده وبكره او اليله كلو واحد احسمي الموضوع ي نسيمه وختي النقاط ع الحروف .....
#استكانهه
