قالت لي ح نمر بيك ع 8 تمام؟؟ قولته ليها ظااابط ؛ مشيت اجهز عدن واسيل وصلو شسعاد فتحت ليهم الباب وانا كنت جوه بجهز جيت طالعه عليهم قالو لي عشان حامل يعني تتاخر علينا كده؟؟! ضحكته قولته ليهم من حقنا ندلع وختيت يدي ف بطني عدن جات ختت يدها ف بطني قالت لي احساسك كيف عليك الله وجواك حاجه صغنونه قولته ليها م بتتخلي مبسوطه قدر شنو قالت لي عقبالي ي رب 💙 اسيل قالت لينا عقبال م القى ابوهو 🐸🚶 ضحكنا عليها قولته ليهم يلا بلا فارغه معاكم 😹😹💔 مشينا القياده ك العاده دخلنا الاكل ف الخيمه وجينا نهتف مع الثوار ونشتغل معاهم وحمنننا لمن رجليلنا قالت كفى جا عمار لقاني قاعده ف كرسي براي اسيل وعدن مشو يجيبو مويه ، رفعته ليهو يدي سلم علي وجرا الكرسي وقعد عاين لي مسافه قال لي م حابه تحكي لي؟؟! عاينته ليه وسكته قال لي للدرجه دي الموضوع كبير؟! قولته ليهو م حابه احكي عايزه انسى وبس قال لي راحتك عاين لي مسااافه قال لي انا مسافر وختى يدو راسو قولته ليهو مسافر وين؟! قال لي بره مسافر بره قولته ليهو ليه يعني؟؟! قال لي جاتني فرصه شغل كويسه ف واحده من اكبر المستشفيات ف اميركا فرصه م بتتعوض قولته ليهو بختك الف مبروك ابتسم قال لي الله يبارك فيك قولته ليهو والسفر متين ؟! قال لي الاحد الجاي لمن قال لي كده اصدمته قولته ليهو كيف يعني الاحد الجاي؟! قال لي يعني الاحد الجاي قولته ليهو بس ده قريب شديد قال لي صاح بس خلصته كل اجرائتي م فضل شي تاني قولته ليهو يعني تاني خلاص مافي عمار؟ قال لي ارتاحي يلا قولته ليهو مشيتك خساره ياااخ م تحضر العيد طيب قال لي ي ريت وبقدر بس العقد عقد بتعرفي قولته ليهو صااح بتمنى تتوفق ف حياتك ي عمار💕 قال لي اميين جمعا💕 قعد اتونس معاي كدااا لغايه اسيل وعدن جو قعدنا كلنا نتونس الساعه بقت 10 قولته ليهم نرجع عدن قالت لينا انا ح استنى عادل جاي قولنا ليها تمام اسيل قالت لي انا ح اقعد شويه قولته ليهم يعني امشي بالمواصلات انا م ح القى😢 عمار قال لي ارح بوصلك قولته ليهو ح تعبك قال لي سلفااا انا ماشي قولته ليهو مبدر اليله قال لي ماشي ارتاح دي وقفت الصباح قولته ليهو ي حليلك ربنا يعينك ،؛ فضلنا نتونس طول الطريق وصلنا نزلته لمن وصلته الباب عمار كورك لي نزل وف يدو التلفون شكلي نسيتو ، قال لي م بطلتي عادتك دي ابدااا ضحكته قولته ليهو البسيب عادتو بتقل سعادتو وائل جا لقاني واقفه معاهو عمار سلم عليهو ومشى بعد عمار فات انا طلعته طوالي جا وائل لاحقني وائل قال لي بقيتي تجيبي زباينك البيت ؟ قولته ليهو كان بوصلني بس قال لي يعني كنتي معاهو ؟؟ عاينته ليهو مساااافه قولته ليهو اي كنت معاهو قال لي شوفي البتسوي تعمليهو بعد تطلقي طالما انتي من عيله ابشنب تعملي حسابك م توسخي لينا اسمنا اذا ناقصكك قروش كلميني بديك بس ابداا م تقربي للسكه دي وانتي محسوبه مننا فاهمه ؟؟! قولته ليهو فاهمه فتحته الباب لزاهو قفلو قال لي وتكلني عليهو ختى يدو فوق لراسي وقرب مني شديد قال لي عمار زبونك الدايم صاح ده الثابت صح؟؟ قولته ليهو صاح قال لي وهو بقرب مني يعني لمن كنت بلاقك معاهو كنت ب..قاطعتو قولته ليهو اي شي انت ح تقولو كلو صاااح كل شي صااح انا واحده حقيره وبتبيع روحه لاي واحد بتلاقهو قدامه وسااافله وبميه وش ده العايز تقولو ؟! قولته ليك يلا زح مني ليزتو رجعني تاني ومسكني من يدي شديد قال لي م تتجاهلني فااهمه ؟! زحيتو عايز امشي جراني بكل قوتو لصقني ع الحيطه ومسكني من خصري شديد وشداني عليهو قال لي لمن اتكلم معاك اياك تديني ضهرك فاهمه قولته ليهو وائل بطني فكني قال لي بتتوجعي؟! وعصر بطني شديد قولته ليهو وائل الله يخليك فكني قال لي اتوجعي لسه قولته ليهو وائل انا حامل فك بطني الله يرضي عليك قال لي حامل؟! فكاني بطني بتوجعني شديد مسكته بطني وقعدته ف الارض دموعي جات جاريه للحظه حسيت اني ح اجهض كان عاصر بطني بكل قوتو 💔
وقف ساااكت نهاائي م فتح خشمو بشي قومته ع حيلي دخلته غرفتي وقفلتها علي الحيوان عايز يقتل لي ولدي م كفايه العملو فيني 💔
بلعته حبوبي ونومته صحيت الصباح اتحسسته بطني بقيت كل يوم بصحى اول شي بعملو من افتح عيوني بتحسس بطني 💕 قعدته ف نص السرير وانا بعاين للصوره اليوم كان جمعه قومته استحميت ولبسته لي بجامه واتريحته جا ع بالي اسشور شعري سشورتو وفكيتو ومسكته نصو بمشبك كنت عايز احسن نفسيتي باي طريقه قريت لي قران حبه ونزلته افطر حمرته لي بيض وجبنه حشيتهم سندوتشات شهيتي كانت فاتحه شديد للاكل وشلته لي عصير ختيتم ف التربيزه وقعدته اكل وانا بسمع ف اغاني مكسيكيه 💃💃💕
جا وائل قلع مني السماعه اتلفته عليهو قولته ليهو مالك؟؟ قال لي حامل كيف يعني؟؟ قولته ليهو الحمل الواحد يعني جواي طفل قال لي حامل من منو هاا؟؟! عاينته ليهو مساااافه ومسكته اعصابي قال لي بتكلم معاك انطقي قولته ليهو م عارفه ابو لهسي قال لي كيف يعني؟! قولته ليهو انا نمته مع اكتر من رجال كيف اعرف ابو بالسهوله دي؟! مشده كلامك برضو؟؟! قال لي م تفكري للحظه اني ح اعترف بالفي بطنك ده او اديهو اسمي قولته ليهو انا م طلبته منك شي انا اصلا م كنت عايزه اوريك ولو م امس عصرت بطني شديد م كنت وريتك قال لي المعنى؟؟! قولته ليهو ولاشي اعمل رايح بس قال لي اعمل رايح كيف وانتي حامل؟؟؟! قولته ليهو وائل انا م حامل منك بعدين نحنا ح نطلق بعد كم شهر وناف زول ح يشك ف شي من جهه انت تمشي تكلم اهلك اني م كويسه وانو الفي بطني م منك ووريهم الفديو ك دليل من جهه تانيه انا ح اكون ف نظر المجتمع مطلقه وعندها طفل واي واحد يبني حياتو بطريقتو تاني بسيطه قال لي انتي بتهظري ؟؟! قاطعتو قولته ليهو وائل انا م طلبته ولا ح اطلب منك شي ف حياتي كلها تمام واتفهمته انو البينا كان نزوه عابره وانتهينا يعني مستحيل اسبب ليك ازعاج تاني وح اكون كاني ماف وحتى حملي ده صدقني م ح اخليهو يأثر عليك ولا ح تحس بيهو وهسي من فضلك جعانه عايزه اكل لبسته سماعتي قلعم مني تاني قولته ليهو ف شنو تاني ؟؟! قال لي يعني م ح تقولي اني ابو قولته ليهو هو انت ابو؟! قال لي اكيد لا قولته ليهو لغايه هنا قال لي خالك قاطعتو قولته ليهو خالي م عندو دخل بي انا حره بعمل العايزاهو قال لي اوكي انتي حره بس انا مسؤل لا عنك لا عن البلوه الفبطنك م اشتغلته بيهو مشى
