كنت ف حاله لخبطه، جااايطه شديد محتاجه اقعد وافهم الفيني ده حب ولا شي تاني مهو برضو دي اول مره احس فيها بمشاعر زي دي او بالاصح اول مره اسمع فيها كلام حلو وغزل كل حاجه كانت جديده بنسبه لي وعزام اااخ انا من عزام كل حاجه فيهو بتوحي لي انو الشخص المثالي الممكن اعتمد عليهو ويسندني كنت م بين مبسوطه وخايفه انا زوله اتخزلت واتوجعت واتقعهرت ف الدنيا دي لدرجه م فضل فيني حيل لاي وجع تاني خسرته كتيبير كتير شديد واتحملته فوق طاقتي شلته اليل كلو افكر ، بفكر لدرجه م قدرته اوقف روحي كان ف صوره لي انا وعزام واسيل عاينته ليها وعملته زوم لصورتي انا وهو وابتسمته فضلته بعاين ليها لغايه نومته وم حسيت ع روحي تاني يوم فتحته عيوني ع غير العاده لقيت البيت هااادي والجو كان حلو شديد م قومته من السرير فتحته الشبكه واول رساله كانت منو♡ قريته من الستاره بس م حبيت افتحه كان خاتي استوري كاتب فيها " يغمرني شعور اني وهي سنيقظ غدآ كلانا سعيد بسبب الاخر ♡" عاينته لزمن الحاله لقيته من امس بليل انبسطه شديد، الرساله مكتوب فيها" لو بكره فاضيه نتلاقى؟!" رديت ليهو "بشوف" مشيت استحميت وسرحته طبعا شعري رجع هههه طبعا ح يرجع مرت سنتين من القصه اسيل ضربت لي قالت لي م جايه ولاشنو قولته ليها لالا جايه قالت لي ح اغشاكي طيب انا طلعته ، قولته مسافه تجي تلقاني جهزته م تستناني وقفته ف الدولاب وانا بفتش لشي البسو حسيت ملابسي كلها شينه وقديمه قولته ي نسيمه معقوله عندك قروش وتبخلي ع روحك بقميص جديد عاينته لقمصاني قولته او قميصين تلاته ليه ملابسي كلها مشرشحه كده؟!!! ايييك انا لي زمن حتى للعيد م بجيب لي شي واي شي صارفاهو ع البيت واخواتي حسيت اني محتاجه لحاجات عندي قروش محوشاها كنت عايزه اجيب بيها لابتوب طلعته بقيت احسب فيها قولته م فيها حاجه لو شلته منها 500ج وبرجعه تاني كده كده انا شغاله وعندي مرتب اتذكرته انو دوا ابوي بتاع الضغط فضل ليهو حبه واحده وح يحتاج ليهو بقيت بفكر الابتوب ولا ملابس ؟؟ قرايتي اولى يخخخ دخلت علي اسيل قالت لي مالك خاله الباب فاتح ؟؟!قولته ليها خليتو ليك قاصده قالت لي ليه م لبستي انا مكلماك لي نص ساعه قولته ليها اسيل م عارفه البس شنو فتحت دولابي قالت لي نسيمه انتي مرتبك بتعملي بيهو شنو؟! قولته ليها جزو مني لاحتياجات البنات والباقي بين مواصلات وشيتاتك ومراجع بخلص قالت لي طيب واحتياجاتك الشخصيه ؟! قولته ليها م ضروري قالت لي انتي ظالمه روحك فيها شنو لو شلتي منها لنفسك حبه قولته ليها هسي كنت بفكر بس صعبه طلعت لي قميص وطرحه من سكات وم نطقت بشي تاني لبسته ومشينا جينا داخلين القاعه اتملت قعدنا ف بينش ف الوسط قعدنا فيهو مرت ربع ساعه من المحاضره جا خاشي الشبح م لقى مكان وف حته جنبنا الدكتور قال ليهو اقعد هناك جا اتجاهنا زحينا ليهو قعد شويه جا واحد مضروب ف يدو ووشو مورم وشعرو محلوق بقزاز الدكتور قال لينا شنو ي جماعه نبطل شغلتنا ونقعد كل دقيقه خش خش ؟! ي تجو بدري ي بعدي م يخش زول شكلكم عايزين العين الحمرا الولد رفع للدكتور يدو بمعنى حقك علي الدكتور قال ليهو حمدلله ع السلامه جا ماري ابتسم للشبح والشبح ابتسم ليهو كان ف بت ف البينش المقاصدنا مشى قعد جنبها الدكتور ختى القلم والمايك وبدا يتكلم عن الظلم والفساد والاستبداد الحاصل وكلامو كلووو موجه للكيزان اسيل قالت لي ماله المحاضره قلبت ركن نقاش؟! قولته ليها شكلو الكيزان جاطوها معاهو شبح قال لي انتي عارفه ده منو؟! قولته ليهو ح يكون منو؟؟! م كوز زيو وزي باقي الدكاتره يشحن ف الطلاب عشان يقتلو بعض وبليل يغمتو ليهم ف القروش ضحكت قال لي غلطانه ده ذا الكفل خميس اكبر معارض للحزب الحاكم ف الجامعه واحد من النشطاء البارزين ف ثوره 2013 القمعوها الكيزان اعتقل اكتر من 30مره الاسبوع الفات كان ف المعتقل اسيل قالت ليهو وليه يعني؟! قال ليها واحد قلبو حار عايز مصلحه البلد ضحكته قولته ليهو بالله هو ف زول ف البلد دي قلبو عليها؟؟ الناس كلها عايزه تطلع منها بكره لو لقى ليهو بعثه بطلع ولا يفرق معاهو ده دراب ساااي بمسك بيهو زمنو قال لي رايك شنو انو متقدم ليهو عرض ف جامعه اكسفورد ورافض !!! اسيل قالت ليهو اهبل سااي اخير يمشي يشوف مصلحتو وين قال ليها بسبب العقليه الزيك دي البلد دي عمره م ح تقوم ليها قومه م ردت ليهو وسكتت ف بت ورانا لفتت الشبح قالت ليهو اها ع معادنا؟! قال ليها ع معادنا اسيل قالت لي عايني ليهو الباطل يدي محاضرات ف العقليات وهو عقلو كلو نسوان قعدته اضحك عليها قال ليها ع فكره سمعتك قالت ليهو بافترا وم يكون 😒
ختى يدو وراي زحيته قولته ليهو ي تتلمى ي تقوم مني قال لي تمام هدي المحاضره خلصت اللهيا كانت عباره عن " فضح مفتعلات الكيزان الخبيثه"
البت بمجرد م الدكتور طلع جات لصقت ف الشبح اسيل قالت لي شوفي ماسكه من وين قولته ليهو كويس انو مسكه بس م باسه زي ديك قدام خلق الله قالت لي هسي عادي قدام الناس م بتخجل قولته ليها اسيل م خصنا ارح تشيل وتنبز فيهم بعد طلعنا قالت لي بكره بشيل العايزو منها ويرميها زي م رمي غيره قولته ليها هي عارفه كده ومتقبله الفكره كمان قالت لي ليهم الحق ابهاتنا يخاوفو علينا من الجامعه هم بشوفو المناظر دي كيف يضمنونا قولته ليها بسبب الزيها نحنا لو اتحرمنا من التعليم مره واحده ح يكون المبرر مقنع عاينته للساعه قولته ليها انا لازم امش قالت لي وين؟! قولته ليها ماشه لعزام اقصد اااا هوقال انو عندو موضوع ضروري قالت لي وشنو الموضوع الضروري ده قولته ليها م قال لي المحتوى بس هو قال ف شي ضروري يعني قالت لي اهااا عشان كده ليك ساااعه واقفه ف الدولاب قبيل قولته ليها قصدك شنو؟! قالت لي خاشه المكتبه تخشي معاي؟؟! ومشت خلتني واقفه ف مكاني....
مشيت المطعم مكان متفقين نتلاقى كنت مبسوطه وكل دقيقه بعاين ف المرايه جا لقاني تاكله وبعاين ف التلفون قال لي م اتوقعتك تجي ع كلمتو دي اتلبشته قولته ليهو خلصته بدري ف قولته اجي اشوفك عايز شنو وامشي شغلي قال لي طلبتي شي قولته ليهو لالا فطرته ف الجامعه وطلعته قال لي انا م فطرته ح اطلب وتفطري معاي و من غير اعتراضات طلب ومستنين الاكل اتورته شديد قولته ليهو م تعاين لي كده انا عشان بحس اني محرجه قال لي م بقدر اشيل عيوني منك قولته ليهو بصرامه عزام بطل قال لي ابطل شنو قولته ليهو كلامك ده قال لي ياتو ؟! سكته وعملته رايحه ختى يدو ف خدو وفضل يعاين لي قولته ليهو بالطريقه دي ح امشي والله قال لي وانا بالعيون دي ح اسيح اتلفته الجهه التانيه كاني م سمعته ببقينا نتونس ونسه عاديه موضع بعد التاني فتحته الشبكه ع اساس اسيل ترسل لي الاسلايت قال لي نسيمه رفعته راسي قولته ليهو نعم قال لي بحبك♡
يتبع.....
