شايفه سميه مرميه ع الارض وف تلاته رجال مقلعين ليها هدومها وهي بتبكي وتكورك بحس طوله حسيت روحي خلاص م قادره امشي ولا قادره اصله كانو صابين فيني اسمنتي واحد جاب باقه جاز وكباها فيها وبضحكو بصوت عالي ولع سجارتو ووقع فيها انا بحاول اسحب رجليني اصله م قدرته رجلي ابت تتحرك عديييل كورته ليهم سيبوها سيبوهاااااا وبكي وبشهق بكر ف كراعي ابت تتحرك النار ولعت فيها وصوت صريخه ف اضاني رقدته بطني وبقيت بزحف وجسمي تقيييييل شديد وبمد ف يدي وهي تكورك نسيمه الحقيني وتبكي
فتحته عيوني لقيت روحي ف السرير وجسمي كابي مويه واللحاف كلو مبلول وبتنهد بصوت عاالي ونفسي قايم وكاتم شديد ختيت يديني ف رقبتي وانا بتنهد عاينته يمين شايفه سميه وسميره نايمات ف سريرم اتعوذته ومشيت عليهم هبشتهم ختيت يدي ف نخرت كل واحده فيهم عشان اتاكد انهم عايشات طلعته بره لقيت ابوي نايم مشيت اتاكدته انو عايش رجعته وانت برجف وبتنهد حاولته امسك دموعي ابت تقيف وجات جاريه م مصدقه انو ده كان كابوس الحمدلله انو كابوس عاينته للتلفون لقيت الساعه 2 قمته اتوضيت وجيت صليت لي ركعتين النوم طار من عيني فتحته التلفون بقيت ماشه وجايه ف الفيس جاتني رساله من عزام المسهرك شنو ؟! قولته ليهو م جاني نوم قال لي تنومي غصب انتي بقيتي زوله شغاله تاني رسلته ليهو اموج بضحك قولته ليهو وانت المسهرك شنو قال لي ولا حاجه قولته ليهو م جايك نوم برضو 😏 قال لي البنوم ع صوتو صاحي 🐸 م فهمته كلامو ده قاصد بيهو شنو وم فكرته اسالو عملت رايحه من كلامو الساعه 4جات غفيت شويه صحيت لقيت سميه وسميره بلبسو طالعين قعدته ف نص السرير وبعاين ليهم سميه عاينت ل سميره قالت ليها ماله دي؟! سميره هزت ليها راسه وكتفه قولته م اهجمم ساي قمته شربته الشاي ونضفته الساعه بقت تسعه طلعته مشيت الشغل عديت ع خدمه الموظفين شلته الكرت بتاعي لبستو ف رقبتي جيت لقيت هبه لسه م جات بديت روتين الشغل العادي لكن كنت متحمسه جديده وكذه 😁 بعمل جكب ع الدفتر سامعه صوت خشن قال لي صباح الخير رفعته راسي اشوف واحد طويل صحتو كويسه اسمراني بلحيه وصلعه كان بلبس ف الكرت بتاعو وبصلح ف ساعتو قال لي اها اديني ملفي رفع راسو وانا مبحلقه فيهو قولته ليهو عفوا م سمعتك قال لي انتي السكرتيره الجديده ؟! قولته ليهو ببسمه اي قال لي اممم عايز الاتندس وعايز كمان الفايل بتاعي اديتو دفتر الاتندس قولته ليهو عفوا انا لسه م حفظته الاسامي اسمك منو؟! قال لي ايهاب بفتش ف الدفتر ايهاب ايهاب ايهاب ها هدا اتفضل قال لي عندي كم اليله قولته ليهو لغايه هسي 7 رفع حواجبو قال لي اطلبي قهوه وابدي دخلي اوكيهه قولته ليهو تمام ومشى جات هبه نكزتني قالت لي مكسر المستشفى كلها ي بببا قولته ليها بهظار ي ختي انا فاقده الامل سلفا قالت لي خلي ده علي وشالت الفايل قالت لي مش طلب قهوه قولته ليها اي جا البوي اوفس ماري قالت ليهو دي لدكتور ايهاب ؟! قال ليها ايوه شالته منو قالت ليهو مريسي انا بكفي صلحت تشيرتيها وغمزت لي عينه قال لي شوفي ضحكته عليها جد البت دي م معقوله ؛؛
جا وقت الفطور نزلنا الكافتريا فطرنا وجينا راجعين جات دكتوره ايمان ووتوالت الدكاتره بعديها هبه بتونسني وكلامه كلووو عن فلان وعلان وفلانه حتى الدكاتره بين بعضم ورتني منو بحب منو ومنو بحب وم معترف ومنو زير نسوان يعني باختصار كل فتفوته انا عرفتها حتى العاينين المكرشين ع الدكاتره هي م رحماهم ☺
شويه جا عمار عاينته ليهو مهجومه قولته ليهو اسيل تعبت ولاشنو؟؟ قال لي اسيل!! كويسه الحمدلله قولته ليهو طيب جاي ليه وانا بقول ليهو كده وماسكه قلم وبعاين ليهو مستغربه هبه نكزتني قالت احم اهلين دكتور عاينته ليها بغرابه قولته ليها دكتووور قالت لي دكتور عمار ياسر عويس معليش هي جديده يعني وكده قال ليها اهاا ملفي عند منو منكم? قالت ليهو طبعا عندي قرب منها قال ليها يعني لو م عندك ح يكون عند منو مثلا عاينت ليهو بخباثه قالت ليهو يبقى مافي داعي لسؤالك وقع وهو بعاين ليها اشر ليها بيدو يعني عايز قهوه للحظه م صدقته انو تصرفات زي دي بتطلع من اخووو اسيل لكن يالله الراجل راجل محل يمشي ☺💔
ضربته قولته اسال ابوي حصل شنو ف الشقه قال لي مضينا عقد الايجار والحمدلله لكن عايزه شويه شغل قولته ليهو اي قال لي اتكل عليك اختيار الالوان انتي واخواتك قولته ليهو تمام وفصلته هبه قالت لي راحلين ولا ايش قولته ليها اي والله اخيرا لقينا بيت قالت لي فعلا البيوت بقت م بيتلقى بالساهل هسي نحنا كايسين لبيت قولته ليها قلبي معاك بجد ح تدوخي قالت لي ولا يهمك عندي البنجز لي الموضوع وغمزت لي قولته ليها اشيي الله لينا
اسيل ضربت لي قالت لي وين انتي قولته ليها ف الشغل قالت لي بتخلصي متين ؟! قولته ليها ساعه كده قالت لي نتلاقى ف المكان بتاعنا قولته ليها ف حاجه قالت لي زهجانه ومخنوقه قولته ليها تمام ح اجيك صوتها كان م طبيعي اكيد حاصل معاها شي ي ربي ماله اسيل دي فضلته بفكر فيها طلع عمار دق لي المكتب وقفته قال لي انا طالع ساعه وراجع هزيت راسي بمعنى تمام قال لي هبه وين؟! قولته ليهو م عارفها طلعت م قالت ماشه وين قال لي بتقدري تقولي طلعت من غير رقي كتير كنت شايله فايل ف يدي ختيتو قولته ليهو وانت شايف انها مافي بتقدر تحلل انها طلعت وم بتسالني بتالي انا م بجاوبك ☺ قال لي اللماضه بضيعك ابتسمته ليهو ابتسامة غيظ دوامي خلص قولته لي هبه انا خلاص ماشه قالت لي بايات مشيت المطعم البنتلاقى فيهو انا واسيل ضربته ليها قالت لي انا اصلا جوه خشي مشيت لقيت عيونه محمره ووشها متغير قولته ليها اسيل مالك؟! قالت لي قولته ليك عندي التهاب قولته ليها الكلام ده تقوليهو لامك لاخوكي لامينه م لي لمن اسالك تجاوبي بكت قالت لي انا مخنوقه ي نسيمه مخنوقه قولته ليها مالك قالت لي وهي بتتنهد امس اتشاكلته مع عمار قولته ليها اخوكي الكريه حمرت لي قولته ليها معليش كملي قالت لي نسيمه هو ليه م بحبني ؟! انا كعبه للدرجه دي ؟! افهمو كيف انو الحصل م كان بيدي وبكت قولته ليها اسيل مافي اخو م بحب اختو اكيد بحبك وانتي م كعبه مافي احن من قلبك وانتي عارفه اخوكي ده كانو م مننكم بجي خاشي البيت بلبس بس وبطلع قالت لي كونوا هو وابوي ع خلاف انا زنبي شنو انا لو كنت عارفه يوميها انو الموضوع ح يكبر م كنت فتحته خشمي والله العظيم انا م قادره اتحمل معاملتو لي دي ي نسيمه حضنتها مسحته ليها دموعه قولته ليها م تزعلي نفسك مصيرو يفهم يوم انك م كنتي قاصده والحصل اتفهم غلط اهدي انتي كويس فضلته احنس فيها حكايه سااعه لغايه بطلت بكى قالت لي اها اشتغلتي وين ؟! والامتحان كيف ؟! وعزام قال لي لقيتو شقه اسفه انا امس كنت منهاره والله اعفي لي قولته ليها م تتهابلي الامتحان جا سمبتكيييههه واشتغلته سكرتيره ف رويال ولقيت شقه قالت لي عزام حكا لي قولته ليها ي سلاام م هدا بتتكلمي مع عزام اشمعنا انا 😏 قالت لي لا خاالص م كده بس انو امس اتصل لي وحكاها معاي وانتي عارفه عزام قولته ليها اهااا قولتي لي قالت لي عايني انا اصلا شاكه فيكم انتوا الاتنين ف متقلبي الدور اوكيهه ي ماما قولته ليها تلاته يوم بالكتير وح نخلص تشتطيب ونرحل قالت لي عزام حكى لي قولته ليها لااا كده كتير قالت لي مالك غيرتي ضربتها قولته ليها بتتت قالت لي بت لمن تبتك 🐸🔥 قالت لي ع فكره انا بقول كده عشان اغيظك بس فعلا انا اقتنعته انو هو شخص خدوم ولطيف مع كل الناس قولته ليها سبحان الغير رايك!!! قالت لي ف الايام الفاتت كان كل م يلقاني برفعني و كل م اكون مضايقه بقفيف معاي 💕 قولته ليها انا اتاخرته قالت لي انا برضو يلا
رجعته بيتنا وتفكيري كلو كان ف اسيل البحصل معاها حرام هي م عندها زنب انا بكره ح امشي اتكلم مع عمار عارفاهو بكرهني لكن مهما حصل لازم اعمل شي او ع الاقل احاول وم اقعد مكتفه يديني ومستنيه شي يحصل
عايزه انوم كده التربيزه اتزحت قولته ليهم السلام عليكم لا تاذوني لا اذيكم انا تعبانه وعايزه انوم من فضلكم م تعملو جوطه واتبطحته ف السرير طوالي م تستغربوا انا خلاص اتعودته عليهم سلفا جوطتم وحركاتم بقت بنسبه لي محفوظه نمته صحيت بالمغرب خشيت اكلته لمحته الصحن الجابت فيهو منى الكيك لسه قاعد قولته شينه اشيلو فاضي وامشي يدي فاضيه ضربته ليها قولته ليها انتي قاعده ف البيت قالت لي اي قولته ليها تمام جايه اشرب معاكي شاي المغرب قالت لي اخييييرا قولته ليها ايووه عملته لي زلابيه ظريفه كده وجبته لبن بدره عندنا سرميس متوسطه كده مليته وشلتها سميه قالت لي جايه معاك قولته ليها ارح ومشيت ضربت لي قالت لي انا بيتي الباب التاني الباب الكبير حق ناس نسيبتي نسيت اقوليك قولته ليها فعلا عايزه ادق الكبير لكن خلاص جايه دقيتنا الباب جات بتها حلاتها فتحت لينا سلمنا عليها قالت لينا ماما جوه اتفضلوا لقيناها قاعده براها بتحضر ف التربيزه قولته ليها انا قولته ليك جاياك م جايه ليك قالت لي ي ستي اصلا م عملته حاجه كولو قاعده ف التلاجه بيتها كبيير وتصميم حلو شديد ♡♡
جا راجله ايمه ان شالله راجلي سمح سماحه تلخم وسيم ولبس وحللااتوو سلم علينا قال ليها انا طالع م بتاخر قالت لي طبعا انا بحب المرقات م بحب اقعد ف البيت لكن الحله دي كلها نسوان كبار وم بحب قعادم م صدقته انكم جيتو سكنتو جنبي سميه قالت ليها حمواتك وين البيت قريب م تمشي ليهم قالت ليها حمواتي م بحبو الونسه ديل طبقه برجوزايه وبتاع وانا زوله تافهه بحب الفرفشه ☺💔 قولته ليها نحنا ح نرحل زعلت زعل قالت لي كيف يعني انا بعد فرحته انو جوني ناس اتونس معاهم قولته ليها والله م بيدنا سميه قالت ليها البيت ده مسكون اخيرا لينا نمشي منو قالت ليها يعني الناس م كانت بتكضب قولته ليها مالو؟! قالت لي قالو بليل بسمعو اصوات ورجال بتطلع منو قولته ليها صحح بتحصصل المره الفات اسيل لمن باتت معاي قالت شافت رجال طلعو منو قالت لي وعايشين فيهو كيف ده؟! قولته ليها شكلهم مسالمين طول فتره قعادنا م اذونا بحاجه بس بخوفنا بحركاتهم قالت لي اها وبيتكم داك وين؟! قولته ليها ف (....) قالت لي م بعيد من بيت اهلي لمن اجيهم بغشاااكم😍
الساعه بقت 10 رجعنا البيت ضايرته المطبخ ومشت نمته تاني يوم ف المستشفى بعد الفطور جا عمار داخل قال لي هبه وين؟! قولته ليهو م جات اليله عايز يمشى قولته ليهو ممكن اتكلم معاك لحظه؟! قال لي انا؟! قولته ليهو ف غيرك هنا قال لي احكي قولته ليهو لا م ينفع هنا قال لي تمام خشي المكتب خشيت وقلبي ف يدي عاادي جدا يفصلني ده انسان م بيتفاهم ومخو طبله ومغرور ومع اختو قاسي قعد ف طرف تربيزه المكتب وخلف رجلو قال لي ها احكي شلته نفسي قولته ليهو انا عايزه اتكلم معاك بخصوص اسيل قال لي فكرتك وصلت اتفضلي بره كان ماشي ع كرسيهو وقفته قدامو قولته ليهو انت فاهم الموضوع غلط اديني فرصه اشرح ليك بس قال لي اطلعي بره قولته ليهو م طالعه قال لي انت عارفه عنادك ده ممكن يخسرك شغلك قولته ليهو عارفه ذي م عارفه انو لو اديتني فرصه اتكلم ح تغير نظرتك للموضوع وترجع انت واختك طبيعي زحاني بيدو قال لي دي حاجه عائليه م بتخصك قولته ليهو بس اسيل بتخصني انت م ممكن تتعامل مع الموضوع كده اختك تعبانه ومقهوره نفسيا الحاله الهي وصلت ليها بقت اكتئاب ع طول حاسه روحه وحيده اذا انت وابوك ع خلاف ده معناها انو هي سبب الحصل هي لايمه روحه مع انها م قالت غير الشافتو قال لي وشافت اني سرقته صح؟! قولته ليهو شافت انك جيت البيت هي ابدا م قالت انك سرقته الموضوع كلو سوء تفاهم انتوا ليه م تقعدو وتحلو الموضوع قال لي نحنا وانت م دخلك قولته ليهو عمار الفجوه البيناتكم انتوا التلاته دي سوء تفاهم ليه دايما انت بتتجاهل مشاكلك بدل تقعد تفكر ف حل ليها مسكني من يدي وفتح لي الباب قال لي بره وم عايز اشوفك هنا تاني وحاجه م بتخصك م تدخلي فيها قفلته الباب واتكلته عليهو قولته ليهو انا م بقدر اشوف اسيل كده واسكت قال لي وانتي منو بسلامتك نهرني قال لي يلا بره قولته ليهو عندك خبر انو اختك بتاخد مهدائات؟! وانت دكتور وعارف المهدئات لو اتخادت كتير ممكن تعمل شنو لمن قولته ليهو هدا شويه قرب مني شديد قال لي لاخر مره بقوليك بره قولته ليهو انا ف حياتي م شوفته انسان بقسوتك
يتبع ......
