بقيت شاكه ف روحي ي ربي بتهوم زي م بقولو لكن متاكده اني شوفتها خاشه عدن قالت لي يلا نحنا بعد ده نمشي قولته ليها متين جيتو عشان تمشو بعدين م اتغديتو من هنا م ح تمشو قالت لي لالا والله يوم تاني انا قاعده عند ناس عمي وجيت من الجامعه لهنا ع طول م كلمتهم اني غاشياك قولته ليها شوفي اصلا هم كده كده م عارفنك ح تخلصي محاضرات متين تقعدي تتغدي بعد داك تمشي عدن قالت لي لالا والله م بقدر وعاينت لاسيل اسبل قالت ليها انا متعوده اجي هنا باكل وبمش مرات بجي باكلي وحاجه فيها طقه دي عارفاني م بساوم فيها 🌚♡ قولته ليها يلا ح امشي اعمل الغدا اخدو راحتكم البيت بيتكم اسيل قالت لي امشي م تشيلي همنا 🐸 عدن قالت لي انا جايه معاك اساعدك انتي من الصباح شغاله قولته ليها مافي داعي لكن اصرت الا تخش المطبخ قالت لي ممكن طلب؟! قولته ليها اكيد قالت لي لو م فيها ثقاله انا بحب ملاح التقليه وطولته منو ف الداخليه ماف ومرت عمي هناك م قاعد تسوي كسرى خالص لو نعملو قولته ليها ولا يهمك هسي اعملو ليك قالت لي لا انتي سوي العصيده عشان م بعرف ليها وانا بسوي ليك الملاح بظبطو ليك تبيظظظه تاكلي صوابعك وراهو😌 قولته ليها ي زوله قالت لي وحاااتك انتي بس ختي لي المكونات وم عليك اسيل جات خاشه قالت لي انا م ح اقعد سااي طبعا اها عايزه تعملي شنو قولته ليها ف مكرونه هنا شوفيها في قالت لي اااي هدي قولته ليها ف لحمه مفرومه ف التلاجه جيبها واعملي مكرونه باللحمه قالت لي نسيمه رفارف قلبي يااا عارفاني بحب شنو😂💙 قولته ليها المفروض تبطلي نشوياات انتي مش قولته عايزه تخسي قالت لي انتي عارفه اني مهما حاولته اعمل دايت م بتم ساعه بتلقيني ف التلاجه عدن قالت ليها لو انتي بجد عايزه تخسي خلي عندك اراده بس والسمنه م سمحه امراضه كتيييره انتي عارفه طبعا قالت ليها والله بحاول لكن م بقدر ي عدن م بقدر انا بحب الاكل ده اكتر من امي وابوي 😭🌸 عاينت ليها قالت ليها بالطريقه دي م ح تنزلي ولا ربع كيلو ف السنه قعدت تضحك قالت ليها قولي ولا انش عديييل😂
ابوي جا داخل شايل اكياس ف يدو لقانا كلنا ف المطبخ سلم علينا وعرفتو ع عدن كان شايل اكياس ف يدو قولته ليهو انت قبيل م جبته الملاح جايبو تاني مالك؟! قال لي متين؟! قولته ليهو جانا عصام هنا وجاب اكياس قال لي ابوك هو الرسلني قال لي هو قال ليك كده؟! قولته ليهو اااي قال لي لالا م حصل الا لو هو جايبم وعشان انتي م ترفضي اتحجج بي الولد ده م عارف اجازيهو كيف والله♡♡
قولته ليهو فعلا شخص خدوم ♡♡ قال لي انا ماشي انوم قولته ليهو لاالا ايتنى اتغدا ونوم قال لي جهز قولته ليهو فضل الا العصيده بس واقطعه قال لي قولي عامله تقليه 😍😍 قولته ليهو اااي قال لي اهم شيي الشطه قولته ليهو عملتو عدن ضوق اكله قال لي كان كده باكلو تب 😍😍 عدن قعدت تضحكك قلت ليهو ان شالله يعجبك ي عمو♡♡ قال ليها عاجبني قبل اضوقو♡♡
قولته ليهم خلاص انتوا امشو صلو وانا بجهز الغدا علشان تمشوا وم تتاخرو عدن قالت لي فعلا الصلاه فاتت اسيل قالت ليها انا م علي صلاه لكن ارح عشان اديك السجاده تصلي قالت ليها طيب ومشوا
مسافه يصلو عملته الشاي سرعه سؤعه عرفتهم بعدين ح يتلكلكو لي ويقولي م بقدر يستنوهو مليت السيرمس جبته الصينيه وجهزته الكبابي ختيت السكريه وبدبت ارص ف الغدا ختيت صنيه لابوي وواحده لينا ناديت ابوي جا شال الاكل وانا خشيت الاوضه عدلته الملايات وختيت التربيزه ف نص السراير ختيت فيها صينيه الغدا وجبته تربيزه تانيه ختيت فيها جك وكبايه مويه بدينا ناكل ونتونس لغايه خلصنا شلته الصينيه مسافه غسلو يدينم جبته الشاي قعدته معاهم حبه عدن قالت لي تاني بعد ده نمشي اتغدينا وشربنا الشاي بجد تسلمي ع التقليه م ببتخيلي مشتاقه ليها قدر شنو😭💙 قولته ليها انت السويتها بنفسك ف م تشكريني لبسته التوب طلعته معاهم ابوي ناداني خمت لي قروش قال لي ركبيهم بيها م قصرو معانا ♡♡ شلتها منو ومشيت عليهم عدن قالت لي اها بكره بتجي قولته ليها م اظن في حاجات كتييره عايزه مضايره اسيل قالت لي نسيمه م تحججي انتي فاتتك 4 محاضرات ويدوب ده اول كورس لو جبنا معدل كويس انتي عارفه الراجينا م راجي زول عدن قالت لي كلامه صح انتو بذات ناس طب ديل انجزو ف الكورسات الاولى دي عشان معدلك نهايه السمستر وصحي الانتدس بدرجات وبنضاف لاعمال السنه وممكن ينقذ معدلك ويضيف ليك كتييير عشان كده م بنصحك تدوكي من اول كورس قولته ليها طيب ح احاول بقدر الامكان قالت لي م تقولي بتحاولي تعالي اوكيهه اسيل قالت لي انا بكره ح اغشاك واحسم الفارغه البتسوي فيها دي قولته تمام ي زوله جات ركشه غمته القروش لبتاع الركشه براااحه قولت ليهو م تشيل منهم ودعتهم ومشيت البيت غسلته عدتي وضايرته المطبخ اذان المغرب اذن صليت واطبحته شويه قمته جبت اللبن وفورتو العشا اذن صليت ونومته طووالي ولا اتفاهمته مع زول كنت مرهقه وتعبانه وفتراانه واصله الحضيض واقفه من الصباح ورجولي م شايلاتني
صحيت الصباح لقيت اسيل ف وشي قولته ليها بسسسم الله قالت لي مالك شايفه شيطان؟! وضربتي ف رجلي قالت لي اتكري قومي ارح اتاخرنا 😒
قولته ليها الساعه كم هي؟! قالت لي عشره قولته ليها م جاااده قالت لي اي بهظر فضل ربع ساعه ل11 ف حاولي انجز فيها عشان الليكشر 11 اوكييههه قومته سرعه سرعه صليت الصبح واستحميت ولبسته عبايتي ومشيت معاها كنا ماشين ف الجامعه بسرعه لاننا اتاخرنا 10 دقايق والدكتور صعب ولا بتفااهم بقينا بندعي انو الله ياخرو باي طريقه علشان م يطردونا وفعلا لقيناهو ماشي قدامنا جيرنا جري دخلنا القاعه لقيناها مليااانه قعدنا ف اخر بينش اسيل قالت لي طبعا هنا ولا ح نسمع حاجه طلعت سماعاته وختتم ف اضناينه قولته ليها ح يشوفك اكتر بينش واضح بنسبه ليهو ده قالت لي بالعكسس هو بركز مع القدام م معانا قولته ليها ع الاقل رطزي ف المحاضره الفحطنا ليها من جبل احد دي قالت لي انا فحطه عشان الانتدس البقول فيهو ده كلو م بهمني ولا فاهمه ليهو حاجه اساسا وركبت سماعاته واتكلت ع البينش 😴😴 ف نص المحاضره قالت لي ارقدي ع البينش قولته ليها ليه؟! قالت لي امسكي اسمعي الاغنيه دي حلوه كيف قولته ليها م دايره اسمع قالت لي بطلي عبط كده كده انتي م سامعه حاجه منو هااااك رقدته ع البيتش القدامي وبقيت بسمع معاها
معطنا حكايه ساعه كده ومرر الاتندس بعد خلصنا قالت لي انا جعانه ارح النشاط قولته ليها م ماشه قالت لي ليه؟، قولته ليها بنلقى الغربان قالت لي م تبقي عبيطه م تظهري ليهم ضعفك قولته ليها انا م ماشه ارح نفطر ف اي مكان تاني قالت لي طيب استنيني هنا ح اخش اشوفم لو لقيتم مافي نخش اوكيهه قولتا ليها طيب خشت وجات قالت لي مافي ارح تعالي قولته جد قالت لي ارح والله جد خشينا لقيناهم مافي قلبي اطمن لكن برضو مترقباهم عدن لقيتني بتلفت ضربتني ف كتفي من ورا قالت لي اليله ف كوره م يجو قولته ليها ليه يعني؟! قالت لي شان البوس بتاعم لاعب قولتا ليها اهاا بالله ده بعرف يلعب يعني قالت لي كييف ده كابتن الفريق ع فكره قولتا ليها ده نهايتو كبتن جوافه ضحكتت قالت لي شايل اكتر من 10 مدياليات ع مستوى العاصمه والولايات ف شنو م تستهيني بيهو😌 قولته ليها شكلك متابعه قالت لي هو لاعب لكن 🌚💙
بمجرد م طلعنا لقيت دونقا ف وشي والغربان كلهم معاهو الشبح كان لابس تشيرت رمادي كم كامل مخطط بابيض بالجنبات ومعاهو شورت قصير للركبه وشوز بالابيض بشراب اسود طويل البنات كلهم كانو بعاينو ليهو زحيت من الطريق انا وعدن دونقا كان شايل كرستاله وقعه قال لي ارفعيها وقفته م اشتغلت بيهو خط خطوه اتجاهي دنقرته شلتها واديتها ليهو ضحكك ووقعه تاني رفعتها واديته ليهو كرر الحركه دي كم مره لمن عايز يجدع الكرستاله تاني محمد شاله قاليهو انسانا يخخ مشى ولزاني بكتفو الشبح جا قدامي عايزه ازح الطريق التاني تاني رجع لي وختى يديني ف جيبو قال لي انا كنت فاكرك بت عرب لو عارفك من فصيله العبيد كنت خليتو يعمل العايزو معاكي وابتسم بخباثه عدن قالت لي ارح م تشتغلي بيهو قال ليها انا شايف انو بت ناس زيك م تمشي مع ... وعاين لي من فوق لتحت وكمل عشان العبد لمن تبقى طيب معاهو بطمع فيك عدن قالت ليهو لو سمحته اسسيل جات شايله السندوشات ف يدها قال ليها انتي مش اخت عمار ياسر؟! قالت ليهو اي قال ليها الكلام موجه ليك برضو اسيل قالت ليهو كلام شنو لبس نضارتو وماشي وبكفكف ف يدينو حسيت بطعنه ف قلبي لمتين اسمع كلام من اليسو وم اليسوى لمتين اتحمل نظرت الناس لي لمن يعرفو اني غرابيه لمتين اتحمل ذنب شي انا م عملتو نفسسي ضااق شديد قولتا ليهم انا ماشه الاستراحه اسيل قالت لي م تشتغلي بيهو ده مريض قولته ليها الكلام ده سمعتو كتيير م فارق معاي انا ماشه وجايه
بعد مشيت عدن قالت ليها يعني نسيمه دي غرابيه ؟؟! قالت ليها اي من دارفور وسكتوا
ف الطريق شايفه عصام واقف عاينته ليهو باستغراب قولته ليهو عصاام ومشيت عليهو سلمته قولته ليهو الجابك هنا شنو ؟! قال لي كيف الجابني انا بدرس هنا قولته ليهو بجد؟! قال لي والله بقرا هندسه اتصالات خريج قولته ليهو م كنت عارفه قال لي سيبك مني انتي ليه بتناديني عصام؟! قولته ليهو واناديك بشنو ده م اسمك 😒 ضحكك قال لي ومنو القاليك انو ده اسمي !؟ قولته ليهو كل الناس بنادوك عصام قال لي اهاااا انتي قصدك ابوكي بناديني عصام وضحك قال لي انا م اسمي عصام وابوك بخلط بيتي وبين عصام اخوي ف بناديني باسمو قولته ليهو اهاا وانت اسمك منو؟! قال لي اسمي عزام😴😴 قولته ليهو ظريف وانا نسيمه قال لي عارف كان ف ولد واقف جنبنا رجع لورا وقع وقعه بطااله م قدرته اكتم الضحكه وضحكته عاينته ل عزام لقيتو بعاين لي قولته ليهو اسفه م قدرته اكتتمه وضحكته تاني عاين لي قولته ليهو شنو؟؟! قال لي ولا اي شي قولته ليهو طيب بتعاين لي كده ليه؟! قال لي وهو خاتي يدينو ف جيبو ومسح بيدو ع رقبو ضحكتك حلوه دي كل الحكايه 😊💙
" كان يوم يشبه اول ايام الخريف وصوتآ ك خرير المياه و الشادي وبعض نوتات البلابل لبرهه كان الزمن قد توقف حينها ولم اسمع سوى صدى كلماته كان كل شيئآ حالكآ الا عيناه
نسيمه جبريل...
يتبع....
