عمار رسل لي مسج بمجرد م قمته قال لي " اتخلعتي علي قولتي لي 😏" ردت ليهو قولته ليهو انا شايفه انك تشغل نفسك بحاجه شكلو قعاد المستشفى ده اثر عليك شديد🐸 ضحك وم رد لي تاني ...
وصلته المستشفى لقيت حسام قاعد مستنيني قولته ليهو باستغراب حسام؟؟! قال لي صباح الخير كيفك قولته ليهو صباح النور الحمدلله خير مالك من الصباح بس م يكون ف زول اتصاب؟؟! قال لي ابداا بس عايزك دقيقه اذا ممكن قولته ليهو ثواني اخت شنطتي دي واجيك مشيت اديت شنطتي لنضال وجيت قال لي ارح النجيله بره احسن قولته ليهو سامعاك كان باين عليهو تعبان حكى عيونو وكان بكرش ف جسمو وساكت قولته ليهو حسام انت كويس؟،! هز لي راسو قال لي ابدااا انا م لقيت غيرك يساعدني والله العظيم قولته ليهو احكي قال لي انتي بتعرفي انو انا كنت بتعاطى تراما وغيرو صح ؟! هزيت ليهو راسي قال لي انا عايز ابطل ولي يومين م قربته ع اي نوع خرشه ختى يدينو ف كرعينو قال لي جسمي برتعش وببرد وبفقد اعصابي انا حاولته قدرتي اني ابعد بس بتعب وبرجع تاني ؛؛ انا بمشي مواكب ولو حصل وقبضوني ح يكتشفوا اني بخرش وده ح يأثر ع الثوره ده غير انو عظمه مات بسبب السسم الهاري ده وانا م عايز اموت زيو قولته ليهو عظمه مات؟؟! هز لي راسو بوجع قال لي ليهو تلاته شهور بجرعه زايده لقو جثتو مرميه وسط اكياس زباله ولامي فيها الحشرات 💔 ربنا يرحمو زعلته شدييد انو وصل للمرحله دي💔 قولته ليهو ربنا يرحمو ويتغمتو برحمتو قال لي امين ؛ انا م بقدر بمشي لدكتور اهلي بعرفو لانو ح يكلم ابوي وابوي ح يتابع الموضوع وح احس بضغط انا عايز اتغير وابقى زول جادي ف حياتي انا عملته حاجات سوده كتير انا بخاف اني اموت ف الموكب وانا صفحتي سوداء انتي الوحيده الانا بعرفه نضيفه انتي عارفه الشلل الانا كنت مباريها ف الجامعه والبنات البعرفن كولهن اشكالم كيف قال الكلام ده وهو بعاين بعيد قولته ليهو انا بعرف كذه مركز كويس ممكن يساعدوك قال لي م عايز امشي مركز التأهيل عشان اكون واضح انا ح التزم بكل حرف ح يقولو بس م بقدر اخش المركز قولته ليهو بس المركز افضل قال لي لالالا م بقدر بحس بخنقه انا جربته قبل كده قولته ليهو تمام جيب تلفونك دقيقه سجلته ليهو رقم قولته ليهو ده دكتور متخصص ف التعاطي و فاهم شديد وشاطر اسمو معتصم اتواصل معاهو انا ح احجز ليك عندو بعرفه السكرتيره بتاعتو ح اضرب ليها اخد ليك معاد وح اديك خبر متين تجي اوكيه؟! قال لي لالا م محتاج انا باخد منو المعاد م قصرتي قولته ليهو ولو عايز شي قبل امشي ؟! قال لي لا تسلمي دايره اقوم قال لي بصراحه في طلب قولته ليهو اتفضل مد لي يدو وكانت بترجف شكلو من المخدرات قال لي اصحاب؟! قولته ليهو اكيد 😊؛؛ قال لي اسف ع الحصل ليك بسببنا قولته ليهو اعتذرته قبل كده وقبلتو مافي داعي تعتذر تاني ابتسم لي ومشى ؛؛
استغربته جدآ انو الشبح اللي كان ف يوم زعيم عصابه مهدده الجامعه كلها فجأه يتغير يخش مواكب يدافع عن قضيه ده كلو هين بس معقوله موت عظمه هزاهو لدرجه عايز يبطل ؟!! اصلي م اقتنعته بكلامو اكيد ف سبب تاني حسام ليهو فتره متغير والتغير ده م من فراغ واكيد ف شي حصل خلاهو يتغير كده قولته هي يمكن ربنا هداهو ح تدخلي بين العبد وربو ي نسيمه ؟! مشيت باشرته ف شغلي الساعه 12 جات قولته لي نضال عايزاك ف خدمه قالت لي احكي قولته ليها انا ساعه كمان وبخلص دوام عايزاك تغطي لي الساعه دي بس قالت لي جرسانك كتر الفتره دي قولته ليها معليش اموري جايطه شويه قالت لي تمام لكن كلو بتمنو قولته ليها م تخافي بزبطك قالت لي ح اخد 100 المره دي قولته ليها ميه ليه؟؟! كلها ساعه هي قالت لي ده شرطي الوحيد م عجبك شوفي غيري يسد ليك قولته ليها تمام طول عمرك طماعه قالت لي م يغلى علي ولا شنو قولته ليها امسكي كده حلو قالت لي جداا جات اسيل شنطته شنطتي كانت حقت ضهر وطلعنا قولته ليها هاا ع بري؟! قالت لي سر الهوى😍😍🙈 قولته ليها خااايفه قالت لي ي ستي كلو مكتوب ارح اتوكلي ساي وشيلي الشهاده اهم شي لمن يرمو البنمبان م طشي مني وم تجري فاهمه اركزي ومهما حصل نفضل سوا فاااهمه ؟! قولته ليها تمام قالت لي خلك ومويتك ف شنطتك حجرك ف يدك هتافك ف خشمك شفتي كبوسوكي ارمي الحاجات دي ف ااااني دهيه لقوها عندك ح اعتقال بالبارد قولته ليها مالك مخوفاني 😢 قالت لي جمدي قلبك ي بت نحنا كندااااكات والكنداكه م بتخاف😌💅 قولته ليها بتضربي لمنو انتي ؟! قالت لي البت تنزيل قولته ليها جايه معانا ؟! قالت لي بت دي مسلمه من مسلمات الثورة 😂😂💔 قولته ليها عاد من يومه بتحب الحاجات دي قالت لي شوفتي ديك ليها سلمت عليها قالت لي مشتاقين ي مزه قولته ليها كتارات والله سمعنا صوت هتاف تنزيل قالت لينا يلا جو وقااااللت كده فكت الزغروته ايوووووووووي يوووووووي يووووووي بحس طووووله كان ف اولاد ورانا طوالي جو هتفو وبدينا نهتف " دم الشهيد م راح لابسنو نحنا وشاح " " اي كوز وينو ندوسو دوس وينو م بوخاف م بنحاف م بنخاف " اسيل كانت ماسكاني من يدي ورانا كان ف موكب دخلنا معاهم ومشينا ع الموكب القدامنا وبقينا موكب واحد كميه مهووووله من الناس تحلف تقول بري طبلوها ومرقو لجان الاحياء كانو متقدمننا ف الموكب وشايلين قماشه بيضا كبييييييره مكتوب فيها لجان مقاومه جمهوريه بري 🔥النسوان كميييه يزغرتن ويحمسن ف الثوار والثوار ف جزو منهم مرفوع فوق شايلنو اصحابو وبهتف تمينا حكايه ربع ساااعه كده ماشين وبنهتف مافي اي اثر للشرطه بعد نص ساااعه الولد الكان شايلنو نحنا كنا وراهو ضربو قناص ف راسو وقع قعدنا نصرخ وبعديهو طوالي فكو بنمبان كميييييه والناس بدت تجري ؛؛ الثوار رفعوهو وبقولو للناس م تجرو م تجرو واحد من الرفعو الولد ده اضرب ف رجلو برضو تكل صاحبو وبقى ماشي نحنا بقينا جارين من غير اتجاه والثوار ورانا بكورمو امشو م مجموعه م تتتفرقة م تتفرقو الوضع ف ثانيه اتأزم شديد وبقت الناس بتموت وهي جاريه شي تضرب بمبنان وشي برصاص انا واسيل وتنزيل اتفرقنا ف مره فتح لينا بيته انا وبتنين وولد ؛ المره دخلت الولد ف الحمام قالت ليها اعمل فيها بتستحمى وف سبت جوه الحمام ملص هدومك دي وختهن نهاايه السبت فاهم الولد خشى ونحنا اي واحد فينا قلعت عبايته المسكت ليها مقشه وقعدت تقش والانبطحت ف السرير ومسكت الرمود والدخلت تساعد المره ف المطبخ انا مسكته البشكيل وعملته فيها بمسح ف الصاله الكجر دخلو وقعدو يقولو للمره وينم الصعاليق ديل المره لفحت توبه ومرقت عليهو قالت ليهو هي انت كيف بتخش علينا كده ؟؟! قال لي م داير معاك كلام كتير طلعي الدسيتهم ديل سرعه قالت ليهو يدس ليك سم فار ان شالله شوف الخرفان ده ضربه بقعر المسدس ف كتفه قال ليها طلعي الميتين ديل وشاف البت الاتبطحت ف السرير قال ليها قومي ومكسه من يدها المره مسكتو من يدو قالت ليهو تقوم قيامتك بركت الله فك البت قال ليها والله اديك بالكلاش ده واكسر راسك ده فكي قالت ليهو يفك رقبتك سايق بتي وين سوت ليك شنو؟! قال ليها بتك بوين ياخي ولزاها ومسك البت من يدها نحنا خفنا واتخبينا عشان م يسوقنا انا بقيت برجف من فوق لتحت الولد الكان ف الحمام طلع كان لابس ليهو برمودها حدها الركبه وفميله داخليه وهو ضعيفووون 😂💔 قال ليهو ي مااان مالكم معانا من الصباح ياخ تخشو وتمرقو وتخشو فينا قال ليهو وانت جعان تطلع منو قال ليهو كرهتونا الحله دي زاتو ياخ كل موكب داخلين بيتنا ياخي بيتنا ده زاتو حردناهو من بكره ده بنرحل عشان جنب الشارع يعني قولنا ليكم ميت مره المعرصين البره ديل نحنا م عندنا معاهم شغله ديل مخربين ومرتزقه سااي وكلهم شفع البودينا ندخلم بيتنا شنو ؟!، وفك البت دي خطوبته اليله البت بعد اتهجمت😂😂💔 قال ليها انت زاااتك منحوسه ف خلقتك دي ابيت تتتخارجي كلو كلو محل يجيك عريس يطفش شي اللمبه اتحرقت وشي ام العريس ماتت هسي هدا الناس جاين كمان ساعه والشرطه دايره تعتقلك طلعتي ميتنا زاتو لا اتخارجتي ولا قعدتك ريحتنا شفتي وشك العامل زي قعر المقشاشه ده شوم خلاص عاين للشرطي مسك البت من يدها ولزاها ع الشرطي بكل قوتو الشرطي بعد اتخلع😂💔 قال ليهو سوقه معاك عليك الله قاعده لينا ازيه ساااي ضحكك قاليهو خليها تقعد وان شالله المره دي العرس يعقد😂😂💔 الولد قاليهو يعقد شنو يعقد شنو دي شوم واتلفت ع المره قاليها انا مش قولته ليك بتك دي هي الجايبه اللينا النحس ف البيت ده؟! وحات الله وحات الله يمه الراجل المره دي م يعرسه بكره اسلمه للجماعه ديل ونرتاح ياخي مالك ياخي جايبه لينا كفو ياااخ بدك كده هسي المره قالت ليهو هاا ولد هاا اختك وده نصيبه قال ليها م المشكله هنا انها اختي ياخي الحله كلها تناديني اخو البايره؟؟! شالو حالي ومشى تخيلو طريقه مشيو ماشي خاتي قميص ف كتفو وماشي بتشتح😂😂😂💔 الكجر طوالي لفو مشو المره قفلت الباب وماتت ضحك نحنا بغادي اتشرطنا ضحكك😂😂😂💔 البت مشت الولد قالت ليها انا تلزني كده وتكورك ف وشي تقول لي البايره وتقول لي وشك زي قعر المقشه؟ قال ليها انتي معرسه ولا مخطوبه ولا ناضمين فيكي؟! قالت ليهو لا قال ليها يبقى م قولته شي غلط المره قالت ليها وهي بتضحكك معليش لكن اخير من يعتقلوك وانت تنفع مممثل وحات الله الله يجازيك😂😂💔 البت حمرت ليهو قال ليها معليش ي اللخت م جاتني فكره افضل قالت ليهو لالا عادي قعدنا المره جابت لينا عصير انا كنت بحاول اتواصل مع اسيل وبديني تلفونه مغلق قولته خلاص اسيل دي الا كان اعتقلوها المره قالت لي مالك منكشكه ف تلفونك اابت ؟ قوبته ليها صحبتي كانت معاي ف الموكب واتفرقنا وهسي بضرب ليها بديني مغلق الولد قال لي م تخافي بتكون قفلتو قاصده او رمتو عشان م تتكشف المره قالت لي اي م تشيلي همها طالما هي ف بري هنا مستحيل يعتقولها هنا م بخلو بت للكجر الولد قال ليها شكرا ليك ي امي قالت ليهو م تقول كده انا ولدي كان زيكم كده ثاير لكن مات قال ليها بزعل ربنا يرحمو ح نطيب حقو م ح نخليهو ومن اليله نحنا عيالك 💙 قالت ليهو متاكده البت قالت ليها وادوكم جثتو ؟ قالت ليها انا ولدي مات ف 2013 م هسي قالت ليها ايواا مع ناس هزاع قالت ليها ااي بقت تحكي لينا عنو وعينو كانو مليانين فخر وماف اي اثر للزعل او الحسرة ورتنا صورتو والبهرني فيها انها خااالص م بكت بالعكسس تماما كان مبسووووطه شديد وبتحكي 💙 تلفوني ضرب لقيته تنزيل قالت لي انتي وين قولته ليها قاعده ف بيت اسيل معاك ؟! قالت لي معاي لكن غمرت من البمبان لكن م تخافي صحصت وبقت كويسه قولته ليها انتو وين؟! قالت لي ل بيت برضو لمن نطلع بنديك خبر قولته ليها تمام الولد قال لينا تلاته شهدتء و10 جرحى لغايه اللحظه💔 كان مدنقر ف تلفونو وزعلان شديد البت قالت ليهو الشهداء منو بقى يقول ليها ف اللسته لغايه م وصل للتالت قال ليها والشهيد مح مح ونفسو قام وبقى يرجف محمد عبد الغفور ختى يدينو ف رساو وبقى يكورك اخوي ماااات اخوي مااات انا اخوي مااات بقينا نهدي فيهو فرفر ف الارض قام جاري الا مسكانهو جنب باب الشارع قولنا ليها الكجر برا م ح تطلع قال لينا محمد مات خلوني امشي ليهو فكوني بقينا ماسكينو انا والمره والبت جات حبوبتن واقفن ف باب الشارع المره قالت ليهو اسمعيني هنا عايني لي ارفع راسك ده بتكلم معاك انا م ح اخليك تمرق عشان تحصل اخوك قال ليها فيكمي ياخي ماشه لاخوي فكيني قال لي امسكي معاي ندخلو جوه بقينا نجر فيهو نحنا التلاته وهو بناتل داير يطلع وعربات الكجر بره تلاته تاتشرات واقفه داخلناهو الصاله وقفلت الباب وهو بكورك وبصارع فينا قعدنا نبكي من حالتو والمره تشيل وتتكلم معاهو وهو م سامع اي زول فينا بس بكورك وبقول اخوي مات جا ولدها كان داخل يداب جدع الاكياس قال ليهو اثبت ي زول ومسكو من راسو قال ليهو اخوك شهيد ح تبكي عليهو ؟؟! عاين لي هنا اخوك بطل م مات اخوك عايش بيناتنا دايرو يشوفك بقول بكى علي تفخر بيهو ولا تبكي عليهو ؟! قال ليهو انا م عندي غيرو ده الرباني ده ابوي مسكو ضماهو عليهو عارفه حااااره اخوك تطلع تجيب حقو من القتلو ومن هنا لغايه م تجيب حقو م اشوف دمعه ف عينك ي تبقى راااجل و تجيب حقو ي تموت زيو سااامع الولد هدت شويه وقعد ف الارض قال ليهو بيتكم وين ارح العزا امو قالت ليهو استنى جايه معاك واتنن ي بنات البيت بيتكن قولنا ليها لالا نحنا ح نجي معاكم الولد كان موقف اتوس بره شكلو شغال ليها ركبنا فيها حتى حبوبتم مشن معانا ؛؛ وصلنا البيت لقيناهو ملاااان نااس شكلو ف موكب كامل كسر بجاي لقينا امو واقعه ف الارض مصدومه بتقول ولدي م مات ولدي عايش الولد اسمو مصطفى مشى عليها مسكه قومه وبقى بهتف شهدائنا م ماتو عايشين مع الثوار والناس بدت تهتف معاهو واي واحد جا يبوس راس امهم ويحضنه ويبكي معاها مصطفى كان بهتف بشكل هستيري جا واحد من الشباب شكلو صاحبو بقى حاضنو وببكي معاهو
والنسوان والبنات بقن يصبرن ف ام الشهيد وبناته ف ظرف ثااانيه البيت اتملا بنبمان م عارفين جاي من وين واغلبيه الناس اتصابت بعبوة البنمبان وف الاتخنق منها والتاتشرات خشت علينا جوووة .....
#استكانهه😴😴
